Josue 12

1 Ngayon ito ang mga hari ng lupain, na siyang lumupig ng kalalakihan ng Israel. Inangkin ng mga Israelita ang lupa sa silangang bahagi ng Jordan kung saan sumisikat ang araw, mula sa lambak ng Ilog Arnon patungo sa Bundok Hermon, at lahat ng Araba sa silangan.

Ang mga ito nga ang mga hari sa lupain na sinaktan ng mga anak ni Israel, at inari ang kanilang lupain sa dako roon ng Jordan na dakong sinisikatan ng araw mula sa libis ng Arnon hanggang sa bundok ng Hermon, at ng buong Araba na dakong silanganan:

2 Si Sihon ay hari ng mga Amoreo, na nakatira sa Hesbon. Namuno siya mula sa Aroer, kung saan nasa gilid ng bangin ng Arnon mula sa gitna ng lambak, at kalahati ng Galaad pababa sa Ilog Jabbok sa hangganan ng mga Ammonita.

Si Sehon na hari ng mga Amorrheo, na nanahan sa Hesbon at nagpuno mula sa Aroer, na nasa tabi ng libis ng Arnon at ang bayan na nasa gitna ng libis, at ang kalahati ng Galaad, hanggang sa ilog Jaboc, na hangganan ng mga anak ni Ammon;

3 Pinamunuan din ni Sihon ang Araba patungo sa Dagat ng Cinneret, sa silangan, patungo sa Dagat ng Araba (ang Dagat ng Asin) patungong silangan, hanggang sa Beth Jesimot at patungong timog, patungo sa paanan ng mga libis ng Bundok Pisga.

At ang Araba hanggang sa dagat ng Cinneroth, na dakong silanganan, at hanggang sa dagat ng Araba, Dagat na Alat, na dakong silanganan, na daang patungo sa Beth-jesimoth; at sa timugan sa ilalim ng mga tagudtod ng Pisga:

4 Si Og, hari ng Bashan, isa sa natira ng Rephaim, na nanirahan sa Astarot at Edrei.

At ang hangganan ni Og na hari sa Basan, sa nalabi ng mga Rephaim na nanahan sa Astaroth at sa Edrei,

5 Namuno siya sa Bundok Hermon, Saleca, at lahat ng Bashan, patungo sa hangganan ng bayan ng Gesur at mga Maacateo, at kalahati ng Galaad, patungo sa hangganan ni Sihon, hari ng Hesbon.

At nagpuno sa bundok ng Hermon, at sa Salca, at sa buong Basan, hanggang sa hangganan ng mga Gessureo at ng mga Maachateo, at ng kalahati ng Galaad, na hangganan ni Sehon na hari sa Hesbon.

6 Tinalo sila ni Moises na lingkod ni Yahweh, at ng bayan ng Israel, at ibinigay ni Moises na lingkod ni Yahweh ang lupain bilang pag-aari sa mga Rubenita, ng mga Gadita, at sa kalahating lipi ni Manases.

Sinaktan sila ni Moises na lingkod ng Panginoon at ng mga anak ni Israel: at ibinigay ni Moises na lingkod ng Panginoon na pinakaari sa mga Rubenita, at sa mga Gadita, at sa kalahating lipi ni Manases.

7 Ito ang mga hari ng lupain na siyang tinalo ni Josue at ng bayan ng Israel sa kanlurang bahagi ng Jordan, mula sa Baal Gad sa lambak malapit sa Lebanon patungo sa Bundok Halak malapit sa Edom. Ibinigay ni Josue ang lupain sa mga lipi ng Israel para sa kanila para angkinin.

At ang mga ito'y ang mga hari ng lupain na sinaktan ni Josue at ng mga anak ni Israel sa dako roon ng Jordan na dakong kalunuran, mula sa Baal-gad na libis ng Libano hanggang sa bundok ng Halac, na pasampa sa Seir (at ibinigay ni Josue na pinakaari sa mga lipi ng Israel ayon sa kanilang pagkakabahagi;

8 Ibinigay niya ang maburol na bansa, ang mga mababang lupain, ang Araba, ang mga gilid ng mga bundok, ang ilang, at ang Negeb—ang lupain ng mga Heteo, mga Amoreo, mga Cananaeo, mga Perezeo, mga Hivita, at mga Jebuseo.

Sa lupaing maburol, at sa mababang lupain, at sa Araba, at sa mga tagudtod, at sa ilang, at sa Timugan; ang Hatheo, ang Amorrheo, at ang Cananeo, ang Pherezeo, ang Heveo, at ang Jebuseo);

9 Ang mga hari kabilang ang hari ng Jerico, ang hari ng Ai na nasa tabi ng Bethel,

Ang hari sa Jerico, isa; ang hari sa Hai na nasa tabi ng Beth-el, isa;

10 ang hari ng Jerusalem, ang hari ng Enaim,

Ang hari sa Jerusalem, isa; ang hari sa Hebron, isa.

11 ang hari ng Jarmut, ang hari ng Lachish,

Ang hari sa Jarmuth, isa; ang hari sa Lachis, isa;

12 ang hari ng Eglon, ang hari ng Gezer,

Ang hari sa Eglon, isa; ang hari sa Gezer, isa;

13 ang hari ng Debir, ang hari ng Geder,

Ang hari sa Debir, isa; ang hari sa Geder, isa;

14 ang hari ng Horma, ang hari ng Arad,

Ang hari sa Horma, isa; ang hari sa Arad, isa;

15 ang hari ng Libna, ang hari ng Adulam,

Ang hari sa Libna, isa; ang hari sa Adullam, isa;

16 ang hari ng Maceda, ang hari ng Bethel,

Ang hari sa Maceda, isa; ang hari sa Beth-el, isa;

17 ang hari ng Tappua, ang hari ng Hepher,

Ang hari sa Tappua, isa; ang hari sa Hepher, isa;

18 ang hari ng Apek, ang hari ng Lasaron,

Ang hari sa Aphec, isa; ang hari sa Lasaron, isa;

19 ang hari ng Madon, ang hari ng Hasor,

Ang hari sa Madon, isa; ang hari sa Hasor, isa;

20 ang hari ng Simron-Meron, ang hari ng Acsap,

Ang hari sa Simron-meron, isa; ang hari sa Achsaph, isa;

21 ang hari ng Taanac, ang hari ng Megiddo,

Ang hari sa Taanach, isa; ang hari sa Megiddo, isa;

22 ang hari ng Kedes, ang hari ng Jocneam sa Carmel,

Ang hari sa Chedes, isa; ang hari sa Jocneam sa Carmel, isa;

23 ang hari ng Dor sa Napat Dor, ang hari ng Goyim sa Gilgal,

Ang hari sa Dor sa kaitaasan ng Dor, isa; ang hari ng mga bansa sa Gilgal, isa;

24 at ang hari ng Tirsa. Ang kabuuang bilang ng mga hari ay tatlumpu't isa.

Ang hari sa Tirsa, isa; lahat ng hari ay tatlong pu't isa;