Job 6
1 Pagkatapos sumagot si Job at sinabing,
| ויען איוב ויאמר׃ |
2 “O, kung titimbangin lamang ang aking paghihirap, at susukatin ang lahat ng aking mga sakuna!
| לו שקול ישקל כעשי והיתי במאזנים ישאו יחד׃ |
3 Sa ngayon mas magiging mabigat pa ito kaysa sa lahat ng buhangin sa dagat. Kaya nga naging padalos-dalos ako sa aking mga salita.
| כי עתה מחול ימים יכבד על כן דברי לעו׃ |
4 Dahil ang mga palaso ng Makapangyarihan ay nakaabang sa akin, ang aking espiritu ay iniinom ang lason; ang mga kaparusahan ng Diyos ay nagsunod-sunod laban sa akin.
| כי חצי שדי עמדי אשר חמתם שתה רוחי בעותי אלוה יערכוני׃ |
5 Ang isa bang mabangis na asno ay uungal kung marami namang damo? O ang mga baka ba ay uungal kung may dayami naman silang makakain?
| הינהק פרא עלי דשא אם יגעה שור על בלילו׃ |
6 Ang isang pagkain ba na walang lasa ay makakain kung walang asin? O may kung anong lasa ba sa puti ng itlog?
| היאכל תפל מבלי מלח אם יש טעם בריר חלמות׃ |
7 Tumatanggi akong hawakan sila; tulad sila ng mga nakakapandiring pagkain sa akin.
| מאנה לנגוע נפשי המה כדוי לחמי׃ |
8 O, sana matanggap ko na ang aking hinihiling, oh, ibigay na sana ng Diyos ang aking minimithi;
| מי יתן תבוא שאלתי ותקותי יתן אלוה׃ |
9 na malugod ang Diyos na durugin niya ako ng isang beses, na bitawan niya ako at putulin sa buhay na ito.
| ויאל אלוה וידכאני יתר ידו ויבצעני׃ |
10 Sana ito na lang ang aking maging pampalubag-loob—kahit na magsaya ako sa hindi napapawing hapdi: na hindi ko sinuway ang mga salita ng Tanging Banal.
| ותהי עוד נחמתי ואסלדה בחילה לא יחמול כי לא כחדתי אמרי קדוש׃ |
11 Ano ba ang aking lakas, na kailangan ko pang maghintay? Ano ba ang aking katapusan, na kailangan kong pahabain ang aking buhay?
| מה כחי כי איחל ומה קצי כי אאריך נפשי׃ |
12 Ang lakas ko ba ay kasing lakas ng mga bato? O ang aking mga kalamnan ay gawa sa tanso?
| אם כח אבנים כחי אם בשרי נחוש׃ |
13 Hindi ba totoo na hindi ko kayang tulungan ang aking sarili, at ang karunungan ay tinanggal sa akin?
| האם אין עזרתי בי ותשיה נדחה ממני׃ |
14 Para sa isang taong malapit nang mawalan ng malay, dapat ipakita ng kaniyang kaibigan ang katapatan; kahit na pinabayaan niya pa ang kaniyang takot sa Makapangyarihan.
| למס מרעהו חסד ויראת שדי יעזוב׃ |
15 Pero naging matapat ang mga kapatid ko sa akin, na tulad ng mga batis sa disyerto, na tulad ng mga daluyan ng tubig na natutuyo,
| אחי בגדו כמו נחל כאפיק נחלים יעברו׃ |
16 na dumidilim dahil sa mga yelong tumatakip sa mga ito, at dahil sa mga niyebe na ikinukubli ang sarili sa kanila.
| הקדרים מני קרח עלימו יתעלם שלג׃ |
17 Kapag sila ay natunaw, sila ay mawawala; kapag ang panahon ay mainit, nalulusaw sila sa kanilang kinalalagyan.
| בעת יזרבו נצמתו בחמו נדעכו ממקומם׃ |
18 Ang mga karawan ay gumigilid para maghanap ng tubig, nagpapaikot-ikot sila sa tuyong lupain at saka mamamatay.
| ילפתו ארחות דרכם יעלו בתהו ויאבדו׃ |
19 Ang mga karawan mula sa Tema ay pinagmamasdan sila, gayun din sa pangkat ng mga taga-Sheba na umaasa sa kanila.
| הביטו ארחות תמא הליכת שבא קוו למו׃ |
20 Sila ay nabigo dahil umaasa sila na makakahanap ng tubig; pumunta sila roon pero sila ay nilinlang.
| בשו כי בטח באו עדיה ויחפרו׃ |
21 Kaya ngayon, kayong mga kaibigan ko ay wala nang halaga sa akin; nakita ninyo ang aking kaawa-awang kalagayan pero kayo ay natatakot.
| כי עתה הייתם לא תראו חתת ותיראו׃ |
22 'Sinabi ko ba sa inyo na bigyan ninyo ako ng kahit ano?' 'O, regaluhan ninyo ako mula sa inyong kayamanan?'
| הכי אמרתי הבו לי ומכחכם שחדו בעדי׃ |
23 O, 'Iligtas ako mula sa kamay ng aking kalaban?' O, 'Tubusin ako sa kamay ng mga nang-aapi sa akin?'
| ומלטוני מיד צר ומיד עריצים תפדוני׃ |
24 Ituro ninyo sa akin, at ako ay mananahimik, ipaintindi ninyo sa akin kung saan ako nagkamali.
| הורוני ואני אחריש ומה שגיתי הבינו לי׃ |
25 Sadya ngang napakasakit ng katotohanan! Pero ang inyong mga sinasabi, paano ba nito ako maitutuwid?
| מה נמרצו אמרי ישר ומה יוכיח הוכח מכם׃ |
26 Balak ba ninyong hindi pansinin ang aking mga sinasabi, ituring ito ang salita ng isang tao na parang ito ay hangin?
| הלהוכח מלים תחשבו ולרוח אמרי נאש׃ |
27 Totoo nga, pinagpupustahan ninyo ang naulila sa ama, at pinagtatalunan ang inyong kaibigan na tulad ng isang kalakal.
| אף על יתום תפילו ותכרו על ריעכם׃ |
28 Subalit ngayon, tingnan ninyo ako at papatunayan ko sa inyo na hindi ako nagsisinungaling.
| ועתה הואילו פנו בי ועל פניכם אם אכזב׃ |
29 Pigilan ninyo ang inyong sarili, parang awa ninyo na; maging makatarungan kayo, maghunos-dili kayo dahil nasa tamang panig ako.
| שבו נא אל תהי עולה ושבי עוד צדקי בה׃ |
30 May kasamaan ba sa aking dila? Hindi ba malalaman ng aking bibig ang malisyosong mga bagay?
| היש בלשוני עולה אם חכי לא יבין הוות׃ |
