Job 41
1 Kaya mo bang palabasin ang leviatan gamit ang kawit sa pangingisda? O igapos ang mga panga niya gamit ang tali?
| תמשך לויתן בחכה ובחבל תשקיע לשנו׃ |
2 Kaya mo bang maglagay ng lubid sa ilong niya, o butasin ang panga niya gamit ang kawit?
| התשים אגמון באפו ובחוח תקוב לחיו׃ |
3 Magsusumamo ba siya sa iyo nang paulit-ulit? Magsasabi ba siya ng mga malumanay na salita sa iyo?
| הירבה אליך תחנונים אם ידבר אליך רכות׃ |
4 Gagawa ba siya ng kasunduan sa iyo, na dapat mo siyang gawing alipin magpakailanman?
| היכרת ברית עמך תקחנו לעבד עולם׃ |
5 Makikipaglaro ka ba sa kaniya nang katulad sa ibon? Itatali mo ba siya para sa iyong mga aliping babae?
| התשחק בו כצפור ותקשרנו לנערותיך׃ |
6 Tatawad ba ang mga pangkat ng mga mangingisda para sa kaniya? Hahatiin ba nila siya para makipagkalakalan sa mga mangangalakal?
| יכרו עליו חברים יחצוהו בין כנענים׃ |
7 Kaya mo bang punuin ang tagiliran niya ng mga salapang o ang ulo niya ng mga sibat sa pangingisda?
| התמלא בשכות עורו ובצלצל דגים ראשו׃ |
8 Ilagay mo ang iyong kamay sa kaniya minsan lamang, at maaalala mo ang labanan at hindi na ito gagawin.
| שים עליו כפך זכר מלחמה אל תוסף׃ |
9 Tingnan mo, ang pag-asa ng sinumang ginagawa iyon ay kasinungalingan; hindi ba mapapatirapa sa lupa sa pagtingin lamang sa kaniya?
| הן תחלתו נכזבה הגם אל מראיו יטל׃ |
10 Walang matapang na maglalakas-loob na pukawin ang leviatan; sino ngayon, ang makatatayo sa harap ko?
| לא אכזר כי יעורנו ומי הוא לפני יתיצב׃ |
11 Sino ang unang nagbigay sa akin ng anumang bagay na dapat ko siyang bayaran pabalik? Anuman ang nasa ilalim ng buong kalangitan ay sa akin.
| מי הקדימני ואשלם תחת כל השמים לי הוא׃ |
12 Hindi ako mananahimik tungkol sa mga binti ng leviatan, maging ang tungkol sa kaniyang kalakasan, maging ang kaniyang kaaya-ayang anyo.
| לא אחריש בדיו ודבר גבורות וחין ערכו׃ |
13 Sino ang makatatanggal ng kaniyang panlabas na takip? Sino ang makapapasok sa kaniyang dobleng baluti?
| מי גלה פני לבושו בכפל רסנו מי יבוא׃ |
14 Sino ang makapagbubukas ng mga pinto ng kaniyang mukha— napalilibutan ng kaniyang mga ngipin na kakila-kilabot?
| דלתי פניו מי פתח סביבות שניו אימה׃ |
15 Ang kaniyang likod ay gawa sa mga hanay ng mga kalasag, magkakalapit na katulad ng saradong selyo.
| גאוה אפיקי מגנים סגור חותם צר׃ |
16 Magkalapit sila sa isa't isa na walang hangin na nakapapasok sa gitna nila.
| אחד באחד יגשו ורוח לא יבוא ביניהם׃ |
17 Magkadugtong sila; magkadikit sila, para hindi sila mapaghihiwalay.
| איש באחיהו ידבקו יתלכדו ולא יתפרדו׃ |
18 Kumikislap ang liwanag mula sa kaniyang pagsinghal; ang kaniyang mga mata ay tulad ng talukap ng bukang-liwayway.
| עטישתיו תהל אור ועיניו כעפעפי שחר׃ |
19 Mula sa bibig niya ay mga nag-aapoy na sulo, ang mga kislap ng apoy ay nagtatalsikan.
| מפיו לפידים יהלכו כידודי אש יתמלטו׃ |
20 Mula sa mga butas ng kaniyang ilong ay usok katulad ng kumukulong palayok sa apoy na pinaypayan para maging sobrang init.
| מנחיריו יצא עשן כדוד נפוח ואגמן׃ |
21 Ang kaniyang hininga ay sinisindihan ng mga uling para lumagablab; apoy ang lumalabas sa bibig niya.
| נפשו גחלים תלהט ולהב מפיו יצא׃ |
22 Kalakasan ang nasa leeg niya, at sumasayaw ang takot sa harap niya.
| בצוארו ילין עז ולפניו תדוץ דאבה׃ |
23 Magkakadugtong ang mga tupi ng kaniyang laman; nakakapit sila sa kaniya; hindi sila magagalaw.
| מפלי בשרו דבקו יצוק עליו בל ימוט׃ |
24 Ang kaniyang puso ay kasing tigas ng bato— sa katunayan, kasing tigas ng batong gilingan.
| לבו יצוק כמו אבן ויצוק כפלח תחתית׃ |
25 Kapag tinataas niya ang kaniyang sarili, kahit ang mga diyos ay natatakot; dahil sa takot, umaatras sila.
| משתו יגורו אלים משברים יתחטאו׃ |
26 Kung tatamaan siya ng espada, wala itong magagawa— at maging ang sibat, palaso at iba pang matulis na sandata.
| משיגהו חרב בלי תקום חנית מסע ושריה׃ |
27 Ang tingin niya sa bakal ay parang dayami, at sa tanso ay parang bulok na kahoy.
| יחשב לתבן ברזל לעץ רקבון נחושה׃ |
28 Hindi siya mapapatakbo ng palaso; sa kaniya ang mga bato ng tirador ay nagiging ipa.
| לא יבריחנו בן קשת לקש נהפכו לו אבני קלע׃ |
29 Ang mga pamalo ay parang dayami; pinagtatawanan niya ang sumusuray na paglipad ng sibat.
| כקש נחשבו תותח וישחק לרעש כידון׃ |
30 Ang kaniyang mga pambabang bahagi ay tulad ng mga matatalim na piraso ng basag na palayok; iniiwan niya ang malaking bakas sa putik na para siyang karetang giikan.
| תחתיו חדודי חרש ירפד חרוץ עלי טיט׃ |
31 Pinabubula niya ang kailaliman katulad ng kumukulong tubig sa palayok; ginagawa niya ang dagat na parang palayok ng pamahid.
| ירתיח כסיר מצולה ים ישים כמרקחה׃ |
32 Pinakikinang niya ang landas na dinaanan niya; iisipin ng isang tao na ang kailaliman ay puti.
| אחריו יאיר נתיב יחשב תהום לשיבה׃ |
33 Sa lupa ay walang makapapantay sa kaniya, na ginawa para mamuhay nang walang takot.
| אין על עפר משלו העשו לבלי חת׃ |
34 Nakikita niya ang lahat ng mayabang; siya ang hari ng lahat ng mga anak ng kayabangan.”
| את כל גבה יראה הוא מלך על כל בני שחץ׃ |
