Job 38
1 Pagkatapos tinawag ni Yahweh si Job sa malakas na bagyo at sinabi,
| ויען יהוה את איוב מן הסערה ויאמר׃ |
2 “Sino itong nagdadala ng kadiliman sa aking mga plano sa pamamagitan ng mga salita na walang kaalaman?
| מי זה מחשיך עצה במלין בלי דעת׃ |
3 Talian mo ang iyong baywang gaya ng isang lalaki dahil magtatanong ako sa iyo, at kailangan mo akong sagutin.
| אזר נא כגבר חלציך ואשאלך והודיעני׃ |
4 Nasaan ka nang inilatag ko ang pundasyon ng mundo? Sabihin mo sa akin, kung mayroon kang labis na kaunawaan.
| איפה היית ביסדי ארץ הגד אם ידעת בינה׃ |
5 Sino ang nakaaalam ng lawak nito? Sabihin mo sa akin, kung alam mo. Sino ang nag-unat ng panukat dito?
| מי שם ממדיה כי תדע או מי נטה עליה קו׃ |
6 Saan nakalatag ang mga pundasyon nito? Sino ang naglatag ng mga panulukang-bato nito
| על מה אדניה הטבעו או מי ירה אבן פנתה׃ |
7 nang magkakasamang kumanta ang mga bituin sa umaga at sumigaw sa galak ang lahat ng mga anak ng Diyos?
| ברן יחד כוכבי בקר ויריעו כל בני אלהים׃ |
8 Sino ang nagsara ng dagat gamit ang pinto kapag bumubulwak ito, na parang lumabas sa sinapupunan -
| ויסך בדלתים ים בגיחו מרחם יצא׃ |
9 nang ginawa ko ang mga ulap bilang damit nito, at makapal na kadiliman bilang mga bigkis nito?
| בשומי ענן לבשו וערפל חתלתו׃ |
10 Iyon ay noong nilagyan ko ng tanda ang hangganan ng dagat, at naglagay ako ng mga rehas at mga pinto,
| ואשבר עליו חקי ואשים בריח ודלתים׃ |
11 at nang sinabi ko dito, 'Maari kang pumunta hanggang dito, pero hanggang dito lamang; dito ko ilalagay ang hangganan ng pagmamalaki ng iyong mga alon.'
| ואמר עד פה תבוא ולא תסיף ופא ישית בגאון גליך׃ |
12 Binuksan mo na ba, buhat noong nagsimula ang iyong mga araw, na magbigay ng utos na magsimula ang umaga, at idulot ang bukang-liwayway na malaman ang lugar nito sa takbo ng mundo,
| המימיך צוית בקר ידעתה שחר מקמו׃ |
13 para mahawakan nito ang mga dako ng mundo para yanigin ang mga masasamang tao?
| לאחז בכנפות הארץ וינערו רשעים ממנה׃ |
14 Nagbago ang anyo ng mundo gaya ng luwad na nagbabago sa ilalim ng tatak; nangingibabaw ang lahat ng naroroon gaya ng mga tiklop na piraso ng damit.
| תתהפך כחמר חותם ויתיצבו כמו לבוש׃ |
15 Mula sa masasamang tao ang kanilang 'liwanag' ay kinuha; sinira ang nakataas nilang braso.
| וימנע מרשעים אורם וזרוע רמה תשבר׃ |
16 Nakapunta ka na ba sa mga pinagmumulan ng tubig sa dagat? Nakapaglakad ka na ba sa pinakamababang bahagi ng kailaliman?
| הבאת עד נבכי ים ובחקר תהום התהלכת׃ |
17 Naipakita na ba sa iyo ang tarangkahan ng kamatayan? Nakita mo na ba ang mga tarangkahan ng anino ng kamatayan?
| הנגלו לך שערי מות ושערי צלמות תראה׃ |
18 Naintindihan mo ba ang kalawakan ng mundo? Sabihin mo sa akin, kung alam mo ang lahat ng ito.
| התבננת עד רחבי ארץ הגד אם ידעת כלה׃ |
19 Nasaan ang daan patungo sa kinalalagyan ng liwanag - para sa kadiliman, saan ito nakalagay?
| אי זה הדרך ישכן אור וחשך אי זה מקמו׃ |
20 Kaya mo bang dalahin ang liwanag at kadiliman sa kanilang pinagtatrabahuhan? Kaya mo bang hanapin ang pabalik sa bahay nila?
| כי תקחנו אל גבולו וכי תבין נתיבות ביתו׃ |
21 Siguradong alam mo, dahil pinanganak ka roon; ang bilang ng iyong mga araw ay napakahaba!
| ידעת כי אז תולד ומספר ימיך רבים׃ |
22 Nakapasok ka na ba sa mga imbakan ng niyebe, o nakita mo na ba ang mga imbakan ng yelo,
| הבאת אל אצרות שלג ואצרות ברד תראה׃ |
23 ang mga bagay na itinatago kong ito ay para sa panahon ng kaguluhan, para sa araw ng labanan at digmaan?
| אשר חשכתי לעת צר ליום קרב ומלחמה׃ |
24 Saang daanan binabahagi ang mga kidlat o saan kinakalat ang mga hangin mula sa silangan para sa buong mundo?
| אי זה הדרך יחלק אור יפץ קדים עלי ארץ׃ |
25 Sino ang gumawa ng mga agusan ng mga pagbaha ng ulan, o sino ang gumawa ng mga daanan ng mga dagundong ng kulog,
| מי פלג לשטף תעלה ודרך לחזיז קלות׃ |
26 para idulot ito na umulan sa mga lupain kung saan walang tao ang nabubuhay, at sa ilang, kung saan walang ni isang tao,
| להמטיר על ארץ לא איש מדבר לא אדם בו׃ |
27 para matugunan ang mga pangangailangan ng baog at malungkot na mga rehiyon, at para pasibulin ang sariwang damo?
| להשביע שאה ומשאה ולהצמיח מצא דשא׃ |
28 May ama ba ang ulan? Sino ang nagbunga ng mga patak ng hamog?
| היש למטר אב או מי הוליד אגלי טל׃ |
29 Kaninong sinapupunan galing ang yelo? Sino ang nagsilang ng puting hamog ng yelo mula sa himpapawid?
| מבטן מי יצא הקרח וכפר שמים מי ילדו׃ |
30 Tinago ng mga tubig ang kanilang mga sarili at naging gaya ng bato; tumigas ang ibabaw ng kailaliman.
| כאבן מים יתחבאו ופני תהום יתלכדו׃ |
31 Kaya mo bang ikandado ang mga kadena sa Pleyades, o kalagan ang mga tali ng Orion?
| התקשר מעדנות כימה או משכות כסיל תפתח׃ |
32 Kaya mo bang patnubayan ang mga bituin para lumitaw sa kanilang nararapat na mga panahon? Kaya mo bang patnubayan ang Oso sa kaniyang mga anak?
| התציא מזרות בעתו ועיש על בניה תנחם׃ |
33 Alam mo ba ang mga batas sa himpapawid? Kaya mo bang ipatupad ang batas ng himpapawid sa mundo?
| הידעת חקות שמים אם תשים משטרו בארץ׃ |
34 Kaya mo bang sumigaw sa mga ulap, para masaganang bumuhos ang ulan sa iyo?
| התרים לעב קולך ושפעת מים תכסך׃ |
35 Kaya mo bang ipadala ang mga kidlat para makalabas sila, na sasabihin nila sa iyo, 'Narito na kami'?
| התשלח ברקים וילכו ויאמרו לך הננו׃ |
36 Sino ang naglagay ng karunungan sa mga ulap o nagbigay ng pang-unawa sa mga ambon?
| מי שת בטחות חכמה או מי נתן לשכוי בינה׃ |
37 Sino ang makabibilang ng mga ulap sa pamamagitan ng kaniyang kahusayan? Sino ang kayang magbuhos ng tubig sa himpapawid
| מי יספר שחקים בחכמה ונבלי שמים מי ישכיב׃ |
38 kapag nagsama-sama ang maraming alikabok at nagkumpulan nang magkakasama ang tipak ng lupa?
| בצקת עפר למוצק ורגבים ידבקו׃ |
39 Kaya mo bang maghanap ng biktima para sa babaeng leon o pawiin ang gutom ng mga batang leon
| התצוד ללביא טרף וחית כפירים תמלא׃ |
40 kapag yumuyukyok sila sa kanilang mga lungga at nakahigang naghihintay sa kanilang taguan?
| כי ישחו במעונות ישבו בסכה למו ארב׃ |
41 Sino ang nagbibigay ng biktima sa mga uwak kapag umiiyak ang mga batang uwak sa Diyos at sumusuray dahil sa kakulangan ng pagkain?
| מי יכין לערב צידו כי ילדו אל אל ישועו יתעו לבלי אכל׃ |
