Job 32

1 Kaya tumigil sa pagsagot kay Job ang tatlong mga lalaking ito dahil siya ay matuwid sa sarili niyang paningin.

So these three men stopped answering Job, because he was righteous in his own eyes.

2 Pagkatapos sumiklab ang galit ni Elihu anak ni Baraquel, apo ni Bus ng pamilya ni Ram; sumiklab ito laban kay Job dahil binigyang katwiran niya ang kaniyang sarili sa halip na ang Diyos.

This kindled the anger of Elihu son of Barachel the Buzite, of the family of Ram. He burned with anger against Job for justifying himself rather than God,

3 Sumiklab din ang galit ni Elihu laban sa tatlo niyang mga kaibigan dahil wala silang nahanap na sagot kay Job, gayunman hinatulan nila si Job

and he burned with anger against Job’s three friends because they had failed to refute Job, and yet had condemned him.

4 Ngayon naghintay si Elihu na makapagsalita kay Job dahil mas matanda sa kaniya ang tatlong ibang lalaki.

Now Elihu had waited to speak to Job because the others were older than he.

5 Pero, nang nakita ni Elihu na walang sagot sa bibig ng tatlong mga lalaking ito, sumiklab ang kaniyang galit.

But when he saw that the three men had no further reply, his anger was kindled.

6 Pagkatapos nagsalita si Elihu na anak ni Baraquel, apo ni Bus at sinabi, “Bata pa ako, at kayo ay napakatanda na. Iyon ang kung bakit nagpigil ako at hindi nangahas na sabihin sa inyo ang aking palagay.

So Elihu son of Barachel the Buzite declared: “I am young in years, while you are old; that is why I was timid and afraid to tell you what I know.

7 Sinabi ko, “Ang haba ng mga araw ay dapat magsalita; ang maraming mga taon ay dapat magturo ng karunungan.

I thought that age should speak, and many years should teach wisdom.

8 Pero may espiritu sa isang tao; binibigyan siya ng pang-unawa ng hininga ng Makapangyarihan.

But there is a spirit in a man, the breath of the Almighty, that gives him understanding.

9 Hindi lamang ang mga dakilang tao ang marunong, ni ang mga matatanda lamang ang nakakaunawa ng katarungan.

It is not only the old who are wise, or the elderly who understand justice.

10 Dahil dito sinasabi ko sa inyo, “Dinggin ninyo ako; Sasabihin ko rin sa inyo ang aking kaalaman.'

Therefore I say, ‘Listen to me; I too will declare what I know.’

11 Tingnan ninyo, naghintay ako para sa inyong mga salita; nakinig ako sa inyong mga pangangatuwiran habang iniisip ninyo tungkol sa ano ang sasabihin.

Indeed, I waited while you spoke; I listened to your reasoning; as you searched for words,

12 Tunay nga, nakinig akong mabuti sa inyo, pero, tingnan ninyo, wala isa man sa inyo ang makakumbinsi kay Job o makatugon sa kaniyang mga salita.

I paid you full attention. But no one proved Job wrong; not one of you rebutted his arguments.

13 Ingatan ninyong huwag sabihing, “Natagpuan namin ang karunungan! Kailangang daigin ng Diyos si Job; hindi ito magagawa ng tao lamang.

So do not claim, ‘We have found wisdom; let God, not man, refute him.’

14 Dahil hindi itinuon ni Job ang kaniyang mga salita laban sa akin, kaya hindi ko siya sasagutin gamit ang inyong mga salita.

But Job has not directed his words against me, and I will not answer him with your arguments.

15 Hindi makaimik ang tatlong mga lalaking ito; hindi na nila masagot si Job; ni isang salita ay wala na silang masabi.

Job’s friends are dismayed, with no more to say; words have escaped them.

16 Dapat ba akong maghintay dahil hindi sila nagsasalita, dahil nakatayo sila doon nang tahimik at hindi na sumasagot?

Must I wait, now that they are silent, now that they stand and no longer reply?

17 Hindi, sasagot din ako sa aking panig; sasabihin ko rin sa kanila ang aking nalalaman.

I too will answer; yes, I will declare what I know.

18 Puno ako ng mga salita; itinutulak ako ng espiritung nasa akin.

For I am full of words, and my spirit within me compels me.

19 Tingnan ninyo, ang aking dibdib ay tulad ng nangangasim na alak na walang singawan; tulad ng bagong mga sisidlan ng alak, handa nang pumutok.

Behold, my belly is like unvented wine; it is about to burst like a new wineskin.

20 Magsasalita ako para ako ay maginhawahan; ibubuka ko ang aking mga labi at sasagot.

I must speak and find relief; I must open my lips and respond.

21 Hindi ako magpapakita ng pagtatangi; hindi rin ako magbibigay kaninuman ng titulo ng panggalang.

I will be partial to no one, nor will I flatter any man.

22 Dahil hindi ko alam kung paano magbigay ng ganoong titulo; kung ginawa ko iyon, maaga akong kukunin ng aking Tagalikha.

For I do not know how to flatter, or my Maker would remove me in an instant.