Mga Awit 66

1 Magkaingay kayong may kagalakan sa Dios, buong lupa.

For the Leader. A Song, a Psalm. Shout unto God, all the earth;

2 Awitin ninyo ang kaluwalhatian ng kaniyang pangalan: paluwalhatiin ninyo ang pagpuri sa kaniya.

Sing praises unto the glory of His name; make His praise glorious.

3 Inyong sabihin sa Dios, napaka kakilakilabot ng iyong mga gawa! Sa kadakilaan ng iyong kapangyarihan ay magsisuko ang iyong mga kaaway sa iyo.

Say unto God: 'How tremendous is Thy work! Through the greatness of Thy power shall Thine enemies dwindle away before Thee.

4 Buong lupa ay sasamba sa iyo, at aawit sa iyo; sila'y magsisiawit sa iyong pangalan. (Selah)

All the earth shall worship Thee, and shall sing praises unto Thee; they shall sing praises to Thy name.' (Selah)

5 Kayo ay magsiparito, at tingnan ninyo ang mga gawa ng Dios; siya'y kakilakilabot sa kaniyang gawain sa mga anak ng mga tao.

Come, and see the works of God; He is terrible in His doing toward the children of men.

6 Kaniyang pinagiging tuyong lupa ang dagat: sila'y nagsidaan ng paa sa ilog: doo'y nangagalak kami sa kaniya.

He turned the sea into dry land; they went through the river on foot; there let us rejoice in Him!

7 Siya'y nagpupuno ng kaniyang kapangyarihan magpakailan man: papansinin ng kaniyang mga mata ang mga bansa: huwag mangagpakabunyi ang mga manghihimagsik. (Selah)

Who ruleth by His might for ever; His eyes keep watch upon the nations; let not the rebellious exalt themselves. (Selah)

8 Oh purihin ninyo ang ating Dios, ninyong mga bayan, at iparinig ninyo ang tinig ng kaniyang kapurihan:

Bless our God, ye peoples, and make the voice of His praise to be heard;

9 Na umaalalay sa ating kaluluwa sa buhay, at hindi tumitiis na makilos ang ating mga paa.

Who hath set our soul in life, and suffered not our foot to be moved,

10 Sapagka't ikaw, Oh Dios, tinikman mo kami: Iyong sinubok kami na para ng pagsubok sa pilak.

For Thou, O God, hast tried us; Thou hast refined us, as silver is refined.

11 Iyong isinuot kami sa silo; ikaw ay naglagay ng mainam na pasan sa aming mga balakang.

Thou didst bring us into the hold; Thou didst lay constraint upon our loins.

12 Iyong pinasakay ang mga tao sa aming mga ulo; kami ay nangagdaan sa apoy at sa tubig; nguni't dinala mo kami sa saganang dako.

Thou hast caused men to ride over our heads; we went through fire and through water; but Thou didst bring us out unto abundance.

13 Ako'y papasok sa iyong bahay na may mga handog na susunugin, aking babayaran sa iyo ang mga panata ko,

I will come into Thy house with burnt-offerings, I will perform unto Thee my vows,

14 Na sinambit ng aking mga labi, at sinalita ng aking bibig, nang ako'y nasa kadalamhatian.

Which my lips have uttered, and my mouth hath spoken, when I was in distress.

15 Ako'y maghahandog sa iyo ng mga matabang handog na susunugin, na may haing mga tupa; ako'y maghahandog ng mga toro na kasama ng mga kambing. (Selah)

I will offer unto Thee burnt-offerings of fatlings, with the sweet smoke of rams; I will offer bullocks with goats. (Selah)

16 Kayo'y magsiparito at dinggin ninyo, ninyong lahat na nangatatakot sa Dios, at ipahahayag ko kung ano ang kaniyang ginawa sa aking kaluluwa.

Come, and hearken, all ye that fear God, and I will declare what He hath done for my soul.

17 Ako'y dumaing sa kaniya ng aking bibig, at siya'y ibinunyi ng aking dila.

I cried unto Him with my mouth, and He was extolled with my tongue.

18 Kung pinakundanganan ko ang kasamaan sa aking puso, hindi ako didinggin ng Panginoon:

If I had regarded iniquity in my heart, the Lord would not hear;

19 Nguni't katotohanang dininig ako ng Dios; kaniyang pinakinggan ang tinig ng aking dalangin.

But verily God hath heard; He hath attended to the voice of my prayer.

20 Purihin ang Dios, na hindi iniwaksi ang aking dalangin, ni ang kaniyang kagandahang-loob sa akin.

Blessed be God, who hath not turned away my prayer, nor His mercy from me.