Mga Awit 33
1 Mangagalak kayo sa Panginoon, Oh kayong mga matuwid: pagpuri ay maganda sa ganang matuwid.
| רננו צדיקים ביהוה לישרים נאוה תהלה |
2 Kayo'y mangagpasalamat sa Panginoon na may alpa: magsiawit kayo ng mga pagpuri sa kaniya na may salterio na sangpung kuerdas.
| הודו ליהוה בכנור בנבל עשור זמרו-לו |
3 Magsiawit kayo sa kaniya ng bagong awit; magsitugtog kayong matalino na may malaking ingay.
| שירו-לו שיר חדש היטיבו נגן בתרועה |
4 Sapagka't ang salita ng Panginoon ay matuwid; at lahat niyang gawa ay ginawa sa pagtatapat.
| כי-ישר דבר-יהוה וכל-מעשהו באמונה |
5 Iniibig niya ang katuwiran at kahatulan: ang lupa ay puno ng kagandahang-loob ng Panginoon.
| אהב צדקה ומשפט חסד יהוה מלאה הארץ |
6 Sa pamamagitan ng salita ng Panginoon ay nayari ang mga langit; at lahat ng natatanaw roon ay sa pamamagitan ng hinga ng kaniyang bibig.
| בדבר יהוה שמים נעשו וברוח פיו כל-צבאם |
7 Kaniyang pinipisan ang tubig ng dagat na parang isang bunton: inilalagay niya ang mga kalaliman sa mga kalawakan.
| כנס כנד מי הים נתן באוצרות תהומות |
8 Matakot nawa ang buong lupa sa Panginoon: magsitayo nawang may takot ang lahat ng taga sanglibutan sa kaniya.
| ייראו מיהוה כל-הארץ ממנו יגורו כל-ישבי תבל |
9 Sapagka't siya'y nagsalita, at nangyari; siya'y nagutos, at tumayong matatag.
| כי הוא אמר ויהי הוא-צוה ויעמד |
10 Dinadala ng Panginoon sa wala ang payo ng mga bansa: kaniyang niwawalang halaga ang mga pagiisip ng mga bayan.
| יהוה הפיר עצת-גוים הניא מחשבות עמים |
11 Ang payo ng Panginoon ay nanganayong matibay magpakailan man, ang mga pagiisip ng kaniyang puso sa lahat ng sali't saling lahi.
| עצת יהוה לעולם תעמד מחשבות לבו לדר ודר |
12 Mapalad ang bansa na ang Dios ay ang Panginoon; ang bayan na kaniyang pinili sa ganang kaniyang sariling mana.
| אשרי הגוי אשר-יהוה אלהיו העם בחר לנחלה לו |
13 Ang Panginoon ay tumitingin mula sa langit; kaniyang minamasdan ang lahat na anak ng mga tao;
| משמים הביט יהוה ראה את-כל-בני האדם |
14 Mula sa dakong kaniyang tahanan ay tumitingin siya sa lahat na nangananahan sa lupa;
| ממכון-שבתו השגיח-- אל כל-ישבי הארץ |
15 Siyang naghuhugis ng mga puso nilang lahat, na nagmamasid sa lahat nilang mga gawa.
| היצר יחד לבם המבין אל-כל-מעשיהם |
16 Walang hari na nakaliligtas sa pamamagitan ng karamihan ng hukbo: ang makapangyarihang tao ay hindi naliligtas sa pamamagitan ng malaking kalakasan.
| אין-המלך נושע ברב-חיל גבור לא-ינצל ברב-כח |
17 Ang kabayo ay walang kabuluhang bagay sa pagliligtas: ni hindi niya iniligtas ang sinoman sa pamamagitan ng kaniyang malaking kalakasan;
| שקר הסוס לתשועה וברב חילו לא ימלט |
18 Narito, ang mata ng Panginoon ay nasa kanila na nangatatakot sa kaniya, sa kanila na nagsisiasa sa kaniyang kagandahang-loob;
| הנה עין יהוה אל-יראיו למיחלים לחסדו |
19 Upang iligtas ang kaniyang kaluluwa sa kamatayan, at upang ingatan silang buhay sa kagutom.
| להציל ממות נפשם ולחיותם ברעב |
20 Hinintay ng aming kaluluwa ang Panginoon: siya'y aming saklolo at aming kalasag.
| נפשנו חכתה ליהוה עזרנו ומגננו הוא |
21 Sapagka't ang aming puso ay magagalak sa kaniya, sapagka't kami ay nagsitiwala sa kaniyang banal na pangalan.
| כי-בו ישמח לבנו כי בשם קדשו בטחנו |
22 Sumaamin nawa ang iyong kagandahang-loob, Oh Panginoon, ayon sa aming pagasa sa iyo.
| יהי-חסדך יהוה עלינו כאשר יחלנו לך |
