Mga Awit 29
1 Mangagbigay kayo sa Panginoon, Oh kayong mga anak ng makapangyarihan, mangagbigay kayo sa Panginoon ng kaluwalhatian at kalakasan.
Give to the LORD, O you mighty, give to the LORD glory and strength.
2 Ibigay ninyo sa Panginoon ang kaluwalhatiang marapat sa kaniyang pangalan: inyong sambahin ang Panginoon sa kagandahan ng kabanalan.
Give to the LORD the glory due to his name; worship the LORD in the beauty of holiness.
3 Ang tinig ng Panginoon ay nasa ibabaw ng tubig: ang Dios ng kaluwalhatian ay kumukulog, sa makatuwid baga'y ang Panginoon sa ibabaw ng maraming tubig.
The voice of the LORD is on the waters: the God of glory thunders: the LORD is on many waters.
4 Ang tinig ng Panginoon ay makapangyarihan; ang tinig ng Panginoon ay puspos ng kamahalan.
The voice of the LORD is powerful; the voice of the LORD is full of majesty.
5 Ang tinig ng Panginoon ay bumabali ng mga cedro; Oo, pinagpuputolputol ng Panginoon ang mga cedro ng Libano.
The voice of the LORD breaks the cedars; yes, the LORD breaks the cedars of Lebanon.
6 Kaniya namang pinalulukso na gaya ng guya: ang Libano at Sirion na gaya ng mailap na guyang baka.
He makes them also to skip like a calf; Lebanon and Sirion like a young unicorn.
7 Humahawi ng liyab ng apoy ang tinig ng Panginoon.
The voice of the LORD divides the flames of fire.
8 Niyayanig ng tinig ng Panginoon ang ilang: niyayanig ng Panginoon ang ilang ng Kades.
The voice of the LORD shakes the wilderness; the LORD shakes the wilderness of Kadesh.
9 Pinapanganganak ng tinig ng Panginoon ang mga usa, at hinuhubdan ang mga gubat: at sa kaniyang templo ay nagsasabi ang bawa't bagay: kaluwalhatian.
The voice of the LORD makes the hinds to calve, and discovers the forests: and in his temple does every one speak of his glory.
10 Ang Panginoon ay naupo sa baha na parang Hari; Oo, ang Panginoon ay nauupong parang Hari magpakailan man.
The LORD sits on the flood; yes, the LORD sits King for ever.
11 Ang Panginoon ay magbibigay ng kalakasan sa kaniyang bayan; pagpapalain ng Panginoon ang kaniyang bayan ng kapayapaan.
The LORD will give strength to his people; the LORD will bless his people with peace.
