Mga Awit 124

1 Kung hindi ang Panginoon ay naging kakampi natin, sabihin ng Israel ngayon,

“Kung wala si Yahweh sa ating panig,” hayaang sabihin ng Israel ngayon,

2 Kung hindi ang Panginoon ay naging kakampi natin, nang ang mga tao ay magsibangon laban sa atin:

“kung hindi si Yahweh ang nasa ating panig nang lumusob ang mga tao laban sa atin,

3 Nilamon nga nila sana tayong buhay, nang ang kanilang poot ay mangagalab laban sa atin:

tiyak lalamunin nila tayo ng buhay nang sumiklab ang kanilang matinding galit laban sa atin.

4 Tinabunan nga sana tayo ng tubig, dinaanan nga sana ang ating kaluluwa ng agos:

Tatangayin tayo ng tubig; lalamunin tayo ng malakas na agos ng tubig.

5 Dinaanan nga sana ang ating kaluluwa ng mga palalong tubig.

Pagkatapos lulunurin tayo ng rumaragasang tubig.”

6 Purihin ang Panginoon, na hindi tayo ibinigay na pinaka huli sa kanilang mga ngipin.

Purihin si Yahweh, siyang hindi nagpahintulot na magutay-gutay tayo sa pamamagitan ng kanilang mga ngipin.

7 Ang kaluluwa natin ay nakatanan na parang ibon sa silo ng mga manghuhuli: ang silo ay nasira, at tayo ay nakatanan.

Nakatakas tayo tulad ng isang ibon mula sa patibong ng mga manghuhuli; ang patibong ay nasira at tayo ay nakatakas.

8 Ang saklolo natin ay nasa pangalan ng Panginoon, na siyang gumawa ng langit at lupa.

Ang ating saklolo ay na kay Yahweh, na siyang gumawa ng langit at lupa.