Mga Awit 121

1 Ititingin ko ang aking mga mata sa mga bundok; saan baga manggagaling ang aking saklolo?

Itataas ko ang aking mga mata sa mga bundok. Mula saan manggagaling ang aking saklolo?

2 Ang saklolo sa akin ay nanggagaling sa Panginoon, na gumawa ng langit at lupa.

Ang saklolo sa akin ay nanggagaling kay Yahweh, na gumawa ng langit at lupa.

3 Hindi niya titiising ang paa mo'y makilos: siyang nagiingat sa iyo, ay hindi iidlip.

Hindi niya papayagang madulas ang paa mo; siya na nag-iingat sa iyo ay hindi iidlip.

4 Narito, siyang nagiingat ng Israel hindi iidlip ni matutulog man.

Tingnan mo, ang tagapangalaga ng Israel ay hindi kailanman iidlip o matutulog.

5 Ang Panginoon ay tagapagingat sa iyo: ang Panginoon ay lilim mo sa iyong kanan.

Tagapangalaga ninyo si Yahweh; si Yahweh ay lilim sa inyong kanang kamay.

6 Hindi ka sasaktan ng araw sa araw, ni ng buwan man sa gabi.

Hindi ka masasaktan ng araw sa umaga, ni ng buwan sa gabi.

7 Iingatan ka ng Panginoon sa lahat ng kasamaan; kaniyang iingatan ang iyong kaluluwa.

Iingatan ka ni Yahweh sa lahat ng kapahamakan, at iingatan niya ang iyong buhay.

8 Iingatan ng Panginoon ang iyong paglabas at ang iyong pagpasok, mula sa panahong ito at sa magpakailan pa man.

Iingatan ni Yahweh ang lahat ng iyong ginagawa ngayon at magpakailanman.