Mga Awit 114

1 Nang lumabas ang Israel sa Egipto, ang sangbahayan ni Jacob mula sa bayang may ibang wika;

When Israel went out of Egypt, the house of Jacob from a people of strange language,

2 Ang Juda ay naging kaniyang santuario, ang Israel ay kaniyang sakop.

Judah was his sanctuary, Israel his dominion.

3 Nakita ng dagat, at tumakas; ang Jordan ay napaurong.

The sea saw it and fled, the Jordan turned back;

4 Ang mga bundok ay nagsiluksong parang mga lalaking tupa, ang mga munting gulod na parang mga batang tupa.

The mountains skipped like rams, the hills like lambs.

5 Anong ipakikialam ko sa iyo, Oh dagat, na ikaw ay tumatakas? sa iyo Jordan, na ikaw ay umuurong?

What ailed thee, thou sea, that thou fleddest? thou Jordan, that thou turnedst back?

6 Sa inyo mga bundok, na kayo'y nagsisiluksong parang mga lalaking tupa; sa inyong mga munting gulod, na parang mga batang tupa?

Ye mountains, that ye skipped like rams? ye hills, like lambs?

7 Mayanig ka, ikaw na lupa, sa harapan ng Panginoon, sa harapan ng Dios ni Jacob;

Tremble, thou earth, at the presence of the Lord, at the presence of the God of Jacob,

8 Na pinapagiging tipunan ng tubig ang malaking bato. Na bukal ng tubig ang pingkiang bato.

Who turned the rock into a pool of water, the flint into a fountain of waters.