< Mga Kawikaan 18 >

1 Ang humihiwalay ay humahanap ng sarili niyang nasa, at nakikipagtalo laban sa lahat na magaling na karunungan.
He who separateth himself seeketh his own desire; Against all sound discretion he rusheth on.
2 Ang mangmang ay walang kaluguran sa paguunawa, kundi maihayag lamang ang kaniyang puso.
The fool hath no delight in understanding, But rather in revealing his own mind.
3 Pagka ang masama ay dumarating, dumarating din naman ang paghamak, at kasama ng kutya ang pagkaduwahagi.
When the wicked cometh, then cometh also contempt; And with baseness, shame.
4 Ang mga salita ng bibig ng tao ay parang malalim na tubig; ang bukal ng karunungan ay parang umaagos na batis.
The words of a man's mouth are deep waters, And the wellspring of wisdom is an overflowing brook.
5 Igalang ang pagkatao ng masama ay hindi mabuti, ni iligaw man ang matuwid sa kahatulan.
It is not good to be partial to the wicked, So as to overthrow the righteous in judgment.
6 Ang mga labi ng mangmang ay nanasok sa pagkakaalit, at tinatawag ng kaniyang bibig ang mga hampas.
The lips of a fool enter into strife, And his mouth calleth for blows.
7 Ang bibig ng mangmang ay kaniyang kapahamakan, at ang kaniyang mga labi ay silo ng kaniyang kaluluwa.
A fool's mouth is his destruction, And his lips are a snare for his life.
8 Ang mga salita ng mga mapaghatid-dumapit ay parang mga masarap na subo, at nagsisibaba sa pinakaloob ng tiyan.
The words of a talebearer are like sweet morsels; For they go down to the innermost parts of the body.
9 Siya mang walang bahala sa kaniyang gawain ay kapatid siya ng maninira.
Moreover, he that is slothful in his work Is brother to him that is a great waster.
10 Ang pangalan ng Panginoon ay matibay na moog: tinatakbuhan ng matuwid at naliligtas.
The name of the LORD is a strong tower; The righteous runneth to it, and is safe.
11 Ang yaman ng mayamang tao ay ang kaniyang matibay na bayan, at gaya ng matayog na kuta sa kaniyang sariling isip,
The rich man's wealth is his strong city, And as a high wall, in his own conceit.
12 Bago ang pagkapahamak ay pagmamalaki ng puso ng tao, at bago ang karangalan ang pagpapakumbaba.
Before destruction the heart of a man is haughty, And before honor is humility.
13 Ang sumasagot bago makinig, ay kamangmangan at kahihiyan sa kaniya.
He who answereth a matter before he hath heard it, It is folly and shame to him.
14 Aalalayan ng diwa ng tao ang kaniyang sakit; nguni't ang bagbag na diwa sinong nakapagdadala?
The spirit of a man will sustain his infirmity; But a wounded spirit who can bear?
15 Ang puso ng mabait ay nagtatamo ng kaalaman; at ang pakinig ng pantas ay humahanap ng kaalaman.
The heart of the intelligent will acquire knowledge, And the ear of the wise will seek knowledge.
16 Ang kaloob ng tao ay nagbubukas ng daan sa kaniya, at dinadala siya sa harap ng mga dakilang tao.
A gift maketh room for a man, And bringeth him into the presence of the great.
17 Ang nakikipaglaban ng kaniyang usap na una ay tila ganap; nguni't dumarating ang kaniyang kapuwa at sinisiyasat siya.
He that first pleadeth his cause appeareth just; But his opponent cometh, and searcheth him through.
18 Ang pagsasapalaran ay nagpapatigil ng mga pagtatalo, at naghihiwalay sa gitna ng mga makapangyarihan.
The lot causeth contentions to cease, And parteth asunder the mighty.
19 Ang kapatid na nasaktan sa kalooban ay mahirap mabawi kay sa matibay na bayan: at ang gayong mga pagtatalo ay parang mga halang ng isang kastilyo.
A brother offended is harder to be won than a strong city; Yea, their contentions are like the bars of a castle.
20 Ang tiyan ng tao ay mabubusog ng bunga ng kaniyang bibig; sa bunga ng kaniyang mga labi ay masisiyahan siya.
With the fruit of a man's mouth shall his stomach be filled; He shall be filled with the produce of his lips.
21 Kamatayan at buhay ay nasa kapangyarihan ng dila; at ang nagsisiibig sa kaniya ay magsisikain ng kaniyang bunga.
Death and life are in the power of the tongue; They that love it shall eat its fruit.
22 Sinomang lalaking nakakasumpong ng asawa ay nakasumpong ng mabuting bagay, at nagtatamo ng lingap ng Panginoon.
He that findeth a wife findeth a blessing, And obtaineth favor from the LORD.
23 Ang dukha ay gumagamit ng mga pamanhik: nguni't ang mayaman ay sumasagot na may kagilasan.
The poor useth entreaties; But the rich answereth roughly.
24 Ang nagpaparami ng mga kaibigan ay sa kaniyang sariling kapahamakan: nguni't may kaibigan na mahigit kay sa isang kapatid.
A man of many friends will show himself false; Yet there is a friend who sticketh closer than a brother.

< Mga Kawikaan 18 >