Psaltaren 33
1 Jublen i HERREN, I rättfärdige; lovsång höves de redliga.
Pathen mite jousen Pakai thangvahna la a kipah tahin saohen; milung thenghon ama athangvah diuhi lomtah ahi.
2 Tacken HERREN på harpa, lovsjungen honom till tiosträngad psaltare.
Semjang gin gaitah in Pakai thangvah un, tumgin jangsom ngaitah saijin nguiheovin saovin.
3 Sjungen honom en ny sång, spelen skönt med jubelklang.
Pakai thangvahnan lathah saovin; thepna neitah in selangdah saijun lang kipah tah in la a saovin.
4 Ty HERRENS ord är rätt, och allt vad han gör är gjort i trofasthet.
Pakai thusei jouse chu atah ahin chuleh anatoh athilbol jouse chu tahsan thei cheh ahi.
5 Han älskar rättfärdighet och rätt; jorden är full av HERRENS nåd.
Adihleh apha kiti jouse chu Pakai deilam ahin, amingailutna longlou chun vannoi leiset hi adimin ahi.
6 Himmelen är gjord genom HERRENS ord och all dess här genom hans muns anda.
Pakai thucheng mai mai in van mun hi asem dohin, ama thucheng haikhum chun ahsi jouse apendoh sah tai.
7 Han samlar havets vatten såsom i en hög; han lägger djupen i deras förvaringsrum.
Aman twikhanglen jong agamgi asempeh in chule twikhanglen jouse hi munkhat a aveikhom sah in akoidet in ahi.
8 Hela jorden frukte HERREN; för honom bäve alla som bo på jordens krets.
Vannoi leiset pumpin Pakaihi jana peohen, chuleh mijouse a-angsung a kichatah in dingu hen.
9 Ty han sade, och det vart; han bjöd, och det stod där.
Ajeh chu ama thucheng khat in leiset khang akipatsah ahi! Ama thupeh a kitungdoh jeng ahi.
10 HERREN gjorde hedningarnas råd om intet, han lät folkens tankar komma på skam.
Pakai in namtin vaipi thilgon houchu asuhboi peh in, chuleh atohgon houjouse chu asuhmo peh in ahi.
11 Men HERRENS råd består evinnerligen, hans hjärtas tankar från släkte till släkte.
Ahinlah Pakai thilgon vang tonsot'in adet jing e, ama tohgot hochu itih a jong killing lou ahi.
12 Saligt är det folk vars Gud HERREN är, det folk som han har utvalt till arvedel åt sig.
Apakaiju Pathen hikha nammite chu anunnom ahiuve, Pakaiyin agoulo dinga alhen nammite chu anun nom ahiuve.
13 Ja, från himmelen skådade HERREN ned, han såg alla människors barn.
Pakaiyin vanna kon in mihemte jouse ahin ven musoh kei e.
14 Från sin boning blickade han ned till alla dem som bo på jorden,
Alaltouna a konin ahin ven leiset chunga cheng jouse hindan ahesoh keijin ahi.
15 han som har danat allas deras hjärtan, han som aktar på alla deras verk.
Alungthim u sempa ama ahijeh'in alung gellu le athilbol jouseo ahesoh kei e.
16 En konung segrar icke genom sin stora styrka, en hjälte räddas icke genom sin stora kraft.
Gal manchah phapen in lengpa huhdoh joupontin, hanta le hansan nan jong gal hat pa ahuh doh jou poi.
17 Förgäves väntar man sig seger genom hästar, med all sin styrka rädda de icke.
Galsatna sakol khatnin jong gal najosah jouding ahipon, thahatna jousen jong nang nahuhdoh jouponte.
18 Se, HERRENS öga är vänt till dem som frukta honom, till dem som hoppas på hans nåd;
Ahinla Pakaiin ama gingte, angailut na longlouva kingaijing hoavelhi jing e.
19 han vill rädda deras själ från döden och behålla dem vid liv i hungerns tid.
Pakai in amaho chu athina diuva kon in ahuhdoh jin athigam nadiuva kon in ahuh dohjin ahi.
20 Vår själ väntar efter HERREN; han är vår hjälp och sköld.
Keihon Pakaijah kinepnakakoi ui. Ajeh chu amahi eiki thopiu leh eilum uva pang ahi.
21 Ty i honom gläder sig vårt hjärta, vi förtrösta på hans heliga namn.
Ama a hin ilungthimu akipah in, ajeh chu eihon amin thenga tahsan na dettah inei un ahi.
22 Din nåd, HERRE, vare över oss, såsom vi hoppas på dig.
Vo Pakai nami ngailutna longlou achun eium kimvel u hen, ajeh chu nang jenga bou kinepnao aum e.
