Zaburi 85
1 Yahwe, wewe umeonesha fadhilia kwenye nchi yako; umeurejesha ustawi wa Yakobo.
Kwa mwimbishaji. Zaburi ya wana wa Kora. Ee Bwana, ulionyesha wema kwa nchi yako. Ulimrejeshea Yakobo baraka zake.
2 Umesamehe dhambi ya watu wako; umezisitiri dhambi zao zote. (Selah)
Ulisamehe uovu wa watu wako, na kufunika dhambi zao zote.
3 Umeondoa ghadhabu yako yote; umeiacha hasira yako kali.
Uliweka kando ghadhabu yako yote na umegeuka na kuiacha hasira yako kali.
4 Uturejeshe sisi, Ee Mungu wa wokovu wetu, na uikomeshe chuki yako juu yetu.
Ee Mungu Mwokozi wetu, uturejeshe tena, nawe uiondoe chuki yako juu yetu.
5 Je! Utaendelea kuwa na hasira juu yetu milele? utadumisha hasira kizazi chote kijacho?
Je, utatukasirikia milele? Utaendeleza hasira yako kwa vizazi vyote?
6 Je, hautatuhuisha tena? Kisha watu wako watafurahia katika wewe.
Je, hutatuhuisha tena, ili watu wako wakufurahie?
7 Utuoneshe sisi uaminifu wa agano lako, Yahwe, utupe sisi wokovu wako.
Utuonyeshe upendo wako usiokoma, Ee Bwana, utupe wokovu wako.
8 Nitasikiliza yale Yahwe Mungu asemayo, maana yeye atafanya amani pamoja na watu wake, wafuasi wake waminifu. Lakini lazima wasirudi tena katika njia za kipumbavu.
Nitasikiliza lile atakalosema Mungu aliye Bwana; anaahidi amani kwa watu wake, watakatifu wake: lakini nao wasirudie upumbavu.
9 Hakika wokovu wake u karibu na wale wanao mwabudu yeye; kisha utukufu utabaki katika nchi yetu.
Hakika wokovu wake uko karibu na wale wamchao, ili utukufu wake udumu katika nchi yetu.
10 Uaminifu wa agano na uaminifu vimekutana pamoja; haki na amani vimebusiana.
Upendo na uaminifu hukutana pamoja, haki na amani hubusiana.
11 Uaminifu unatoa chemchem kutoka ardhini, na haki hutazama chini kutoka mawinguni.
Uaminifu huchipua kutoka nchi, haki hutazama chini kutoka mbinguni.
12 Ndiyo, Yahwe atatoa baraka zake njema, na nchi itatoa mazao yake.
Naam, hakika Bwana atatoa kilicho chema, nayo nchi yetu itazaa mavuno yake.
13 Haki itaenda mbele zake na kufanya njia kwa ajili ya nyayo zake.
Haki itatangulia mbele yake na kutengeneza njia kwa ajili ya hatua zake.
