Zaburi 83
1 Ee Mungu, usikae kimya! usitupuuze na kustarehe, Ee Mungu.
Wimbo. Zaburi ya Asafu. Ee Mungu, usinyamaze kimya, usinyamaze, Ee Mungu, usitulie.
2 Tazama, adui zako wanafanya vurugu, na wale wakuchukiao wameinua vichwa vyao.
Tazama watesi wako wanafanya fujo, jinsi adui zako wanavyoinua vichwa vyao.
3 Wanafanya hila juu ya watu wako na kwa pamoja kupanga njama dhidi ya wale uwalindao. Wamesema,
Kwa hila, wanafanya shauri dhidi ya watu wako, wanafanya shauri baya dhidi ya wale unaowapenda.
4 “Njoni na tuwaangamize wao kama taifa. Kisha jina la Israeli halitakumbukwa.”
Wanasema, “Njooni, tuwaangamize kama taifa, ili jina la Israeli lisikumbukwe tena.”
5 Wamepanga njama pamoja wakiwa na mkakati mmoja; wamefanya muungano dhidi yako.
Kwa nia moja wanapanga mashauri mabaya pamoja, wanafanya muungano dhidi yako,
6 Hii inajumuisha hema za Edomu na Waishmaeli, na watu wa Moabu na Wahagari, ambao wamepanga njama pamoja nao
mahema ya Edomu na Waishmaeli, ya Wamoabu na Wahagari,
7 Gebal, Amoni, Amaleki; pia inajumuisha Filisti na wenyeji wa Tiro.
Gebali, Amoni na Amaleki, Ufilisti, pamoja na watu wa Tiro.
8 Ashuri pia ameshirikina nao; wanawasaidia wana wa Lutu. Serah
Hata Ashuru wameungana nao kuwapa nguvu wazao wa Loti.
9 Ufanye kwao kama ulivyofanya kwa Midiani, kama ulivyofanya kwa Sisera na kwa Yabini kwenye Mto Kishoni.
Uwatendee kama vile ulivyowatendea Midiani, na kama vile ulivyowatendea Sisera na Yabini hapo kijito cha Kishoni,
10 Waliangamizwa kule Endori na wakawa kama mbolea juu ya chi.
ambao waliangamia huko Endori na wakawa kama takataka juu ya nchi.
11 Uvifanye vyeo vyao kama Oreb na Zeeb, na wakuu wao wote kama Zeba na Zalmuna.
Wafanye wakuu wao kama Orebu na Zeebu, watawala wao kama Zeba na Salmuna,
12 Wao walisema, natujimilikishe malisho ya Mungu.”
ambao walisema, “Na tumiliki nchi ya malisho ya Mungu.”
13 Ee Mungu wangu, uwafanye kama mavumbi ya kisulisuli, kama makapi mbele ya upepo,
Ee Mungu wangu, wapeperushe kama mavumbi ya kisulisuli, kama makapi yapeperushwayo na upepo.
14 Kama moto uteketezao msitu, na kama miali ya moto iwakayo milimani.
Kama vile moto uteketezavyo msitu au mwali wa moto unavyounguza milima,
15 Uwafuatie kwa tufani yako, na kuwafadhaisha kwa dhoruba yako.
wafuatilie kwa tufani yako na kuwafadhaisha kwa dhoruba yako.
16 Uwajaze nyuso zao kwa aibu ili kwamba waweze kulitafuta jina lako, Yahwe.
Funika nyuso zao kwa aibu ili watu walitafute jina lako, Ee Bwana.
17 Nao waaibishwe na kufadhaishwa milele; waangamizwe katika aibu.
Wao na waaibishwe na kufadhaishwa milele, na waangamie kwa aibu.
18 Kisha watajua kwamba ni wewe pekee, Yahwe, Uliye Juu ya nchi yote.
Hebu wajue kwamba wewe, ambaye jina lako ni Bwana, kwamba wewe peke yako ndiwe Uliye Juu Sana ya dunia yote.
