Zaburi 147
1 Msifuni Yahwe, kwa maana ni vyema kumwimbia sifa Mungu wetu, ni kuzuri, kusifu kwa faa sana.
Msifuni Bwana. Tazama jinsi ilivyo vyema kumwimbia Mungu wetu sifa, jinsi inavyopendeza na kustahili kumsifu yeye!
2 Yahwe huijenga tena Yerusalemu, huwakusanya pamoja watu wa Israeli waliotawanyika.
Bwana hujenga Yerusalemu, huwakusanya Israeli walio uhamishoni.
3 Huponya mioyo iliyopondeka na kuganga majeraha yao.
Anawaponya waliovunjika mioyo na kuvifunga vidonda vyao.
4 Huzihesabu nyota, naye huzipa majina zote.
Huzihesabu nyota na huipa kila moja jina lake.
5 Ukuu ni wa Bwana wetu na nguvu zake ni za kutisha, ufahamu wake hauwezi kupimika.
Bwana wetu ni mkuu na mwenye uwezo mwingi, ufahamu wake hauna kikomo.
6 Yahwe huwainua wanyonge, huwashusha chini wenye jeuri.
Bwana huwahifadhi wanyenyekevu lakini huwashusha waovu mpaka mavumbini.
7 Mwimbieni Yahwe kwa shukurani, mwimbieni sifa Mungu wetu kwa kinubi.
Mwimbieni Bwana kwa shukrani, mpigieni Mungu wetu kinubi.
8 Huzifunika mbingu kwa mawingu na huiandaa mvua kwa ajili ya nchi, akizifanya nyasi kukua juu ya milima.
Yeye huzifunika anga kwa mawingu, huinyeshea ardhi mvua, na kuzifanya nyasi kuota juu ya vilima.
9 Huwapa wanyama chakula na wana kunguru waliapo.
Huwapa chakula mifugo na pia makinda ya kunguru yanapolia.
10 Hapati furaha katika nguvu ya farasi, wala haridhii miguu imara ya mwanadamu.
Furaha yake haipo katika nguvu za farasi, wala furaha yake kwenye miguu ya mwanadamu.
11 Yahwe huridhia katika wale wanao muheshimu yeye, watumainio katika uaminifu wa agano lake.
Bwana hupendezwa na wale wamchao, wale wanaoweka tumaini lao katika upendo wake usiokoma.
12 Msifuni Yahwe, Yerusalemu, msifuni Mungu wenu, Sayuni.
Mtukuze Bwana, ee Yerusalemu, msifu Mungu wako, ee Sayuni,
13 Maana yeye huyakaza mapingo ya malango yako, huwabariki watoto wako kati yako.
kwa maana huimarisha makomeo ya malango yako na huwabariki watu wako walio ndani yako.
14 Huletamafanikio ndani ya mipaka yako, hukutosheleza kwa ngano bora.
Huwapa amani mipakani mwenu na kukushibisha kwa ngano safi kabisa.
15 Huipeleka amri yake juu ya nchi, amri zake hupiga mbio sana.
Hutuma amri yake duniani, neno lake hukimbia kasi.
16 Huifanya theluji kama sufu, huitawanya barafu kama majivu.
Anatandaza theluji kama sufu na kutawanya umande kama majivu.
17 Hutupa mvua ya mawe kama makombo, ni nani awezaye kuhimili baridi aitumayo?
Huvurumisha mvua yake ya mawe kama changarawe. Ni nani awezaye kustahimili ukali wa baridi yake?
18 Hutuma amri zake na kuziyeyusha, huvumisha upepo wake na hutiririsha maji.
Hutuma neno lake na kuviyeyusha, huvumisha upepo wake, nayo maji hutiririka.
19 Hutangaza neno lake kwa Yakobo, amri zake na hukumu zake kwa Israeli.
Amemfunulia Yakobo neno lake, sheria zake na maagizo yake kwa Israeli.
20 Hajafanya hivyo kwa taifa linginelo lolote, na kama ilivyo amri zake, hawazijui. Msifuni Yahwe.
Hajafanya hivyo kwa taifa lingine lolote, hawazijui sheria zake. Msifuni Bwana.
