Zaburi 143
1 Ee Yahwe, usikie maombi yangu; sikia kuomba kwangu. Kwa sababu ya uaminifu wa agano lako na haki yako, unijibu!
| מזמור לדוד יהוה שמע תפלתי האזינה אל תחנוני באמנתך ענני בצדקתך׃ |
2 Usimuhukumu mtumishi wako, kwa kuwa machoni pako hamna aliye haki.
| ואל תבוא במשפט את עבדך כי לא יצדק לפניך כל חי׃ |
3 Adui ameifuatia nafsi yangu; amenisukuma hadi chini; amenifanya niishi gizani kama wale ambao wamekwisha kufa siku nyingi zilizopita.
| כי רדף אויב נפשי דכא לארץ חיתי הושיבני במחשכים כמתי עולם׃ |
4 Na roho yangu inazidiwa ndani yangu; moyo wangu unakata tamaa.
| ותתעטף עלי רוחי בתוכי ישתומם לבי׃ |
5 Nakumbuka siku za zamani zilizopita; nayatafakari matendo yako yote; nawaza juu ya utimilifu wako.
| זכרתי ימים מקדם הגיתי בכל פעלך במעשה ידיך אשוחח׃ |
6 Nakunyoshea mikono yangu katika maombi; nafsi yangu inakuonea kiu katika nchi kavu. (Selah)
| פרשתי ידי אליך נפשי כארץ עיפה לך סלה׃ |
7 Unijibu upesi, Yahwe, kwa sababu roho yangu inazimia. Usinifiche uso wako, vinginevyo nitakuwa kama wale waendao chini shimoni.
| מהר ענני יהוה כלתה רוחי אל תסתר פניך ממני ונמשלתי עם ירדי בור׃ |
8 Unifanye kusikia uaminifu wa agano lako wakati wa asubuhi, maana ninakuamini wewe. Unionyeshe njia niipasayo kutembea kwayo, kwa maana nakuinulia wewe nafsi yangu.
| השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃ |
9 Uniokoe dhidi ya adui zangu, Yahwe; nakimbilia kwako ili nijifiche.
| הצילני מאיבי יהוה אליך כסתי׃ |
10 Unifundishe kufanya mapenzi yako, maana wewe ni Mungu wangu. Roho wako mwema na aniongoze mimi katika nchi ya unyoofu.
| למדני לעשות רצונך כי אתה אלוהי רוחך טובה תנחני בארץ מישור׃ |
11 Ee Yahwe, kwa ajili ya jina lako, unihifadhi hai; katika haki yako uitoe nafsi yangu taabuni.
| למען שמך יהוה תחיני בצדקתך תוציא מצרה נפשי׃ |
12 Katika uaminifu wa agano lako uwaondoshe maadui zangu na uwaangamize maadui wa uhai wangu, maana mimi ni mtumishi wako.
| ובחסדך תצמית איבי והאבדת כל צררי נפשי כי אני עבדך׃ |
