Zaburi 124

1 “Kama Yahwe asingekuwa upande wetu,” Israeli na aseme sasa,

Wimbo wa kwenda juu. Wa Daudi. Kama Bwana asingalikuwa upande wetu; Israeli na aseme sasa:

2 “Kama asingekuwa Yahwe ambaye alikuwa upande wetu wakati watu walipoinuka dhidi yetu,

kama Bwana asingalikuwa upande wetu, wakati watu walipotushambulia,

3 basi wangekuwa wametumeza tungali hai hasira yao lipozidi dhidi yetu.

wakati hasira yao ilipowaka dhidi yetu, wangalitumeza tungali hai,

4 Maji yangetugharikisha; mto ungetuzidia.

mafuriko yangalitugharikisha, maji mengi yangalitufunika,

5 Kisha maji yafurikayo yangetuzamisha.”

maji yaendayo kasi yangalituchukua.

6 Atukuzwe Yahwe, ambaye hajaruhusu tuwe mawindo kwa meno yao.

Bwana asifiwe, yeye ambaye hakuruhusu turaruliwe kwa meno yao.

7 Tumetoroka kama ndege mtegoni mwa wawindaji; mtego umevunjika, nasi tumetoroka.

Tumeponyoka kama ndege kutoka mtego wa mwindaji; mtego umevunjika, nasi tukaokoka.

8 Msaada wetu uko katika Yahwe, aliyeziumba mbingu na nchi.

Msaada wetu ni katika jina la Bwana, Muumba wa mbingu na dunia.