Zaburi 121

1 Nitayainua macho yangu nitazame milimani. Msaada wangu utatoka wapi?

Wimbo wa kwenda juu. Nayainua macho yangu nitazame vilima, msaada wangu utatoka wapi?

2 Msaada wangu unatoka kwa Yahwe, aliyezifanya mbingu na nchi.

Msaada wangu hutoka kwa Bwana, Muumba wa mbingu na dunia.

3 Hatauacha mguu wako uteleze; yeye akulindaye hatasinzia.

Hatauacha mguu wako uteleze, yeye akulindaye hatasinzia,

4 Tazama, mlinzi wa Israeli hatasinzia wala hatalala usingizi kamwe.

hakika, yeye alindaye Israeli hatasinzia wala hatalala usingizi.

5 Yahwe ni mlinzi wako; Yahwe ni uvuli mkono wako wa kuume.

Bwana anakulinda, Bwana ni uvuli wako mkono wako wa kuume,

6 Jua halitakudhuru wakati wa mchana, wala mwezi wakati wa usiku.

jua halitakudhuru mchana, wala mwezi wakati wa usiku.

7 Yahwe atakulinda na madhara yote, na ataulinda uhai wako.

Bwana atakukinga na madhara yote, atayalinda maisha yako,

8 Yahwe atakulinda katika yote ufanyayo sasa na hata milele.

Bwana atakulinda unapoingia na unapotoka, tangu sasa na hata milele.