Zaburi 121

1 Nitayainua macho yangu nitazame milimani. Msaada wangu utatoka wapi?

2 Msaada wangu unatoka kwa Yahwe, aliyezifanya mbingu na nchi.

3 Hatauacha mguu wako uteleze; yeye akulindaye hatasinzia.

4 Tazama, mlinzi wa Israeli hatasinzia wala hatalala usingizi kamwe.

5 Yahwe ni mlinzi wako; Yahwe ni uvuli mkono wako wa kuume.

6 Jua halitakudhuru wakati wa mchana, wala mwezi wakati wa usiku.

7 Yahwe atakulinda na madhara yote, na ataulinda uhai wako.

8 Yahwe atakulinda katika yote ufanyayo sasa na hata milele.