Zaburi 112

1 Msifuni Yahwe. Amebarikiwa mtu yule anaye mtii Yahwe, apendezwaye sana na amri zake.

Msifuni Bwana. Heri mtu yule amchaye Bwana, mtu yule apendezwaye sana na amri zake.

2 Kizazi chake kitakuwa ni chenye nguvu duniani; kizazi cha mcha Mungu kitabarikiwa.

Watoto wake watakuwa wenye uwezo katika nchi, kizazi cha watu waadilifu kitabarikiwa.

3 Nyumbani mwake mna utajiri na mali; na haki yake itadumu milele.

Nyumbani mwake kuna mali na utajiri, haki yake hudumu milele.

4 Nuru huangazia gizani kwa ajili ya mtu mcha Mungu; yeye ni wa fadhili, huruma, na haki.

Hata gizani nuru humzukia mtu mwadilifu, yule mwenye rehema, huruma na haki.

5 Heri atendaye fadhili na kukopesha, afanyaye mambo yake kwa uaminifu.

Mema yatamjia mtu yule aliye mkarimu na mwenye kukopesha bila riba, anayefanya mambo yake kwa haki.

6 Kwa maana hataondoshwa kamwe; mwenye haki atakumbukwa milele.

Hakika hatatikisika kamwe, mtu mwenye haki atakumbukwa milele.

7 Haogopi habari mbaya; ni jasiri, akimtumainia Yahwe.

Hataogopa habari mbaya, moyo wake ni thabiti, ukimtegemea Bwana.

8 Moyo wake ni mtulivu, hana woga, mpaka aonapo ushindi dhidi ya watesi wake.

Moyo wake ni salama, hatakuwa na hofu, mwishoni ataona ushindi dhidi ya adui zake.

9 Huwapa masikini kwa ukarimu; haki yake yadumu milele; atainuliwa kwa heshima.

Ametawanya vipawa vyake kwa ukarimu akawapa maskini; haki yake hudumu milele; pembe yake itatukuzwa kwa heshima.

10 Mtu mwovu ataona haya na kukasirika; atasaga meno yake na kuyeyuka; tamaa ya wasio haki itapotea.

Mtu mwovu ataona na kuchukizwa, atasaga meno yake na kutoweka, kutamani kwa mtu mwovu kutaishia patupu.