Zaburi 94
1 Ee Bwana, ulipizaye kisasi, Ee Mungu ulipizaye kisasi, uangaze sasa.
| אל-נקמות יהוה אל נקמות הופיע |
2 Ee Mhukumu wa dunia, inuka, uwalipize wenye kiburi kama wanavyostahili.
| הנשא שפט הארץ השב גמול על-גאים |
3 Hata lini, waovu, Ee Bwana, hata lini waovu watashangilia?
| עד-מתי רשעים יהוה עד-מתי רשעים יעלזו |
4 Wanamimina maneno ya kiburi, watenda mabaya wote wamejaa majivuno.
| יביעו ידברו עתק יתאמרו כל-פעלי און |
5 Ee Bwana, wanawaponda watu wako, wanawaonea urithi wako.
| עמך יהוה ידכאו ונחלתך יענו |
6 Wanamchinja mjane na mgeni, na kuwaua yatima.
| אלמנה וגר יהרגו ויתומים ירצחו |
7 Nao husema, “Bwana haoni, Mungu wa Yakobo hafahamu.”
| ויאמרו לא יראה-יה ולא-יבין אלהי יעקב |
8 Sikizeni, enyi wajinga miongoni mwa watu; enyi wapumbavu, lini mtakuwa na hekima?
| בינו בערים בעם וכסילים מתי תשכילו |
9 Je, aliyeweka sikio asisikie? Aliyeumba jicho asione?
| הנטע אזן הלא ישמע אם-יצר עין הלא יביט |
10 Je, anayeadhibisha mataifa asiadhibu? Je, awafundishaye wanadamu asiwe na maarifa?
| היסר גוים הלא יוכיח המלמד אדם דעת |
11 Bwana anajua mawazo ya mwanadamu; anajua kwamba ni ubatili.
| יהוה--ידע מחשבות אדם כי-המה הבל |
12 Ee Bwana, heri mtu anayeadhibishwa na wewe, mtu unayemfundisha kwa sheria yako,
| אשרי הגבר אשר-תיסרנו יה ומתורתך תלמדנו |
13 unampa utulivu siku za shida, mpaka shimo litakapokuwa limechimbwa kwa ajili ya mwovu.
| להשקיט לו מימי רע-- עד יכרה לרשע שחת |
14 Kwa kuwa Bwana hatawakataa watu wake, hatauacha urithi wake.
| כי לא-יטש יהוה עמו ונחלתו לא יעזב |
15 Hukumu itasimamishwa tena kwenye haki, wote walio na mioyo minyofu wataifuata.
| כי-עד-צדק ישוב משפט ואחריו כל-ישרי-לב |
16 Ni nani atakayeinuka dhidi ya mwovu kwa ajili yangu? Ni nani atakayenikinga dhidi ya watenda maovu?
| מי-יקום לי עם-מרעים מי-יתיצב לי עם-פעלי און |
17 Kama Bwana asingelinisaidia upesi, ningelikuwa ninaishi katika ukimya wa kifo.
| לולי יהוה עזרתה לי-- כמעט שכנה דומה נפשי |
18 Niliposema, “Mguu wangu unateleza,” Ee Bwana, upendo wako ulinishikilia.
| אם-אמרתי מטה רגלי חסדך יהוה יסעדני |
19 Wakati wasiwasi ulipokuwa mwingi ndani yangu, faraja yako ilinipa furaha nafsini mwangu.
| ברב שרעפי בקרבי-- תנחומיך ישעשעו נפשי |
20 Je, kiti cha utawala wa udhalimu kitajiunga nawe, ule utawala uletao taabu kutokana na sheria zake?
| היחברך כסא הוות יצר עמל עלי-חק |
21 Huungana kuwashambulia wenye haki, kuwahukumu kufa wasio na hatia.
| יגודו על-נפש צדיק ודם נקי ירשיעו |
22 Lakini Bwana amekuwa ngome yangu, na Mungu wangu amekuwa mwamba ninaoukimbilia.
| ויהי יהוה לי למשגב ואלהי לצור מחסי |
23 Yeye atawalipa kwa ajili ya dhambi zao na atawaangamiza kwa ajili ya maovu yao; Bwana Mungu wetu atawaangamiza.
| וישב עליהם את אונם-- וברעתם יצמיתם יצמיתם יהוה אלהינו |
