Zaburi 90
1 Maombi ya Mose, mtu wa Mungu. Bwana, wewe umekuwa makao yetu katika vizazi vyote.
| תפלה למשה איש-האלהים אדני--מעון אתה היית לנו בדר ודר |
2 Kabla ya kuzaliwa milima au hujaumba dunia na ulimwengu, wewe ni Mungu tangu milele hata milele.
| בטרם הרים ילדו-- ותחולל ארץ ותבל ומעולם עד-עולם אתה אל |
3 Huwarudisha watu mavumbini, ukisema, “Rudini mavumbini, enyi wanadamu.”
| תשב אנוש עד-דכא ותאמר שובו בני-אדם |
4 Kwa maana kwako miaka elfu ni kama siku moja iliyokwisha pita, au kama kesha la usiku.
| כי אלף שנים בעיניך-- כיום אתמול כי יעבר ואשמורה בלילה |
5 Unawatowesha wanadamu katika usingizi wa kifo, nao ni kama majani machanga ya asubuhi:
| זרמתם שנה יהיו בבקר כחציר יחלף |
6 ingawa asubuhi yanachipua, ifikapo jioni huwa yamenyauka na kukauka.
| בבקר יציץ וחלף לערב ימולל ויבש |
7 Tumeangamizwa kwa hasira yako na tumetishwa kwa ghadhabu yako.
| כי-כלינו באפך ובחמתך נבהלנו |
8 Umeyaweka maovu yetu mbele yako, dhambi zetu za siri katika nuru ya uwepo wako.
| שת (שתה) עונתינו לנגדך עלמנו למאור פניך |
9 Tumeishi siku zetu zote chini ya ghadhabu yako, tunamaliza miaka yetu kwa kuomboleza.
| כי כל-ימינו פנו בעברתך כלינו שנינו כמו-הגה |
10 Siku zetu za kuishi ni miaka sabini, au miaka themanini ikiwa tuna nguvu, lakini yote ni ya shida na taabu, nazo zapita haraka, nasi twatoweka.
| ימי-שנותינו בהם שבעים שנה ואם בגבורת שמונים שנה-- ורהבם עמל ואון כי-גז חיש ונעפה |
11 Ni nani ajuaye nguvu za hasira yako? Kwa maana ghadhabu yako ni kubwa kama hofu tunayopaswa kuwa nayo kwako.
| מי-יודע עז אפך וכיראתך עברתך |
12 Tufundishe kuzihesabu siku zetu vizuri, ili tujipatie moyo wa hekima.
| למנות ימינו כן הודע ונבא לבב חכמה |
13 Ee Bwana, uwe na huruma! Utakawia hata lini? Wahurumie watumishi wako.
| שובה יהוה עד-מתי והנחם על-עבדיך |
14 Tushibishe asubuhi kwa upendo wako usiokoma, ili tuweze kuimba kwa shangwe na kufurahi siku zetu zote.
| שבענו בבקר חסדך ונרננה ונשמחה בכל-ימינו |
15 Utufurahishe kulingana na siku ulizotuadhibu, kulingana na miaka tuliyotaabika.
| שמחנו כימות עניתנו שנות ראינו רעה |
16 Matendo yako na yaonekane kwa watumishi wako, utukufu wako kwa watoto wao.
| יראה אל-עבדיך פעלך והדרך על-בניהם |
17 Wema wa Bwana Mungu wetu uwe juu yetu; uzithibitishe kazi za mikono yetu: naam, uzithibitishe kazi za mikono yetu.
| ויהי נעם אדני אלהינו-- עלינו ומעשה ידינו כוננה עלינו ומעשה ידינו כוננהו |
