Zaburi 71
1 Ee Bwana, nimekukimbilia wewe, usiache nikaaibika kamwe.
| בך-יהוה חסיתי אל-אבושה לעולם |
2 Kwa haki yako uniponye na kuniokoa, unitegee sikio lako uniokoe.
| בצדקתך תצילני ותפלטני הטה-אלי אזנך והושיעני |
3 Uwe kwangu mwamba wa kimbilio, mahali nitakapokimbilia kila wakati; toa amri ya kuniokoa, kwa kuwa wewe ni mwamba wangu na ngome yangu.
| היה לי לצור מעון לבוא-- תמיד צוית להושיעני כי-סלעי ומצודתי אתה |
4 Ee Mungu wangu uniokoe kutoka kwenye mkono wa mwovu, kutoka kwenye makucha ya watu wabaya na wakatili.
| אלהי--פלטני מיד רשע מכף מעול וחומץ |
5 Kwa kuwa umekuwa tumaini langu, Ee Bwana Mwenyezi, tegemeo langu tangu ujana wangu.
| כי-אתה תקותי אדני יהוה מבטחי מנעורי |
6 Tangu kuzaliwa nimekutegemea wewe, ulinitoa tumboni mwa mama yangu. Nitakusifu wewe daima.
| עליך נסמכתי מבטן--ממעי אמי אתה גוזי בך תהלתי תמיד |
7 Nimekuwa kama kioja kwa wengi, lakini wewe ni kimbilio langu imara.
| כמופת הייתי לרבים ואתה מחסי-עז |
8 Kinywa changu kimejazwa sifa zako, nikitangaza utukufu wako mchana kutwa.
| ימלא פי תהלתך כל-היום תפארתך |
9 Usinitupe wakati wa uzee, wala usiniache nguvu zangu zinapopungua.
| אל-תשליכני לעת זקנה ככלות כחי אל-תעזבני |
10 Kwa maana adui zangu wananisengenya, wale wanaonivizia kuniua wafanya hila.
| כי-אמרו אויבי לי ושמרי נפשי נועצו יחדו |
11 Wanasema, “Mungu amemwacha, mkimbilieni mkamkamate, kwani hakuna wa kumwokoa.”
| לאמר אלהים עזבו רדפו ותפשוהו כי-אין מציל |
12 Ee Mungu, usiwe mbali nami, njoo haraka kunisaidia, Ee Mungu wangu.
| אלהים אל-תרחק ממני אלהי לעזרתי חישה (חושה) |
13 Washtaki wangu na waangamie kwa aibu, wale wanaotaka kunidhuru na wafunikwe kwa dharau na fedheha.
| יבשו יכלו שטני נפשי יעטו חרפה וכלמה--מבקשי רעתי |
14 Lakini mimi, nitatumaini siku zote, nitakusifu zaidi na zaidi.
| ואני תמיד איחל והוספתי על-כל-תהלתך |
15 Kinywa changu kitasimulia haki yako, wokovu wako mchana kutwa, ingawa sifahamu kipimo chake.
| פי יספר צדקתך--כל-היום תשועתך כי לא ידעתי ספרות |
16 Ee Bwana Mwenyezi, nitakuja na kutangaza matendo yako makuu, nitatangaza haki yako, yako peke yako.
| אבוא--בגברות אדני יהוה אזכיר צדקתך לבדך |
17 Ee Mungu, umenifundisha tangu ujana wangu, hadi leo ninatangaza matendo yako ya ajabu.
| אלהים למדתני מנעורי ועד-הנה אגיד נפלאותיך |
18 Ee Mungu, usiniache, hata niwapo mzee wa mvi, mpaka nitangaze uwezo wako kwa kizazi kijacho, nguvu zako kwa wote watakaokuja baadaye.
| וגם עד-זקנה ושיבה-- אלהים אל-תעזבני עד-אגיד זרועך לדור לכל-יבוא גבורתך |
19 Ee Mungu, haki yako imefika juu katika mbingu, wewe ambaye umefanya mambo makuu. Ee Mungu, ni nani aliye kama wewe?
| וצדקתך אלהים עד-מרום אשר-עשית גדלות אלהים מי כמוך |
20 Ingawa umenifanya nipate taabu, nyingi na chungu, utanihuisha tena, kutoka vilindi vya dunia utaniinua tena.
| אשר הראיתנו (הראיתני) צרות רבות-- ורעות תשוב תחינו (תחיני) ומתהמות הארץ תשוב תעלני |
21 Utaongeza heshima yangu na kunifariji tena.
| תרב גדלתי ותסב תנחמני |
22 Ee Mungu wangu, nitakusifu kwa kinubi kwa ajili ya uaminifu wako; Ee Uliye Mtakatifu wa Israeli, nitakuimbia sifa kwa zeze.
| גם-אני אודך בכלי-נבל-- אמתך אלהי אזמרה לך בכנור-- קדוש ישראל |
23 Midomo yangu itapaza sauti kwa furaha ninapokuimbia sifa, mimi, ambaye umenikomboa.
| תרננה שפתי כי אזמרה-לך ונפשי אשר פדית |
24 Ulimi wangu utasimulia matendo yako ya haki mchana kutwa, kwa maana wale waliotaka kunidhuru, wameaibishwa na kufadhaishwa.
| גם-לשוני-- כל-היום תהגה צדקתך כי-בשו כי-חפרו מבקשי רעתי |
