Zaburi 66
1 Kwa mwimbishaji. Wimbo. Zaburi. Mpigieni Mungu kelele za shangwe, dunia yote!
| למנצח שיר מזמור הריעו לאלהים כל הארץ׃ |
2 Imbeni utukufu wa jina lake; mpeni sifa zake kwa utukufu!
| זמרו כבוד שמו שימו כבוד תהלתו׃ |
3 Mwambieni Mungu, “Jinsi gani yalivyo ya kutisha matendo yako! Uwezo wako ni mkuu mno kiasi kwamba adui wananyenyekea mbele zako.
| אמרו לאלהים מה נורא מעשיך ברב עזך יכחשו לך איביך׃ |
4 Dunia yote yakusujudia, wanakuimbia wewe sifa, wanaliimbia sifa jina lako.”
| כל הארץ ישתחוו לך ויזמרו לך יזמרו שמך סלה׃ |
5 Njooni mwone yale Mungu aliyoyatenda, mambo ya kutisha aliyoyatenda miongoni mwa wanadamu!
| לכו וראו מפעלות אלהים נורא עלילה על בני אדם׃ |
6 Alifanya bahari kuwa nchi kavu, wakapita kati ya maji kwa miguu, njooni, tumshangilie.
| הפך ים ליבשה בנהר יעברו ברגל שם נשמחה בו׃ |
7 Yeye hutawala kwa uwezo wake milele, macho yake huangalia mataifa yote: waasi wasithubutu kujiinua dhidi yake.
| משל בגבורתו עולם עיניו בגוים תצפינה הסוררים אל ירימו למו סלה׃ |
8 Enyi mataifa, msifuni Mungu wetu, sauti ya sifa yake isikike,
| ברכו עמים אלהינו והשמיעו קול תהלתו׃ |
9 ameyahifadhi maisha yetu na kuizuia miguu yetu kuteleza.
| השם נפשנו בחיים ולא נתן למוט רגלנו׃ |
10 Ee Mungu, wewe ulitujaribu, ukatusafisha kama fedha.
| כי בחנתנו אלהים צרפתנו כצרף כסף׃ |
11 Umetuingiza kwenye nyavu na umetubebesha mizigo mizito migongoni mwetu.
| הבאתנו במצודה שמת מועקה במתנינו׃ |
12 Uliwaruhusu watu watukalie vichwani, tulipita kwenye moto na kwenye maji, lakini ulituleta kwenye nchi iliyojaa utajiri tele.
| הרכבת אנוש לראשנו באנו באש ובמים ותוציאנו לרויה׃ |
13 Nitakuja hekaluni mwako na sadaka za kuteketezwa na kukutimizia nadhiri zangu:
| אבוא ביתך בעולות אשלם לך נדרי׃ |
14 nadhiri ambazo midomo yangu iliahidi na nilizotamka kwa kinywa changu nilipokuwa katika shida.
| אשר פצו שפתי ודבר פי בצר לי׃ |
15 Nitakutolea dhabihu za wanyama wanono na sadaka za kondoo dume, nitakutolea mafahali na mbuzi.
| עלות מחים אעלה לך עם קטרת אילים אעשה בקר עם עתודים סלה׃ |
16 Njooni msikilize ninyi nyote mnaomcha Mungu, nami niwaambie aliyonitendea.
| לכו שמעו ואספרה כל יראי אלהים אשר עשה לנפשי׃ |
17 Nilimlilia kwa kinywa changu, sifa zake zilikuwa katika ulimi wangu.
| אליו פי קראתי ורומם תחת לשוני׃ |
18 Kama ningekuwa nimeyaficha maovu moyoni mwangu, Bwana asingekuwa amenisikiliza;
| און אם ראיתי בלבי לא ישמע אדני׃ |
19 lakini hakika Mungu amenisikiliza na amesikia sauti yangu katika maombi.
| אכן שמע אלהים הקשיב בקול תפלתי׃ |
20 Sifa apewe Mungu, ambaye hakulikataa ombi langu wala kunizuilia upendo wake!
| ברוך אלהים אשר לא הסיר תפלתי וחסדו מאתי׃ |
