Zaburi 47

1 Kwa mwimbishaji. Zaburi ya wana wa Kora. Pigeni makofi, enyi mataifa yote, mpigieni Mungu kelele za shangwe!

Pigeni makofi, enyi watu wote; mpigieni Mungu kelele za ushindi.

2 Jinsi gani alivyo wa kutisha, Bwana Aliye Juu Sana, Mfalme mkuu juu ya dunia yote!

Kwa maana Yahwe Aliye Juu anatisha; ni Mfalme mkuu dunia yote.

3 Ametiisha mataifa chini yetu watu wengi chini ya miguu yetu.

Yeye anawatiisha chini yetu na mataifa chini ya miguu yetu.

4 Alituchagulia urithi wetu, fahari ya Yakobo, aliyempenda.

Yeye huchagua urithi kwa ajili yetu, utukufu wa Yakobo ambaye alimpenda. Serah

5 Mungu amepaa kwa kelele za shangwe, Bwana kwa sauti za tarumbeta.

Mungu ameinuliwa juu kwa shangwe, Kwa mbiu ya shangwe Yahwe yu juu.

6 Mwimbieni Mungu sifa, imbeni sifa, mwimbieni sifa Mfalme wetu, imbeni sifa.

Mwimbieni Mungu sifa, imbeni sifa; mwimbieni sifa Mfalme wetu, imbeni sifa.

7 Kwa kuwa Mungu ni mfalme wa dunia yote, mwimbieni zaburi za sifa.

Kwa maana Mungu ni Mfalme duniani kote; mwimbieni mkiwa na uelewa.

8 Mungu anatawala juu ya mataifa, Mungu ameketi juu ya kiti chake cha enzi kitakatifu.

Mungu anatawala mataifa yote; Mungu hukaa kwenye kiti cha enzi.

9 Wakuu wa mataifa wanakusanyika kama watu wa Mungu wa Abrahamu, kwa kuwa wafalme wa dunia ni mali ya Mungu; yeye ametukuka sana.

Wakuu wa watu wamekusanyika pamoja kwa watu wa Mungu wa Ibrahimu; kwa kuwa ngao za duniani ni za Mungu; yeye ameinuliwa juu sana.