Zaburi 27
1 Zaburi ya Daudi. Bwana ni nuru yangu na wokovu wangu, nimwogope nani? Bwana ni ngome ya uzima wangu, nimhofu nani?
| לדוד יהוה אורי וישעי--ממי אירא יהוה מעוז-חיי ממי אפחד |
2 Waovu watakaposogea dhidi yangu ili wanile nyama yangu, adui zangu na watesi wangu watakaponishambulia, watajikwaa na kuanguka.
| בקרב עלי מרעים-- לאכל את-בשרי צרי ואיבי לי המה כשלו ונפלו |
3 Hata jeshi linizunguke pande zote, moyo wangu hautaogopa; hata vita vitokee dhidi yangu, hata hapo nitakuwa na ujasiri.
| אם-תחנה עלי מחנה-- לא-יירא לבי אם-תקום עלי מלחמה-- בזאת אני בוטח |
4 Jambo moja ninamwomba Bwana, hili ndilo ninalolitafuta: niweze kukaa nyumbani mwa Bwana siku zote za maisha yangu, niutazame uzuri wa Bwana na kumtafuta hekaluni mwake.
| אחת שאלתי מאת-יהוה-- אותה אבקש שבתי בבית-יהוה כל-ימי חיי לחזות בנעם-יהוה ולבקר בהיכלו |
5 Kwa kuwa siku ya shida, atanihifadhi salama katika maskani yake, atanificha uvulini mwa hema yake na kuniweka juu kwenye mwamba.
| כי יצפנני בסכה-- ביום רעה יסתרני בסתר אהלו בצור ירוממני |
6 Kisha kichwa changu kitainuliwa juu ya adui zangu wanaonizunguka. Katika maskani yake nitatoa dhabihu kwa kelele za shangwe; nitamwimbia Bwana na kumsifu.
| ועתה ירום ראשי על איבי סביבותי ואזבחה באהלו זבחי תרועה אשירה ואזמרה ליהוה |
7 Isikie sauti yangu nikuitapo, Ee Bwana, unihurumie na unijibu.
| שמע-יהוה קולי אקרא וחנני וענני |
8 Moyo wangu unasema kuhusu wewe, “Utafute uso wake!” Uso wako, Bwana “Nitautafuta.”
| לך אמר לבי--בקשו פני את-פניך יהוה אבקש |
9 Usinifiche uso wako, usimkatae mtumishi wako kwa hasira; wewe umekuwa msaada wangu. Usinikatae wala usiniache, Ee Mungu Mwokozi wangu.
| אל-תסתר פניך ממני-- אל תט-באף עבדך עזרתי היית אל-תטשני ואל-תעזבני אלהי ישעי |
10 Hata kama baba yangu na mama wakiniacha, Bwana atanipokea.
| כי-אבי ואמי עזבוני ויהוה יאספני |
11 Nifundishe njia yako, Ee Bwana, niongoze katika njia iliyonyooka kwa sababu ya watesi wangu.
| הורני יהוה דרכך ונחני בארח מישור--למען שוררי |
12 Usiniachilie kwa nia za adui zangu, kwa maana mashahidi wa uongo wameinuka dhidi yangu, wakipumua ujeuri.
| אל-תתנני בנפש צרי כי קמו-בי עדי-שקר ויפח חמס |
13 Nami bado nina tumaini hili: nitauona wema wa Bwana katika nchi ya walio hai.
| לולא--האמנתי לראות בטוב-יהוה בארץ חיים |
14 Mngojee Bwana, uwe hodari na mwenye moyo mkuu, nawe, umngojee Bwana.
| קוה אל-יהוה חזק ויאמץ לבך וקוה אל-יהוה |
