Zaburi 25
1 Zaburi ya Daudi. Kwako wewe, Ee Bwana, nainua nafsi yangu,
Kwako, Yahwe, nayainua maisha yangu!
2 ni wewe ninayekutumainia, Ee Mungu wangu. Usiniache niaibike, wala usiache adui zangu wakanishinda.
Mungu wangu, ninaamini katika wewe. Usiniache niaibishwe; usiwaache maadui zangu wafurahie ushindi wao kwangu.
3 Kamwe hakuna hata mmoja anayekutegemea atakayeaibishwa, bali wataaibishwa wafanyao hila bila sababu.
Asiaibishwe mtu yeyote anaye kutumaini bali waaibishwe wale watendao hila bila sababu!
4 Nionyeshe njia zako, Ee Bwana, nifundishe mapito yako,
Unijulishe njia zako, Yahwe; unifundishe njia zako.
5 niongoze katika kweli yako na kunifundisha, kwa maana wewe ni Mungu Mwokozi wangu, nalo tumaini langu liko kwako wakati wote.
Uniongoze kwenye kweli yako na unifundishe, kwa kuwa wewe ni Mungu wa wokovu wangu; ninakutumainia wewe siku zote za maisha yangu.
6 Kumbuka, Ee Bwana, rehema zako kuu na upendo, kwa maana zimekuwepo tangu zamani.
Kumbuka, Yahwe, matendo yako ya huruma na uaminifu wa agano lako; kwa kuwa vimekuwapo siku zote.
7 Usizikumbuke dhambi za ujana wangu wala njia zangu za uasi, sawasawa na upendo wako unikumbuke, kwa maana wewe ni mwema, Ee Bwana.
Usizikumbuke dhambi za ujana wangu wala uasi wangu; Uniweke akilini mwako pamoja na uaminifu wa agano kwa zababu ya uzuri wa wako, Yahwe!
8 Bwana ni mwema na mwenye adili, kwa hiyo huwafundisha wenye dhambi njia zake.
Yahwe ni mzuri na mwenye haki; kwa hiyo yeye huwafundisha njia mwenye dhambi.
9 Huwaongoza wanyenyekevu katika haki, naye huwafundisha njia yake.
Yeye huwaelekeza wanyenyekevu kwa kile kilicho sahihi na yeye huwafundisha wao njia yake.
10 Njia zote za Bwana ni za upendo na uaminifu kwa wale wanaoshika shuhuda za agano lake.
Njia zote za Yahwe ni za upendo wa kudumu na niaminifu kwa wote wanao tunza agano na maagizo ya amri zake.
11 Ee Bwana, kwa ajili ya jina lako, unisamehe uovu wangu, ijapokuwa ni mwingi.
Kwa ajili ya jina lako, Yahwe, unisamehe dhambi zangu, kwa kuwa ni nyingi mno.
12 Ni nani basi, mtu yule anayemcha Bwana? Atamfundisha katika njia atakayoichagua kwa ajili yake.
Ni nani ambaye anamuogopa Yahwe? Bwana atamfundisha yeye katika njia ambayo anapaswa kuichagua.
13 Mtu huyo atafanikiwa maishani mwake, nao wazao wake watairithi nchi.
Maisha yake yataenenda katika uzuri; na uzao wake utairithi nchi.
14 Siri ya Bwana iko kwa wale wamchao, yeye huwajulisha agano lake.
Urafiki wa Yahwe ni kwa ajili ya wale wanao mheshimu yeye, naye hulifanya agano lake lijulikane kwao.
15 Macho yangu humwelekea Bwana daima, kwa kuwa yeye peke yake ndiye ataitoa miguu yangu kutoka mtego.
Siku zote macho yangu yanamtazama Yahwe, kwa kuwa yeye ataifungua miguu yangu kwenye nyavu.
16 Nigeukie na unihurumie, kwa maana mimi ni mpweke na mwenye kuteseka.
Unigeukie mimi na unihurumie; kwa maana niko peke yangu na niliye matesoni.
17 Shida za moyo wangu zimeongezeka, niokoe katika dhiki yangu.
Maumivu ya moyo wangu yameongezeka; uniondoe katika dhiki hii!
18 Uangalie mateso na shida zangu na uniondolee dhambi zangu zote.
Tazama mateso yangu na taabu yangu; unisamehe dhambi zangu zote.
19 Tazama adui zangu walivyo wengi, pia uone jinsi wanavyonichukia vikali!
Ona maadui zangu, kwa maana ni wengi; wananichukia kwa chuki ya kikatili.
20 Uyalinde maisha yangu na uniokoe, usiniache niaibike, kwa maana nimekukimbilia wewe.
Uyalinde maisha yangu na uniokoe; usiniache niaibishwe, Kwa kuwa kwako nakimbilia usalama!
21 Uadilifu na uaminifu vinilinde, kwa sababu tumaini langu ni kwako.
Uadilifu na unyofu vinihifadhi, kwa kuwa nina kutumainia wewe.
22 Ee Mungu, wakomboe Israeli, katika shida zao zote!
Mungu, uiokoe Israeli, na shida yake yote!
