Zaburi 150

1 Msifuni Bwana. Msifuni Mungu katika patakatifu pake, msifuni katika mbingu zake kuu.

Msifuni Yahwe. Msifuni Yahwe katika patakatifu pake; msifuni katika mbingu za ukuu wake.

2 Msifuni kwa matendo yake makuu, msifuni kwa kadiri ya wingi wa ukuu wake.

Msifuni yeye kwa matendo yake makuu; msifuni yeye kwa kadri ya wingi wa ukuu wake.

3 Msifuni kwa mvumo wa tarumbeta, msifuni kwa kinubi na zeze,

Msifuni kwa mlipuko wa pembe; msifuni kwa kinanda na kinubi.

4 msifuni kwa matari na kucheza, msifuni kwa kinanda cha nyuzi na filimbi,

Msifuni kwa ngoma na kucheza; msifuni kwa vyombo vya nyuzi na filimbi.

5 msifuni kwa matoazi yaliayo, msifuni kwa matoazi yavumayo sana.

Msifuni kwa matoazi yavumayo; msifuni kwa matoazi avumayo sana.

6 Kila chenye pumzi na kimsifu Bwana. Msifuni Bwana!

Kila kilicho na pumzi kimsifu Yahwe. Msifuni Yahwe.