Zaburi 149

1 Msifuni Bwana. Mwimbieni Bwana wimbo mpya, sifa zake katika kusanyiko la watakatifu.

Msifuni Yahwe. Mwimbieni Yahwe wimbo mpya; imbeni sifa zake katika kusanyiko la waaminifu.

2 Israeli na washangilie katika Muumba wao, watu wa Sayuni na wafurahi katika Mfalme wao.

Israeli ishangilie katika yeye aliye iumba; watu wa Sayuni na washangilie katika mfalme wao.

3 Na walisifu jina lake kwa kucheza na wampigie muziki kwa matari na kinubi.

Nao walisifu jina lake kwa kucheza; na wamuimbie sifa yeye kwa ngoma na kinubi.

4 Kwa maana Bwana anapendezwa na watu wake, anawavika wanyenyekevu taji ya wokovu.

Kwa kuwa Yahwe hupata furaha katika watu wake; huwapa utukufu wanyeyekevu kwa wokovu.

5 Watakatifu washangilie katika heshima hii, na waimbe kwa shangwe vitandani mwao.

Wacha Mungu wauchangilie ushindi; nao waimbe kwa furaha vitandani mwao.

6 Sifa za Mungu na ziwe vinywani mwao na upanga ukatao kuwili mikononi mwao,

Sifa za Mungu na ziwe vinywani mwao na panga mbili zenye makali mkononi mwao

7 ili walipize mataifa kisasi na adhabu juu ya mataifa,

kutekeleza kisasi juu ya mataifa na matendo ya adhabu juu ya watu.

8 wawafunge wafalme wao kwa minyororo, wakuu wao kwa pingu za chuma,

Nao watawafunga wafalme wao kwa minyororo na wakuu wao kwa pingu za chuma. Watatekeleza hukumu ambayo imeandikwa.

9 ili kuwafanyia hukumu iliyoandikwa dhidi yao. Huu ndio utukufu wa watakatifu wake wote. Msifuni Bwana.

Hii itakuwa ni heshima kwa ajili ya watakatifu wake wote. Msifuni Yahwe.