Zaburi 144
1 Zaburi ya Daudi. Sifa ni kwa Bwana Mwamba wangu, aifundishaye mikono yangu vita, na vidole vyangu kupigana.
| לדוד ברוך יהוה צורי-- המלמד ידי לקרב אצבעותי למלחמה |
2 Yeye ni Mungu wangu wa upendo na boma langu, ngome yangu na mwokozi wangu, ngao yangu ninayemkimbilia, ambaye huwatiisha mataifa chini yangu.
| חסדי ומצודתי משגבי ומפלטי-לי מגני ובו חסיתי הרודד עמי תחתי |
3 Ee Bwana, mwanadamu ni nini hata umjali, Binadamu ni nini hata umfikirie?
| יהוה--מה-אדם ותדעהו בן-אנוש ותחשבהו |
4 Mwanadamu ni kama pumzi, siku zake ni kama kivuli kinachopita.
| אדם להבל דמה ימיו כצל עובר |
5 Ee Bwana, pasua mbingu zako, ushuke, gusa milima ili itoe moshi.
| יהוה הט-שמיך ותרד גע בהרים ויעשנו |
6 Peleka umeme uwatawanye adui, lenga mishale yako uwashinde.
| ברוק ברק ותפיצם שלח חציך ותהמם |
7 Nyoosha mkono wako kutoka juu, nikomboe na kuniokoa kutoka maji makuu, kutoka mikononi mwa wageni
| שלח ידיך ממרום פצני והצילני ממים רבים מיד בני נכר |
8 ambao vinywa vyao vimejaa uongo, na mikono yao ya kuume ni midanganyifu.
| אשר פיהם דבר-שוא וימינם ימין שקר |
9 Ee Mungu, nitakuimbia wimbo mpya, kwa zeze yenye nyuzi kumi nitakuimbia,
| אלהים--שיר חדש אשירה לך בנבל עשור אזמרה-לך |
10 kwa Yule awapaye wafalme ushindi, ambaye humwokoa Daudi, mtumishi wake kutokana na upanga hatari.
| הנותן תשועה למלכים הפוצה את-דוד עבדו--מחרב רעה |
11 Nikomboe na uniokoe kutoka mikononi mwa wageni ambao vinywa vyao vimejaa uongo, na mikono yao ya kuume ni midanganyifu.
| פצני והצילני מיד בני-נכר אשר פיהם דבר-שוא וימינם ימין שקר |
12 Kisha wana wetu wakati wa ujana wao watakuwa kama mimea iliyotunzwa vizuri, binti zetu watakuwa kama nguzo zilizoviringwa kurembesha jumba la kifalme.
| אשר בנינו כנטעים-- מגדלים בנעוריהם בנותינו כזוית-- מחטבות תבנית היכל |
13 Ghala zetu zitajazwa aina zote za mahitaji. Kondoo zetu watazaa kwa maelfu, kwa makumi ya maelfu katika mashamba yetu;
| מזוינו מלאים-- מפיקים מזן אל-זן צאוננו מאליפות מרבבות-- בחוצותינו |
14 maksai wetu watakokota mizigo mizito. Hakutakuwa na kubomoka kuta, hakuna kuchukuliwa mateka, wala kilio cha taabu katika barabara zetu.
| אלופינו מסבלים אין-פרץ ואין יוצאת ואין צוחה ברחבתינו |
15 Heri watu ambao hili ni kweli; heri wale ambao Bwana ni Mungu wao.
| אשרי העם שככה לו אשרי העם שיהוה אלהיו |
