Zaburi 130

1 Wimbo wa kwenda juu. Kutoka vilindini ninakulilia, Ee Bwana.

Toka ndani yangu ninakulilia, Yahwe.

2 Ee Bwana, sikia sauti yangu. Masikio yako na yawe masikivu kwa kilio changu unihurumie.

Bwana, usikie sauti yangu; masikio yako na yasikie kwa makini kuomba kwangu kwa ajili ya huruma.

3 Kama wewe, Ee Bwana, ungeweka kumbukumbu ya dhambi, Ee Bwana, ni nani angeliweza kusimama?

Kama wewe, Yahwe, ungehesabu maovu, Bwana, ni nani angesimama?

4 Lakini kwako kuna msamaha, kwa hiyo wewe unaogopwa.

Lakini kwako kuna msamaha, ili uweze kuheshimiwa.

5 Namngojea Bwana, nafsi yangu inangojea, katika neno lake naweka tumaini langu.

Ninamngoja Yahwe, nafsi yangu inasubiri, na katika neno lake ninatumainia.

6 Nafsi yangu inamngojea Bwana kuliko walinzi waingojeavyo asubuhi, naam, kuliko walinzi waingojeavyo asubuhi.

Nafsi yangu inamngoja Bwana kuliko mlinzi aingojavyo asubuhi.

7 Ee Israeli, mtumaini Bwana, maana kwa Bwana kuna upendo usiokoma, na kwake kuna ukombozi kamili.

Israeli, umtumainie yahwe. Yahwe ni wenye huruma, na yuko tayari kusamehe.

8 Yeye mwenyewe ataikomboa Israeli kutoka dhambi zao zote.

Ni yeye ambaye ataikomboa istaeli dhidi ya dhambi zake zote.