Zaburi 129

1 Wimbo wa kwenda juu. Wamenionea mno tangu ujana wangu; Israeli na aseme sasa:

“Mara nyingi tangu ujana wangu wamekuwa wakinishambulia,” Israeli na iseme.

2 wamenionea mno tangu ujana wangu, lakini bado hawajanishinda.

“Mara nyingi tangu ujana wangu wamekuwa wakinishambulia, lakini hawajanishinda.

3 Wakulima wamelima mgongo wangu, na kufanya mifereji yao mirefu.

Wakulima wamekuwa wakilima mgonngoni kwangu; wametengeneza matuta yao marefu.

4 Lakini Bwana ni mwenye haki; amenifungua toka kamba za waovu.

Yahwe ni mwenye haki; amezikata kamba za waovu.”

5 Wale wote waichukiao Sayuni na warudishwe nyuma kwa aibu.

Wote waaibishwe na kurudishwa nyuma, wale wachukiao Sayuni.

6 Wawe kama majani juu ya paa, ambayo hunyauka kabla hayajakua;

Na wawe kama nyasi juu ya paa ambayo hunyauka kabla hayajakua,

7 kwa hayo mvunaji hawezi kujaza vitanga vyake, wala akusanyaye kujaza mikono yake.

ambayo hayawezi kujaza mkono wa mvunaji wala kifua cha mfunga miganda.

8 Wale wapitao karibu na wasiseme, “Baraka ya Bwana iwe juu yako; tunakubariki katika jina la Bwana.”

Wale wapitao karibu wasiseme, “Baraka za Mungu na ziwe juu yako; Tunakubariki katika jina la Yahwe.”