Zaburi 122

1 Wimbo wa kwenda juu. Wa Daudi. Nilishangilia pamoja na wale walioniambia, “Twende nyumbani ya Bwana.”

Nilifurahi waliponiambia, “Na twende kwenye Nyumba ya Yahwe.”

2 Ee Yerusalemu, miguu yetu imesimama malangoni mwako.

Ee Yerusalemu, miguu yetu imesimama ndani ya malango yako!

3 Yerusalemu imejengwa vyema kama mji ambao umeshikamanishwa pamoja.

Ee Yerusalemu, uliojengwa kama mji uliopangiliwa kwa umakini!

4 Huko ndiko makabila hukwea, makabila ya Bwana, kulisifu jina la Bwana kulingana na maagizo waliopewa Israeli.

Makabila huenda juu Yerusalemu, makabila ya Yahwe; kama ushuhuda wa Israeli, kulishukuru jina la Yahwe.

5 Huko viti vya enzi vya hukumu hukaa, viti vya enzi vya nyumba ya Daudi.

Huko viliwekwa viti vya hukumu, viti vya enzi vya nyumba ya Daudi.

6 Omba kwa ajili ya amani ya Yerusalemu: “Wote wakupendao na wawe salama.

Ombeni kwa ajili ya amani ya Yerusalemu! “Wote wakupendao wawe na amani.

7 Amani na iwepo ndani ya kuta zako na usalama ndani ya ngome zako.”

Amani iwepo ndani ya kuta zako ili ikutetee, na wawe na amani ndani ya ngome zako.”

8 Kwa ajili ya ndugu zangu na marafiki, nitasema, “Amani iwe ndani yako.”

Kwa ajili ya ndugu zangu na rafiki zangu nitasema, “Amani iwe ndani yenu.”

9 Kwa ajili ya nyumba ya Bwana Mungu wetu, nitatafuta mafanikio yako.

Kwa ajili ya Yahwe Mungu wetu, nitatafuta mema kwa ajili yako.