Zaburi 121

1 Wimbo wa kwenda juu. Nayainua macho yangu nitazame vilima, msaada wangu utatoka wapi?

Nitayainua macho yangu nitazame milimani. Msaada wangu utatoka wapi?

2 Msaada wangu hutoka kwa Bwana, Muumba wa mbingu na dunia.

Msaada wangu unatoka kwa Yahwe, aliyezifanya mbingu na nchi.

3 Hatauacha mguu wako uteleze, yeye akulindaye hatasinzia,

Hatauacha mguu wako uteleze; yeye akulindaye hatasinzia.

4 hakika, yeye alindaye Israeli hatasinzia wala hatalala usingizi.

Tazama, mlinzi wa Israeli hatasinzia wala hatalala usingizi kamwe.

5 Bwana anakulinda, Bwana ni uvuli wako mkono wako wa kuume,

Yahwe ni mlinzi wako; Yahwe ni uvuli mkono wako wa kuume.

6 jua halitakudhuru mchana, wala mwezi wakati wa usiku.

Jua halitakudhuru wakati wa mchana, wala mwezi wakati wa usiku.

7 Bwana atakukinga na madhara yote, atayalinda maisha yako,

Yahwe atakulinda na madhara yote, na ataulinda uhai wako.

8 Bwana atakulinda unapoingia na unapotoka, tangu sasa na hata milele.

Yahwe atakulinda katika yote ufanyayo sasa na hata milele.