Zaburi 118
1 Mshukuruni Bwana, kwa kuwa ni mwema; upendo wake wadumu milele.
Mshukuruni Yahwe, kwa kuwa ni mwema, kwa maana uaminifu wa agano lake wadumu milele.
2 Israeli na aseme sasa: “Upendo wake wadumu milele.”
Israeli na aseme, “Uaminifu wa agano lake wadumu milele.”
3 Nyumba ya Aroni na iseme sasa: “Upendo wake wadumu milele.”
Nyumba ya Haruni na iseme, “Uaminifu wa agano lake wadumu milele.”
4 Wote wamchao Bwana na waseme sasa: “Upendo wake wadumu milele.”
Wafuasi waaminifu wa Yahwe na waseme, “Uaminifu wa agano lake wadumu milele.”
5 Wakati wa maumivu yangu makuu nilimlilia Bwana, naye akanijibu kwa kuniweka huru.
Katika dhiki yangu nilimuita Yahwe; Yahwe alinijibu na kuniweka huru.
6 Bwana yuko pamoja nami, sitaogopa. Mwanadamu anaweza kunitenda nini?
Yahwe yuko pamoja nami; sitaogopa; mwanadamu atanifanya nini? Yahwe yuko upande wangu kama msaidizi;
7 Bwana yuko pamoja nami, yeye ni msaidizi wangu. Nitawatazama adui zangu wakiwa wameshindwa.
nitawatazama kwa ushindi wale walio nichukia.
8 Ni bora kumkimbilia Bwana kuliko kumtumainia mwanadamu.
Ni bora kuwa na makazi katika Yahwe kuliko kumtumainia mwanadamu.
9 Ni bora kumkimbilia Bwana kuliko kuwatumainia wakuu.
Ni bora kukimbilia katika Yahwe kuliko kuamini katika wakuu.
10 Mataifa yote yalinizunguka, lakini kwa jina la Bwana naliwakatilia mbali.
Mataifa yote walinizunguka; kwa jina la Yahwe niliwakatilia mbali.
11 Walinizunguka pande zote, lakini kwa jina la Bwana naliwakatilia mbali.
Walinizunguka; naam, walinizunguka; kwa jina la Yahwe niliwakatilia mbali.
12 Walinizunguka kama kundi la nyuki, lakini walikufa haraka kama miiba iteketeayo; kwa jina la Bwana naliwakatilia mbali.
Walinizunguka kama nyuki; walitoweka haraka kama moto kati ya miiba; kwa jina la Yahwe niliwakatilia mbali.
13 Nilisukumwa nyuma karibu kuanguka, lakini Bwana alinisaidia.
Walinishambulia ili waniangushe, lakini Yahwe alinisaidia.
14 Bwana ni nguvu yangu na wimbo wangu, yeye amefanyika wokovu wangu.
Yahwe ni nguvu yangu na furaha yangu, na ndiye anaye niokoa.
15 Sauti za shangwe na ushindi zinavuma hemani mwa wenye haki: “Mkono wa kuume wa Bwana umetenda mambo makuu!
Kelele za ushindi zimesikika katika maskani ya wenye haki; mkono wa kuume wa Mungu umeshinda.
16 Mkono wa kuume wa Bwana umeinuliwa juu, mkono wa kuume wa Bwana umetenda mambo makuu!”
Mkono wa kuume wa Mungu umetukuka; mkono wa kuume wa Yahwe umeshinda.
17 Sitakufa, bali nitaishi, nami nitatangaza yale Bwana aliyoyatenda.
Sitakufa, bali nitaishi na kuyatangaza matendo ya Yahwe.
18 Bwana ameniadhibu vikali, lakini hakuniacha nife.
Yahwe ameniadhibu vikali; lakini hajaruhusu nife.
19 Nifungulie malango ya haki, nami nitaingia na kumshukuru Bwana.
Unifungulie milango ya haki; nitaingia na nitamshukuru Yahwe.
20 Hili ni lango la Bwana ambalo wenye haki wanaweza kuliingia.
Hili ni lango la Yahwe; wenye haki hupitia kwalo.
21 Nitakushukuru, kwa kuwa ulinijibu, umekuwa wokovu wangu.
Nitakushukuru wewe, kwa kuwa ulinijibu, na umekuwa wokovu wangu.
22 Jiwe walilolikataa waashi, limekuwa jiwe kuu la pembeni.
Jiwe ambalo wajenzi walilikataa wajenzi limekuwa msingi.
23 Bwana ametenda hili, nalo ni la kushangaza machoni petu.
Yahwe ndiye afanyaye hili; ni la ajabu machoni petu.
24 Hii ndiyo siku Bwana aliyoifanya, tushangilie na kufurahi ndani yake.
Hii ni siku ambayo Yahwe ametenda; tutaifurahia na kuishangilia.
25 Ee Bwana, tuokoe, Ee Bwana, utujalie mafanikio.
Tafadhali, Yahwe, utupe ushindi! Tafadhali, Yahwe, utupe mafanikio!
26 Heri yule ajaye kwa jina la Bwana. Kutoka nyumba ya Bwana tunakubariki.
Amebarikiwa yule ajaye katika jina la Yahwe; tunakubariki kutoka katika nyumba ya Yahwe.
27 Bwana ndiye Mungu, naye ametuangazia nuru yake. Mkiwa na matawi mkononi, unganeni kwenye maandamano ya sikukuu hadi kwenye pembe za madhabahu.
Yahwe ni Mungu, na ametupa sisi nuru; ifungeni dhabihu kwa kamba pembeni mwa madhabahu.
28 Wewe ni Mungu wangu, nitakushukuru, wewe ni Mungu wangu, nitakutukuza.
Wewe ni Mungu wangu, nami nitakushukuru; wewe ni Mungu wangu; nitakutukuza wewe.
29 Mshukuruni Bwana kwa kuwa ni mwema; upendo wake wadumu milele.
Oh, mshukuruni Yahwe; kwa kuwa ni mwema; kwa maana uaminifu wa agano lake wadumu milele.
