Zaburi 118
1 Mshukuruni Bwana, kwa kuwa ni mwema; upendo wake wadumu milele.
| הודו ליהוה כי-טוב כי לעולם חסדו |
2 Israeli na aseme sasa: “Upendo wake wadumu milele.”
| יאמר-נא ישראל כי לעולם חסדו |
3 Nyumba ya Aroni na iseme sasa: “Upendo wake wadumu milele.”
| יאמרו-נא בית-אהרן כי לעולם חסדו |
4 Wote wamchao Bwana na waseme sasa: “Upendo wake wadumu milele.”
| יאמרו-נא יראי יהוה כי לעולם חסדו |
5 Wakati wa maumivu yangu makuu nilimlilia Bwana, naye akanijibu kwa kuniweka huru.
| מן-המצר קראתי יה ענני במרחב יה |
6 Bwana yuko pamoja nami, sitaogopa. Mwanadamu anaweza kunitenda nini?
| יהוה לי לא אירא מה-יעשה לי אדם |
7 Bwana yuko pamoja nami, yeye ni msaidizi wangu. Nitawatazama adui zangu wakiwa wameshindwa.
| יהוה לי בעזרי ואני אראה בשנאי |
8 Ni bora kumkimbilia Bwana kuliko kumtumainia mwanadamu.
| טוב לחסות ביהוה-- מבטח באדם |
9 Ni bora kumkimbilia Bwana kuliko kuwatumainia wakuu.
| טוב לחסות ביהוה-- מבטח בנדיבים |
10 Mataifa yote yalinizunguka, lakini kwa jina la Bwana naliwakatilia mbali.
| כל-גוים סבבוני בשם יהוה כי אמילם |
11 Walinizunguka pande zote, lakini kwa jina la Bwana naliwakatilia mbali.
| סבוני גם-סבבוני בשם יהוה כי אמילם |
12 Walinizunguka kama kundi la nyuki, lakini walikufa haraka kama miiba iteketeayo; kwa jina la Bwana naliwakatilia mbali.
| סבוני כדבורים-- דעכו כאש קוצים בשם יהוה כי אמילם |
13 Nilisukumwa nyuma karibu kuanguka, lakini Bwana alinisaidia.
| דחה דחיתני לנפל ויהוה עזרני |
14 Bwana ni nguvu yangu na wimbo wangu, yeye amefanyika wokovu wangu.
| עזי וזמרת יה ויהי-לי לישועה |
15 Sauti za shangwe na ushindi zinavuma hemani mwa wenye haki: “Mkono wa kuume wa Bwana umetenda mambo makuu!
| קול רנה וישועה--באהלי צדיקים ימין יהוה עשה חיל |
16 Mkono wa kuume wa Bwana umeinuliwa juu, mkono wa kuume wa Bwana umetenda mambo makuu!”
| ימין יהוה רוממה ימין יהוה עשה חיל |
17 Sitakufa, bali nitaishi, nami nitatangaza yale Bwana aliyoyatenda.
| לא-אמות כי-אחיה ואספר מעשי יה |
18 Bwana ameniadhibu vikali, lakini hakuniacha nife.
| יסר יסרני יה ולמות לא נתנני |
19 Nifungulie malango ya haki, nami nitaingia na kumshukuru Bwana.
| פתחו-לי שערי-צדק אבא-בם אודה יה |
20 Hili ni lango la Bwana ambalo wenye haki wanaweza kuliingia.
| זה-השער ליהוה צדיקים יבאו בו |
21 Nitakushukuru, kwa kuwa ulinijibu, umekuwa wokovu wangu.
| אודך כי עניתני ותהי-לי לישועה |
22 Jiwe walilolikataa waashi, limekuwa jiwe kuu la pembeni.
| אבן מאסו הבונים-- היתה לראש פנה |
23 Bwana ametenda hili, nalo ni la kushangaza machoni petu.
| מאת יהוה היתה זאת היא נפלאת בעינינו |
24 Hii ndiyo siku Bwana aliyoifanya, tushangilie na kufurahi ndani yake.
| זה-היום עשה יהוה נגילה ונשמחה בו |
25 Ee Bwana, tuokoe, Ee Bwana, utujalie mafanikio.
| אנא יהוה הושיעה נא אנא יהוה הצליחה נא |
26 Heri yule ajaye kwa jina la Bwana. Kutoka nyumba ya Bwana tunakubariki.
| ברוך הבא בשם יהוה ברכנוכם מבית יהוה |
27 Bwana ndiye Mungu, naye ametuangazia nuru yake. Mkiwa na matawi mkononi, unganeni kwenye maandamano ya sikukuu hadi kwenye pembe za madhabahu.
| אל יהוה--ויאר-לנו אסרו-חג בעבתים--עד קרנות המזבח |
28 Wewe ni Mungu wangu, nitakushukuru, wewe ni Mungu wangu, nitakutukuza.
| אלי אתה ואודך אלהי ארוממך |
29 Mshukuruni Bwana kwa kuwa ni mwema; upendo wake wadumu milele.
| הודו ליהוה כי-טוב כי לעולם חסדו |
