Zaburi 110

1 Zaburi ya Daudi. Bwana amwambia Bwana wangu: “Keti mkono wangu wa kuume, mpaka nitakapowafanya adui zako kuwa mahali pa kuweka miguu yako.”

Yahwe humwambia bwana wangu, “Kaa mkono wangu wa kuume mpaka nitakapowaweka adui zako chini ya miguu yako.”

2 Bwana ataeneza fimbo yako ya utawala yenye nguvu kutoka Sayuni; utatawala katikati ya adui zako.

Yahwe atainyosha fimbo ya nguvu yako toka Sayuni; utawale kati ya adui zako.

3 Askari wako watajitolea kwa hiari katika siku yako ya vita. Ukiwa umevikwa fahari takatifu, kutoka tumbo la mapambazuko utapokea umande wa ujana wako.

Siku ile ya uweza wako watu wako watakufuata wakiwa katika mavazi matakatifu ya hiari yao wenyewe; tokea tumbo la alfajiri ujana wako utakuwa kwako kama umande.

4 Bwana ameapa, naye hatabadilisha mawazo yake: “Wewe ni kuhani milele, kwa mfano wa Melkizedeki.”

Yahwe ameapa, na hatabadilika: “Wewe ni kuhani milele, baada ya namna ya Melkizedeki.”

5 Bwana yuko mkono wako wa kuume, atawaponda wafalme siku ya ghadhabu yake.

Bwana yuko mkono wako wa kuume. Siku ile ya hasira yake atawaua wafalme.

6 Atawahukumu mataifa, akilundika mizoga na kuwaponda watawala wa dunia nzima.

Yeye atahukumu matifa; ataujaza uwanja wa vita kwa maiti; atawauwa viongozi kaitka nchi nyingi.

7 Atakunywa maji katika kijito kando ya njia, kwa hiyo atainua kichwa chake juu.

Atakunywa maji ya kijito njiani, kisha baada ya ushindi atainua kichwa chake juu.