Mithali 9
1 Hekima amejenga nyumba yake; amechonga nguzo zake saba.
Hekima amejenga nyumba yake; amechonga nguzo saba kutoka katika miamba.
2 Ameandaa nyama na kuchanganya divai yake; pia ameandaa meza yake.
Ameandaa wanyama wake kwa chakula cha usiku; ameichanganya divai yake; na kuandaa meza yake.
3 Amewatuma watumishi wake wa kike, naye huita kutoka mahali pa juu sana pa mji.
Amewatuma watumishi wake kupeleka mialiko na kutoka mahali pa juu sana kwenye mji anaita:
4 Anawaambia wale wasio na akili, “Wote ambao ni wajinga na waje hapa!
“Wale wasiofunzwa waje hapa!” anawaambia wale wasionaufahamu.
5 Njooni, mle chakula changu na mnywe divai niliyoichanganya.
Njoo, ule chakula, na unywe divai nimeshaichanganya.
6 Acheni njia zenu za ujinga nanyi mtaishi; tembeeni katika njia ya ufahamu.
Acheni njia zenu za kijinga, na mkaishi; tembeeni katika njia ya ufahamu.
7 “Yeyote anayemkosoa mwenye mzaha hukaribisha matukano; yeyote anayekemea mtu mwovu hupatwa na matusi.
Yeyote amrekebishaye mwenye dhihaka hukaribisha matusi na yeyote anayemshutumu mtu mbaya atapata madhara.
8 Usimkemee mwenye mzaha la sivyo atakuchukia; mkemee mwenye hekima naye atakupenda.
Usimshutumu mwenye dhihaka, ama atakuchukia; mshutumu mtu mwenye busara, naye atakupenda.
9 Mfundishe mtu mwenye hekima naye atakuwa na hekima zaidi; mfundishe mtu mwadilifu naye atazidi kufundishika.
Mpe mafundisho mtu mwenye busara, naye atakuwa na busara zaidi; mfundishe mtu mwenye haki, naye ataongeza elimu.
10 “Kumcha Bwana ndicho chanzo cha hekima, na kumjua Aliye Mtakatifu ni ufahamu.
Hofu ya Mungu ni chanzo cha hekima na maarifa ya Mtakatifu ni ufahamu.
11 Kwa maana kwa msaada wangu siku zako zitakuwa nyingi, na miaka itaongezwa katika maisha yako.
Maana kwa njia yangu siku zako zitazidishwa na uzima wako utaongezewa miaka.
12 Kama wewe una hekima, hekima yako itakupa tuzo; kama wewe ni mtu wa mzaha, wewe mwenyewe ndiwe utateseka.”
Kama unahekima, unahekima kwako mwenyewe, lakini ukidharau, utaibeba peke yako.
13 Mwanamke aitwaye Mpumbavu ana kelele; hana adabu na hana maarifa.
Mwanamke mpumbavu anakelele nyingi- hajafunzwa wala haelewi chochote.
14 Huketi kwenye mlango wa nyumba yake, juu ya kiti katika mahali pa juu sana pa mji,
Anakaa kwenye mlango wa nyumba yake, kwenye kiti cha sehemu ya juu sana ya mji.
15 akiita wale wapitao karibu, waendao moja kwa moja kwenye njia yao.
Anawaita kwa sauti wanaopita karibu, watu wale wanaotembea wima katika njia zao.
16 Anawaambia wale wasio na akili, “Wote ambao ni wajinga na waje hapa ndani!”
Wale ambao hamjafunzwa njoni hapa ndani!” anawaambia wale wasio na akili. “
17 “Maji yaliyoibiwa ni matamu; chakula kinacholiwa sirini ni kitamu!”
Maji ya kuiba ni matamu na mkate unaoliwa kwa siri unapendeza.”
