Mithali 28
1 Mtu mwovu hukimbia ingawa hakuna yeyote anayemfukuza, bali wenye haki ni wajasiri kama simba.
| נסו ואין-רדף רשע וצדיקים ככפיר יבטח |
2 Wakati nchi inapokuwa na uasi, inakuwa na viongozi wengi, bali mwenye ufahamu na maarifa hudumisha utaratibu.
| בפשע ארץ רבים שריה ובאדם מבין ידע כן יאריך |
3 Mtu maskini amwoneaye yeye aliye maskini zaidi ni kama mvua ya dhoruba isiyosaza mazao.
| גבר-רש ועשק דלים-- מטר סחף ואין לחם |
4 Wale waiachao sheria huwasifu waovu, bali wale waishikao sheria huwapinga.
| עזבי תורה יהללו רשע ושמרי תורה יתגרו בם |
5 Watu wabaya hawaelewi haki, bali wale wamtafutao Bwana wanaielewa kikamilifu.
| אנשי-רע לא-יבינו משפט ומבקשי יהוה יבינו כל |
6 Afadhali maskini ambaye mwenendo wake hauna lawama kuliko tajiri ambaye njia zake ni potovu.
| טוב-רש הולך בתמו-- מעקש דרכים והוא עשיר |
7 Yeye ashikaye sheria ni mwana mwenye ufahamu, bali rafiki wa walafi humwaibisha baba yake.
| נוצר תורה בן מבין ורעה זוללים יכלים אביו |
8 Yeye aongezaye utajiri wake kwa riba kubwa mno hukusanya kwa ajili ya mwingine, ambaye atawahurumia maskini.
| מרבה הונו בנשך ובתרבית (ותרבית)-- לחונן דלים יקבצנו |
9 Kama mtu yeyote akikataa kusikia sheria, hata maombi yake ni chukizo.
| מסיר אזנו משמע תורה-- גם תפלתו תועבה |
10 Yeye ambaye humwongoza mwenye haki kwenye mapito mabaya, ataanguka kwenye mtego wake mwenyewe, bali wasio na lawama watapokea urithi mwema.
| משגה ישרים בדרך רע--בשחותו הוא-יפול ותמימים ינחלו-טוב |
11 Mtu tajiri anaweza kuwa na hekima machoni pake mwenyewe, bali mtu maskini mwenye ufahamu atamfichua.
| חכם בעיניו איש עשיר ודל מבין יחקרנו |
12 Mwenye haki ashindapo, kuna furaha kubwa, bali waovu watawalapo, watu hujificha.
| בעלץ צדיקים רבה תפארת ובקום רשעים יחפש אדם |
13 Yeye afichaye dhambi zake hatafanikiwa, bali yeyote aziungamaye na kuziacha hupata rehema.
| מכסה פשעיו לא יצליח ומודה ועזב ירחם |
14 Amebarikiwa mtu ambaye siku zote humcha Bwana, bali yeye afanyaye moyo wake kuwa mgumu huangukia kwenye taabu.
| אשרי אדם מפחד תמיד ומקשה לבו יפול ברעה |
15 Kama simba angurumaye au dubu ashambuliaye, ndivyo alivyo mtu mwovu atawalaye wanyonge.
| ארי-נהם ודב שוקק-- מושל רשע על עם-דל |
16 Mtawala dhalimu hana akili, bali yeye achukiaye mapato ya udhalimu atafurahia maisha marefu.
| נגיד--חסר תבונות ורב מעשקות שנאי (שנא) בצע יאריך ימים |
17 Mtu mwenye kusumbuliwa na hatia ya kuua atakuwa mtoro mpaka kufa; mtu yeyote na asimsaidie.
| אדם עשק בדם-נפש-- עד-בור ינוס אל-יתמכו-בו |
18 Yeye ambaye mwenendo wake hauna lawama hulindwa salama, bali yeye ambaye njia zake ni potovu ataanguka ghafula.
| הולך תמים יושע ונעקש דרכים יפול באחת |
19 Yeye alimaye shamba lake atakuwa na chakula tele, bali yule afuataye mambo ya upuzi atakuwa na umaskini wa kumtosha.
| עבד אדמתו ישבע-לחם ומרדף ריקים ישבע-ריש |
20 Mtu mwaminifu atabarikiwa sana, bali yeye atamaniye kupata utajiri kwa haraka hataacha kuadhibiwa.
| איש אמונות רב-ברכות ואץ להעשיר לא ינקה |
21 Kuonyesha upendeleo si vizuri, hata hivyo mtu atafanya kosa kwa kipande cha mkate.
| הכר-פנים לא-טוב ועל-פת-לחם יפשע-גבר |
22 Mtu mchoyo ana tamaa ya kupata utajiri, naye hana habari kuwa umaskini unamngojea.
| נבהל להון--איש רע עין ולא-ידע כי-חסר יבאנו |
23 Yeye amkemeaye mtu mwishoni hupata kibali zaidi, kuliko mwenye maneno ya kusifu isivyostahili.
| מוכיח אדם אחרי חן ימצא-- ממחליק לשון |
24 Yeye amwibiaye babaye au mamaye na kusema, “Si kosa,” yeye ni mwenzi wa yule aharibuye.
| גוזל אביו ואמו--ואמר אין-פשע חבר הוא לאיש משחית |
25 Mtu mwenye tamaa huchochea fitina, bali yule amtegemeaye Bwana atafanikiwa.
| רחב-נפש יגרה מדון ובטח על-יהוה ידשן |
26 Yeye ajitumainiaye mwenyewe ni mpumbavu, bali yeye atembeaye katika hekima hulindwa salama.
| בוטח בלבו הוא כסיל והולך בחכמה הוא ימלט |
27 Yeye ampaye maskini hatapungukiwa na kitu chochote, bali yeye awafumbiaye maskini macho hupata laana nyingi.
| נותן לרש אין מחסור ומעלים עיניו רב-מארות |
28 Wakati waovu watawalapo, watu huenda mafichoni, bali waovu wanapoangamia, wenye haki hufanikiwa.
| בקום רשעים יסתר אדם ובאבדם ירבו צדיקים |
