Mithali 18
1 Mtu ajitengaye na wengine hufuata matakwa yake mwenyewe; hupiga vita kila shauri jema.
| לתאוה יבקש נפרד בכל תושיה יתגלע׃ |
2 Mpumbavu hafurahii ufahamu, bali hufurahia kutangaza maoni yake mwenyewe.
| לא יחפץ כסיל בתבונה כי אם בהתגלות לבו׃ |
3 Wakati uovu unapokuja, dharau huja pia, pamoja na aibu huja lawama.
| בבוא רשע בא גם בוז ועם קלון חרפה׃ |
4 Maneno ya kinywa cha mwanadamu ni kina cha maji, bali chemchemi ya hekima ni kijito kinachobubujika.
| מים עמקים דברי פי איש נחל נבע מקור חכמה׃ |
5 Sio vizuri kumpendelea mtu mwovu, au kumnyima haki asiye na hatia.
| שאת פני רשע לא טוב להטות צדיק במשפט׃ |
6 Midomo ya mpumbavu humletea ugomvi na kinywa chake hualika kipigo.
| שפתי כסיל יבאו בריב ופיו למהלמות יקרא׃ |
7 Kinywa cha mpumbavu ni uharibifu wake na midomo yake ni mtego kwa nafsi yake.
| פי כסיל מחתה לו ושפתיו מוקש נפשו׃ |
8 Maneno ya mchongezi ni kama chakula kitamu; huingia sehemu za ndani sana za mtu.
| דברי נרגן כמתלהמים והם ירדו חדרי בטן׃ |
9 Mtu aliye mlegevu katika kazi yake ni ndugu na yule anayeharibu.
| גם מתרפה במלאכתו אח הוא לבעל משחית׃ |
10 Jina la Bwana ni ngome imara, wenye haki huikimbilia na kuwa salama.
| מגדל עז שם יהוה בו ירוץ צדיק ונשגב׃ |
11 Mali ya tajiri ni mji wake wenye ngome, wanaudhania kuwa ukuta usioweza kurukwa.
| הון עשיר קרית עזו וכחומה נשגבה במשכיתו׃ |
12 Kabla ya anguko moyo wa mtu hujaa kiburi, bali unyenyekevu hutangulia heshima.
| לפני שבר יגבה לב איש ולפני כבוד ענוה׃ |
13 Yeye ajibuye kabla ya kusikiliza, huo ni upumbavu wake na aibu yake.
| משיב דבר בטרם ישמע אולת היא לו וכלמה׃ |
14 Roho ya mtu itastahimili katika ugonjwa bali roho iliyovunjika ni nani awezaye kuistahimili?
| רוח איש יכלכל מחלהו ורוח נכאה מי ישאנה׃ |
15 Moyo wa mwenye ufahamu hujipatia maarifa, masikio ya mwenye hekima huyatafuta maarifa.
| לב נבון יקנה דעת ואזן חכמים תבקש דעת׃ |
16 Zawadi humfungulia njia mtoaji, nayo humleta mbele ya wakuu.
| מתן אדם ירחיב לו ולפני גדלים ינחנו׃ |
17 Yeye aliye wa kwanza kuleta mashtaka huonekana sahihi, hadi mwingine ajitokezapo na kumuuliza maswali.
| צדיק הראשון בריבו יבא רעהו וחקרו׃ |
18 Kupiga kura hukomesha mashindano na kutenganisha wapinzani wakuu wanaopingana.
| מדינים ישבית הגורל ובין עצומים יפריד׃ |
19 Ndugu aliyechukizwa ni mgumu kuridhika kuliko mji uliozungushiwa ngome, nayo mabishano ni kama malango ya ngome yenye makomeo.
| אח נפשע מקרית עז ומדונים כבריח ארמון׃ |
20 Tumbo la mtu litajaa kutokana na tunda la kinywa chake, atashibishwa mavuno yanayotokana na midomo yake.
| מפרי פי איש תשבע בטנו תבואת שפתיו ישבע׃ |
21 Mauti na uzima viko katika uwezo wa ulimi, nao waupendao watakula matunda yake.
| מות וחיים ביד לשון ואהביה יאכל פריה׃ |
22 Apataye mke apata kitu chema naye ajipatia kibali kwa Bwana.
| מצא אשה מצא טוב ויפק רצון מיהוה׃ |
23 Mtu maskini huomba kuhurumiwa bali tajiri hujibu kwa ukali.
| תחנונים ידבר רש ועשיר יענה עזות׃ |
24 Mtu mwenye marafiki wengi wanaweza kumharibu, bali yuko rafiki aambatanaye na mtu kwa karibu kuliko ndugu.
| איש רעים להתרעע ויש אהב דבק מאח׃ |
