Mithali 16
1 Mipango ya moyoni ni ya mwanadamu, bali jibu la ulimi hutoka kwa Bwana.
| לאדם מערכי לב ומיהוה מענה לשון׃ |
2 Njia zote za mtu huonekana safi machoni pake mwenyewe, bali makusudi hupimwa na Bwana.
| כל דרכי איש זך בעיניו ותכן רוחות יהוה׃ |
3 Mkabidhi Bwana lolote ufanyalo, nayo mipango yako itafanikiwa.
| גל אל יהוה מעשיך ויכנו מחשבתיך׃ |
4 Bwana hufanya kila kitu kwa kusudi lake mwenyewe; hata waovu kwa siku ya maangamizi.
| כל פעל יהוה למענהו וגם רשע ליום רעה׃ |
5 Bwana huwachukia sana wote wenye kiburi cha moyo. Uwe na hakika kwa hili: Hawataepuka kuadhibiwa.
| תועבת יהוה כל גבה לב יד ליד לא ינקה׃ |
6 Kwa upendo na uaminifu uovu huondolewa; kwa kumcha Bwana mtu hujiepusha na ubaya.
| בחסד ואמת יכפר עון וביראת יהוה סור מרע׃ |
7 Njia za mtu zinapompendeza Bwana, huwafanya hata adui zake waishi naye kwa amani.
| ברצות יהוה דרכי איש גם אויביו ישלם אתו׃ |
8 Afadhali kitu kidogo pamoja na haki kuliko mapato mengi pamoja na udhalimu.
| טוב מעט בצדקה מרב תבואות בלא משפט׃ |
9 Moyo wa mtu huifikiri njia yake, bali Bwana huelekeza hatua zake.
| לב אדם יחשב דרכו ויהוה יכין צעדו׃ |
10 Midomo ya mfalme huzungumza kwa hekima ya kiungu, wala kinywa chake hakipotoshi haki.
| קסם על שפתי מלך במשפט לא ימעל פיו׃ |
11 Vipimo na mizani za halali hutoka kwa Bwana; mawe yote ya kupimia yaliyo katika mfuko ameyafanya yeye.
| פלס ומאזני משפט ליהוה מעשהו כל אבני כיס׃ |
12 Wafalme huchukia sana kutenda maovu, kwa maana kiti cha ufalme hufanywa imara kwa njia ya haki.
| תועבת מלכים עשות רשע כי בצדקה יכון כסא׃ |
13 Wafalme hufurahia midomo ya uaminifu; humthamini mtu asemaye kweli.
| רצון מלכים שפתי צדק ודבר ישרים יאהב׃ |
14 Ghadhabu ya mfalme ni mjumbe wa mauti, bali mtu mwenye hekima ataituliza.
| חמת מלך מלאכי מות ואיש חכם יכפרנה׃ |
15 Uso wa mfalme ungʼaapo, inamaanisha uhai; upendeleo wake ni kama wingu la mvua wakati wa vuli.
| באור פני מלך חיים ורצונו כעב מלקוש׃ |
16 Ni bora kiasi gani kupata hekima kuliko dhahabu, kuchagua ufahamu kuliko fedha!
| קנה חכמה מה טוב מחרוץ וקנות בינה נבחר מכסף׃ |
17 Njia kuu ya wanyofu huepuka ubaya; yeye aichungaye njia yake, huchunga maisha yake.
| מסלת ישרים סור מרע שמר נפשו נצר דרכו׃ |
18 Kiburi hutangulia maangamizi, roho ya majivuno hutangulia maanguko.
| לפני שבר גאון ולפני כשלון גבה רוח׃ |
19 Ni afadhali kuwa mnyenyekevu katika roho miongoni mwa walioonewa kuliko kugawana nyara pamoja na wenye kiburi.
| טוב שפל רוח את עניים מחלק שלל את גאים׃ |
20 Yeyote anayekubali mafundisho hustawi, tena amebarikiwa yeye anayemtumaini Bwana.
| משכיל על דבר ימצא טוב ובוטח ביהוה אשריו׃ |
21 Wenye hekima moyoni huitwa wenye ufahamu, na maneno ya kupendeza huchochea mafundisho.
| לחכם לב יקרא נבון ומתק שפתים יסיף לקח׃ |
22 Ufahamu ni chemchemi ya uzima kwa wale walio nao, bali upumbavu huleta adhabu kwa wapumbavu.
| מקור חיים שכל בעליו ומוסר אולים אולת׃ |
23 Moyo wa mtu mwenye hekima huongoza kinywa chake, na midomo yake huchochea mafundisho.
| לב חכם ישכיל פיהו ועל שפתיו יסיף לקח׃ |
24 Maneno ya kupendeza ni kama sega la asali, ni matamu kwa nafsi na uponyaji kwenye mifupa.
| צוף דבש אמרי נעם מתוק לנפש ומרפא לעצם׃ |
25 Iko njia ionekanayo kuwa sawa kwa mtu, bali mwisho wake huelekeza mautini.
| יש דרך ישר לפני איש ואחריתה דרכי מות׃ |
26 Shauku ya mfanyakazi humhimiza kufanya kazi; njaa yake humsukuma aendelee.
| נפש עמל עמלה לו כי אכף עליו פיהו׃ |
27 Mtu mbaya kabisa hupanga mabaya, maneno yake ni kama moto uunguzao.
| איש בליעל כרה רעה ועל שפתיו כאש צרבת׃ |
28 Mtu mpotovu huchochea ugomvi, nayo maongezi ya upuzi hutenganisha marafiki wa karibu.
| איש תהפכות ישלח מדון ונרגן מפריד אלוף׃ |
29 Mtu mkali humvuta jirani yake na kumwongoza katika mapito yale mabaya.
| איש חמס יפתה רעהו והוליכו בדרך לא טוב׃ |
30 Yeye akonyezaye kwa jicho lake anapanga upotovu; naye akazaye midomo yake amenuia mabaya.
| עצה עיניו לחשב תהפכות קרץ שפתיו כלה רעה׃ |
31 Mvi ni taji ya utukufu; hupatikana kwa maisha ya uadilifu.
| עטרת תפארת שיבה בדרך צדקה תמצא׃ |
32 Ni afadhali mtu mstahimilivu kuliko shujaa, mtu anayeitawala hasira yake kuliko yule autekaye mji.
| טוב ארך אפים מגבור ומשל ברוחו מלכד עיר׃ |
33 Kura hupigwa kwa siri, lakini kila uamuzi wake hutoka kwa Bwana.
| בחיק יוטל את הגורל ומיהוה כל משפטו׃ |
