Mithali 14
1 Mwanamke mwenye hekima huijenga nyumba yake, bali mpumbavu huibomoa nyumba yake kwa mikono yake mwenyewe.
| חכמות נשים בנתה ביתה ואולת בידיה תהרסנו |
2 Yeye ambaye njia zake ni nyofu humcha Bwana, bali yeye ambaye njia zake zimepotoka humdharau Mungu.
| הולך בישרו ירא יהוה ונלוז דרכיו בוזהו |
3 Mazungumzo ya mpumbavu huleta fimbo mgongoni mwake, bali mwenye hekima hulindwa na maneno ya midomo yake.
| בפי-אויל חטר גאוה ושפתי חכמים תשמורם |
4 Pale ambapo hakuna mafahali, hori ni tupu, bali kutokana na nguvu za fahali huja mavuno mengi.
| באין אלפים אבוס בר ורב-תבואות בכח שור |
5 Shahidi mwaminifu hadanganyi, bali shahidi wa uongo humimina uongo.
| עד אמונים לא יכזב ויפיח כזבים עד שקר |
6 Mwenye mzaha huitafuta hekima na haipati, bali maarifa huja kwa urahisi kwa anayepambanua.
| בקש-לץ חכמה ואין ודעת לנבון נקל |
7 Kaa mbali na mtu mpumbavu, kwa maana hutapata maarifa katika midomo yake.
| לך מנגד לאיש כסיל ובל-ידעת שפתי-דעת |
8 Hekima ya mwenye busara ni kufikiria njia zake, bali upumbavu wa wapumbavu ni udanganyifu.
| חכמת ערום הבין דרכו ואולת כסילים מרמה |
9 Wapumbavu hudhihaki kujirekebisha kutoka dhambi, bali wema hupatikana miongoni mwa wanyofu.
| אולים יליץ אשם ובין ישרים רצון |
10 Kila moyo hujua uchungu wake wenyewe, wala hakuna yeyote awezaye kushiriki furaha yake.
| לב--יודע מרת נפשו ובשמחתו לא-יתערב זר |
11 Nyumba ya mwovu itaangamizwa, bali hema la mnyofu litastawi.
| בית רשעים ישמד ואהל ישרים יפריח |
12 Iko njia ionekanayo kuwa sawa kwa mtu, bali mwisho wake huelekeza mautini.
| יש דרך ישר לפני-איש ואחריתה דרכי-מות |
13 Hata katika kicheko moyo waweza kuuma, nayo furaha yaweza kuishia katika majonzi.
| גם-בשחק יכאב-לב ואחריתה שמחה תוגה |
14 Wasio na imani watapatilizwa kikamilifu kwa ajili ya njia zao, naye mtu mwema atapewa thawabu kwa ajili ya njia yake.
| מדרכיו ישבע סוג לב ומעליו איש טוב |
15 Mtu mjinga huamini kila kitu, bali mwenye busara hufikiria hatua zake.
| פתי יאמין לכל-דבר וערום יבין לאשרו |
16 Mtu mwenye hekima humcha Bwana na kuepuka mabaya, bali mpumbavu hukasirika kwa hamaki na uzembe.
| חכם ירא וסר מרע וכסיל מתעבר ובוטח |
17 Mtu anayekasirika kwa haraka hufanya mambo ya upumbavu, naye mtu wa hila huchukiwa.
| קצר-אפים יעשה אולת ואיש מזמות ישנא |
18 Mjinga hurithi upumbavu, bali wenye busara huvikwa maarifa kichwani kama taji.
| נחלו פתאים אולת וערומים יכתרו דעת |
19 Watu wabaya watasujudu mbele ya watu wema, nao waovu kwenye malango ya wenye haki.
| שחו רעים לפני טובים ורשעים על-שערי צדיק |
20 Maskini huepukwa hata na majirani zao, bali matajiri wana marafiki wengi.
| גם-לרעהו ישנא רש ואהבי עשיר רבים |
21 Yeye anayemdharau jirani yake hutenda dhambi, bali amebarikiwa yeye aliye na huruma kwa mhitaji.
| בז-לרעהו חוטא ומחונן עניים (ענוים) אשריו |
22 Je, wale wanaopanga ubaya hawapotoki? Bali wale wanaopanga kilicho chema hupata upendo na uaminifu.
| הלוא-יתעו חרשי רע וחסד ואמת חרשי טוב |
23 Kazi zote zinazofanywa kwa bidii huleta faida, bali mazungumzo matupu huelekea umaskini tu.
| בכל-עצב יהיה מותר ודבר-שפתים אך-למחסור |
24 Utajiri wa wenye hekima ni taji yao, bali upumbavu wa wapumbavu huzaa upumbavu.
| עטרת חכמים עשרם אולת כסילים אולת |
25 Shahidi wa kweli huokoa maisha, bali shahidi wa uongo ni mdanganyifu.
| מציל נפשות עד אמת ויפח כזבים מרמה |
26 Yeye amchaye Bwana ana ngome salama, na kwa watoto wake itakuwa kimbilio.
| ביראת יהוה מבטח-עז ולבניו יהיה מחסה |
27 Kumcha Bwana ni chemchemi ya uzima, ili kumwepusha mtu na mitego ya mauti.
| יראת יהוה מקור חיים-- לסור ממקשי מות |
28 Wingi wa watu ni utukufu wa mfalme, bali pasipo watu mkuu huangamia.
| ברב-עם הדרת-מלך ובאפס לאם מחתת רזון |
29 Mtu mwenye subira ana ufahamu mwingi, bali anayekasirika haraka huonyesha upumbavu.
| ארך אפים רב-תבונה וקצר-רוח מרים אולת |
30 Moyo wenye amani huupa mwili uzima, bali wivu huozesha mifupa.
| חיי בשרים לב מרפא ורקב עצמות קנאה |
31 Yeye amwoneaye maskini huonyesha dharau kwa Muumba wao, bali yeyote anayemhurumia mhitaji humheshimu Mungu.
| עשק דל חרף עשהו ומכבדו חנן אביון |
32 Waovu huangamizwa kwa matendo yao maovu, bali hata katika kifo wenye haki hupata kimbilio.
| ברעתו ידחה רשע וחסה במותו צדיק |
33 Hekima hukaa katika moyo wa mwenye ufahamu bali haijulikani miongoni mwa wapumbavu.
| בלב נבון תנוח חכמה ובקרב כסילים תודע |
34 Haki huinua taifa, bali dhambi ni aibu kwa watu wote.
| צדקה תרומם-גוי וחסד לאמים חטאת |
35 Mfalme hupendezwa na mtumishi mwenye hekima, bali ghadhabu yake humwangukia mtumishi mwenye kuaibisha.
| רצון-מלך לעבד משכיל ועברתו תהיה מביש |
