Mithali 11
1 Bwana huchukia sana mizani za udanganyifu, bali vipimo sahihi ni furaha yake.
| מאזני מרמה תועבת יהוה ואבן שלמה רצונו |
2 Kiburi kinapokuja, ndipo huja aibu, bali unyenyekevu huja na hekima.
| בא-זדון ויבא קלון ואת-צנועים חכמה |
3 Uadilifu wa wenye haki huwaongoza, bali wasio waaminifu huharibiwa na hila yao.
| תמת ישרים תנחם וסלף בגדים ושדם (ישדם) |
4 Utajiri haufaidi kitu katika siku ya ghadhabu, bali haki huokoa kutoka mautini.
| לא-יועיל הון ביום עברה וצדקה תציל ממות |
5 Haki ya wasio na lawama, huwatengenezea njia iliyonyooka, bali waovu huangushwa kwa uovu wao wenyewe.
| צדקת תמים תישר דרכו וברשעתו יפל רשע |
6 Haki ya wanyofu huwaokoa, bali wasio waaminifu hunaswa na tamaa mbaya.
| צדקת ישרים תצילם ובהות בגדים ילכדו |
7 Wakati mtu mwovu anapokufa, matumaini yake hutoweka; yote aliyoyatazamia kutokana na nguvu zake huwa si kitu.
| במות אדם רשע תאבד תקוה ותוחלת אונים אבדה |
8 Mtu mwenye haki huokolewa kutoka taabu, naye mtu mwovu huingia humo badala yake.
| צדיק מצרה נחלץ ויבא רשע תחתיו |
9 Kwa kinywa chake mtu asiyemwamini Mungu humwangamiza jirani yake, bali kwa maarifa mwenye haki huokolewa.
| בפה--חנף ישחת רעהו ובדעת צדיקים יחלצו |
10 Wakati mwenye haki anapofanikiwa, mji hufurahi; mwovu atowekapo, kuna kelele za furaha.
| בטוב צדיקים תעלץ קריה ובאבד רשעים רנה |
11 Kutokana na baraka ya mtu mnyofu mji hukwezwa, bali kwa kinywa cha mwovu mji huharibiwa.
| בברכת ישרים תרום קרת ובפי רשעים תהרס |
12 Mtu asiye na akili humdharau jirani yake, bali mtu mwenye ufahamu huuzuia ulimi wake.
| בז-לרעהו חסר-לב ואיש תבונות יחריש |
13 Masengenyo husaliti tumaini, bali mtu mwaminifu hutunza siri.
| הולך רכיל מגלה-סוד ונאמן-רוח מכסה דבר |
14 Pasipo ushauri wa hekima taifa huanguka, bali washauri wengi hufanya ushindi uwe wa hakika.
| באין תחבלות יפל-עם ותשועה ברב יועץ |
15 Yeye amdhaminiye mgeni hakika atateseka, bali yeyote akataaye kuunga mkono dhamana ni salama.
| רע-ירוע כי-ערב זר ושנא תקעים בוטח |
16 Mwanamke mwenye moyo wa huruma hupata heshima, bali wanaume wakorofi hupata mali tu.
| אשת-חן תתמך כבוד ועריצים יתמכו-עשר |
17 Mwenye huruma hujinufaisha mwenyewe, bali mkatili hujiletea taabu mwenyewe.
| גמל נפשו איש חסד ועכר שארו אכזרי |
18 Mtu mwovu hupata ujira wa udanganyifu, bali yeye apandaye haki huvuna tuzo ya uhakika.
| רשע--עשה פעלת-שקר וזרע צדקה שכר אמת |
19 Mtu mwenye haki kweli kweli hupata uzima, bali yeye afuatiliaye ubaya huendea kifo chake.
| כן-צדקה לחיים ומרדף רעה למותו |
20 Bwana huwachukia sana watu wenye moyo wa upotovu, bali hupendezwa na wale ambao njia zao hazina lawama.
| תועבת יהוה עקשי-לב ורצונו תמימי דרך |
21 Uwe na hakika na hili: Waovu hawataepuka kuadhibiwa, bali wenye haki watakuwa huru.
| יד ליד לא-ינקה רע וזרע צדיקים נמלט |
22 Kama pete ya dhahabu katika pua ya nguruwe ndivyo alivyo mwanamke mzuri ambaye hana busara.
| נזם זהב באף חזיר-- אשה יפה וסרת טעם |
23 Shauku ya mwenye haki huishia tu kwenye mema, bali tumaini la mwovu huishia tu kwenye ghadhabu.
| תאות צדיקים אך-טוב תקות רשעים עברה |
24 Kuna mtu atoaye kwa ukarimu, hata hivyo hupata zaidi, mwingine huzuia, lakini huwa maskini.
| יש מפזר ונוסף עוד וחשך מישר אך-למחסור |
25 Mtu mkarimu atastawi; yeye awaburudishaye wengine ataburudishwa mwenyewe.
| נפש-ברכה תדשן ומרוה גם-הוא יורא |
26 Watu humlaani mtu awanyimae watu nafaka, bali baraka itamkalia kichwani kama taji yeye aliye radhi kuiuza.
| מנע בר יקבהו לאום וברכה לראש משביר |
27 Yeye atafutaye mema hupata ukarimu, bali ubaya huja kwake yeye autafutaye.
| שחר טוב יבקש רצון ודרש רעה תבואנו |
28 Yeyote ategemeaye utajiri wake ataanguka, bali mwenye haki atastawi kama jani bichi.
| בוטח בעשרו הוא יפול וכעלה צדיקים יפרחו |
29 Yeye aletaye taabu kwa jamaa yake atarithi tu upepo, naye mpumbavu atakuwa mtumishi wa wenye hekima.
| עכר ביתו ינחל-רוח ועבד אויל לחכם-לב |
30 Tunda la mwenye haki ni mti wa uzima, naye mwenye hekima huvuta roho za watu.
| פרי-צדיק עץ חיים ולקח נפשות חכם |
31 Kama wenye haki watapokea ujira wao duniani, si zaidi sana yule asiyemcha Mungu na mwenye dhambi?
| הן צדיק בארץ ישלם אף כי-רשע וחוטא |
