Maombolezo 3
1 Mimi ndiye mtu aliyeona mateso kwa fimbo ya ghadhabu yake.
Mimi ni mwanaume nilyeona maangaiko chini ya gongo la hasira ya Yahweh.
2 Amenifukuzia mbali na kunifanya nitembee gizani wala si katika nuru;
Amenifukuza na kunisababisha kutembea kwenye giza kuliko kwenye nuru.
3 hakika, amegeuza mkono wake dhidi yangu tena na tena, mchana kutwa.
Hakika amenigeuzia mkono wake dhidi yangu tena na tena, siku yote.
4 Amefanya ngozi yangu na nyama yangu kuchakaa na ameivunja mifupa yangu.
Amefanya mwili wangu na ngozi yangu kufifia; amevunja mifupa yangu.
5 Amenizingira na kunizunguka kwa uchungu na taabu.
Amejenga vifusi vya udogo dhidi yangu, na kunizingira na uchungu na ugumu.
6 Amenifanya niishi gizani kama wale waliokufa.
Amefanya ni ishi sehemu za giza, kama hao walio kufa zamani.
7 Amenizungushia ukuta ili nisiweze kutoroka, amenifunga kwa minyororo mizito.
Amejenga ukuta kunizunguka na siwezi kutoroka. Amefanya minyororo yangu mizito
8 Hata ninapoita au kulia ili kuomba msaada, anakataa kupokea maombi yangu.
na japo nina ita na kulilia msaada, anazima maombi yangu.
9 Ameizuia njia yangu kwa mapande ya mawe, amepotosha njia zangu.
Ameziba njia yangu kwa ukuta wa mawe ya kuchonga; amefanya njia yangu mbaya.
10 Kama dubu aviziaye, kama simba mafichoni,
Yeye ni kama dubu anasubiri kunishambulia, simba katika maficho;
11 ameniburuta kutoka njia, akanirarua na kuniacha bila msaada.
amegeuza pembeni njia zangu, amenifanya ukiwa.
12 Amevuta upinde wake na kunifanya mimi niwe lengo kwa ajili ya mishale yake.
Amepindisha upinde wake na kunifanya mimi kama lengo la mshale wake.
13 Alinichoma moyo wangu kwa mishale iliyotoka kwenye podo lake.
Ametoboa maini yangu kwa mishale ya mfuko wake.
14 Nimekuwa kichekesho kwa watu wangu wote, wananidhihaki kwa wimbo mchana kutwa.
Nilikuwa kichekesho kwa watu wangu wote, kielelezo cha dhihaka yao siku nzima.
15 Amenijaza kwa majani machungu na kunishibisha kwa nyongo.
Amenijaza kwa uchungu na kunilazimisha kunywa maji machungu.
16 Amevunja meno yangu kwa changarawe, amenikanyagia mavumbini.
Alivunja meno yangu na kokoto; amenisukuma chini kwenye fumbi.
17 Amani yangu imeondolewa, nimesahau kufanikiwa ni nini.
Nafsi yangu imenyimwa amani; nimesahau furaha ni nini.
18 Kwa hiyo nasema, “Fahari yangu imeondoka na yale yote niliyokuwa nimetarajia kutoka kwa Bwana.”
Hivyo na sema, “Ustahimilivu wangu umeangamia na pia tumaini langu kwa Yahweh.”
19 Nayakumbuka mateso yangu na kutangatanga kwangu, uchungu na nyongo.
Kumbuka mateso yangu na kuangaika kwangu, maji machungu na uchungu.
20 Ninayakumbuka vyema, nayo nafsi yangu imezimia ndani yangu.
Ninaendelea kukumbuka na nimeinama ndani yangu.
21 Hata hivyo najikumbusha neno hili na kwa hiyo ninalo tumaini.
Lakini ni vuta hili akilini mwangu na hivyo nina matumaini:
22 Kwa sababu ya upendo mkuu wa Bwana, hatuangamii, kwa kuwa huruma zake hazikomi kamwe.
Upendo dhabiti wa Yahweh haukomi na huruma zake haziishi,
23 Ni mpya kila asubuhi, uaminifu wako ni mkuu.
ni mpya kila asubui; uaminifu wako ni mkubwa.
24 Nimeiambia nafsi yangu, “Bwana ni fungu langu, kwa hiyo nitamngojea.”
“Yahweh ni urithi wangu,” Nilisema, hivyo nitamtumainia.
25 Bwana ni mwema kwa wale ambao tumaini lao ni kwake, kwa yule ambaye humtafuta;
Yahweh ni mwema kwao wanao msubiri, kwa anaye mtafuta.
26 ni vyema kungojea kwa utulivu kwa ajili ya wokovu wa Bwana.
Ni vizuri kusubiri taratibu kwa uwokovu wa Yahweh.
27 Ni vyema mtu kuchukua nira bado angali kijana.
Ni vizuri kwa mtu kubeba nira katika ujana.
28 Na akae peke yake awe kimya, kwa maana Bwana ameiweka juu yake.
Acha aketi peke yake katika utulivu, inapo kuwa imewekwa juu yake.
29 Na azike uso wake mavumbini bado panawezekana kuwa na matumaini.
Acha aeke mdomo wake kwenye vumbi - kunaweza bado kuwa na matumaini.
30 Na atoe shavu lake kwa yule ampigaye, na ajazwe na aibu.
Acha atoa shavu lake kwa yeye anaye mpiga, na ajazwe tele kwa aibu.
31 Kwa kuwa watu hawakatiliwi mbali na Bwana milele.
Kwa kuwa Bwana hatatukataa milele,
32 Ingawa huleta huzuni, ataonyesha huruma, kwa kuwa upendo wake usiokoma ni mkuu.
lakini japo anatia uzuni, ata kuwa na huruma kwa kadiri ya mwingi wa upendo wake dhabiti.
33 Kwa maana hapendi kuwaletea mateso au huzuni watoto wa wanadamu.
Kwa kuwa haadhibu kutoka moyoni mwake au kutesa watoto wa mwanadamu.
34 Kuwaponda chini ya nyayo wafungwa wote katika nchi,
Kukanyaga chini ya mguu wafungwa wote wa dunia,
35 Kumnyima mtu haki zake mbele za Aliye Juu Sana,
kumnyima haki mtu mbele ya uwepo wa Aliye Juu,
36 kumnyima mtu haki: Je, Bwana asione mambo kama haya?
mkunyima haki mtu - Bwana hataidhinisha vitu kama hivyo!
37 Nani awezaye kusema nalo likatendeka kama Bwana hajaamuru?
Ni nani aliye zungumza na ikatimia, kama sio Bwana kutamka?
38 Je, si ni kwenye kinywa cha Aliye Juu Sana ndiko yatokako maafa na mambo mema?
Sio kutoka mdomoni mwa Aliye Juu majanga na mazuri yanakuja?
39 Mwanadamu yeyote aliye hai aweza kulalamika wakati anapoadhibiwa kwa ajili ya dhambi zake?
Mtu aliye hai anawezaje kulalamika? Mtu anawezaje kulalamika kwa adhabu ya dhambi zake?
40 Tuzichunguze njia zetu na kuzijaribu, na tumrudie Bwana Mungu.
Natujichunguze njia zetu na kuzijaribu, na tumrudie Yahweh.
41 Tuinue mioyo yetu pamoja na mikono yetu kwa Mungu mbinguni, na tuseme:
Na tunyanyue mioyo yetu na mikono yetu kwa Yahweh mbinguni:
42 “Tumetenda dhambi na kuasi nawe hujasamehe.
“Tumekosea na kuasi, na haujasamehe.
43 “Umejifunika mwenyewe kwa hasira na kutufuatilia; umetuchinja bila huruma.
Umejifunika na hasira na kutukimbiza, umeua na haujanusuru.
44 Unajifunika mwenyewe kwa wingu, ili pasiwe na ombi litakaloweza kupenya.
Umejifunika na wingu ili kwamba kusiwe na ombi linaloweza kupita.
45 Umetufanya takataka na uchafu miongoni mwa mataifa.
Umetufanya kama uchafu na taka miongoni mwa mataifa.
46 “Adui zetu wote wamefumbua vinywa vyao wazi dhidi yetu.
Maadui wetu wote wametulaani,
47 Tumeteseka kwa hofu kuu na shida ya ghafula, uharibifu na maangamizi.”
wasiwasi na shimo limetujia, maafa na uharibifu.
48 Vijito vya machozi vinatiririka kutoka machoni mwangu, kwa sababu watu wangu wameangamizwa.
Macho yangu yanatiririka na miferiji ya machozi kwasababu ya watu wangu.
49 Macho yangu yatatiririka machozi bila kukoma, bila kupata nafuu,
Macho yangu yatatoa machozi pasipo kikomo; pasipo hauweni,
50 hadi Bwana atazame chini kutoka mbinguni na kuona.
mpaka atakapo tazama chini na Yahweh ataona kutoka mbinguni.
51 Lile ninaloliona huniletea huzuni nafsini kwa sababu ya wanawake wote wa mji wangu.
Macho yangu yana ni sababishia uzuni kwasababu ya mabinti wa mji wangu.
52 Wale waliokuwa adui zangu bila sababu wameniwinda kama ndege.
Nimewindwa kama ndege hao walio kuwa maadui zangu; wameniwinda pasipo sababu.
53 Walijaribu kukomesha maisha yangu ndani ya shimo na kunitupia mawe;
Wamenitupa kwenye shimo na wakanitupia jiwe,
54 maji yalifunika juu ya kichwa changu, nami nikafikiri nilikuwa karibu kukatiliwa mbali.
na maji yaka mwagika juu ya kichwa changu. Nilisema, “Nimekatwa mbali!”
55 Nililiitia jina lako, Ee Bwana, kutoka vina vya shimo.
Nililiita jna lako, Yahweh, kutoka kina cha shimo.
56 Ulisikia ombi langu: “Usikizibie masikio yako kilio changu nikuombapo msaada.”
Ulisikia sauti yangu. Ulisikia sauti yangu nilipo sema, “Usifunge sikio lako kwa kilio changu cha msaada.”
57 Ulikuja karibu nilipokuita, nawe ukasema, “Usiogope.”
Ulikuja karibu siku niliyo kuiita; ulisema, “Usiogope”
58 Ee Bwana, ulichukua shauri langu, ukaukomboa uhai wangu.
Bwana, ulitetea kesi yangu, uliokoa maisha yangu!
59 Umeona, Ee Bwana, ubaya niliotendewa. Tetea shauri langu!
Yahweh, umeona mabaya waliyo ni fanyia, hukumu kesi yangu.
60 Umeona kina cha kisasi chao, mashauri yao yote mabaya dhidi yangu.
Umeona matusi yao, mipango yao yote dhidi yangu -
61 Ee Bwana, umesikia matukano yao, mashauri yao yote mabaya dhidi yangu:
Umesikia dhihaka yao, Yahweh, na mipango yao kunihusu.
62 kile adui zangu wanachonongʼona na kunungʼunikia dhidi yangu mchana kutwa.
Midomo ya hao wanao inuka kinyume changu, na mashtaka yao, inakuja dhidi yangu siku nzima.
63 Watazame! Wakiwa wameketi au wamesimama, wananidhihaki katika nyimbo zao.
Ngalia jinsi wanavyo keti na kuinuka; wana nidhihaki na nyimbo zao.
64 Uwalipe kile wanachostahili, Ee Bwana, kwa yale ambayo mikono yao imetenda.
Walipize, Yahweh, kwa kadiri ya waliyo fanya.
65 Weka pazia juu ya mioyo yao, laana yako na iwe juu yao!
Utaacha mioyo yao bila lawama! Hukumu yako iwe juu yao!
66 Wafuatilie katika hasira na uwaangamize kutoka chini ya mbingu za Bwana.
Una wakimbiza kwa hasira na kuwaharibu nchini ya mbingu, Yahweh!
