Ayubu 9
1 Kisha Ayubu akajibu:
| ויען איוב ויאמר׃ |
2 “Naam, najua hili ni kweli. Lakini mwanadamu awezaje kuwa mwadilifu mbele za Mungu?
| אמנם ידעתי כי כן ומה יצדק אנוש עם אל׃ |
3 Ingawa mtu angetaka kushindana naye, asingaliweza kumjibu Mungu hata mara moja miongoni mwa elfu moja.
| אם יחפץ לריב עמו לא יעננו אחת מני אלף׃ |
4 Hekima yake ni kubwa sana na ana uwezo mwingi mno. Ni nani aliyempinga naye akawa salama?
| חכם לבב ואמיץ כח מי הקשה אליו וישלם׃ |
5 Aiondoa milima bila yenyewe kujua na kuipindua kwa hasira yake.
| המעתיק הרים ולא ידעו אשר הפכם באפו׃ |
6 Aitikisa dunia kutoka mahali pake na kuzifanya nguzo zake zitetemeke.
| המרגיז ארץ ממקומה ועמודיה יתפלצון׃ |
7 Husema na jua, nalo likaacha kuangaza; naye huizima mianga ya nyota.
| האמר לחרס ולא יזרח ובעד כוכבים יחתם׃ |
8 Yeye peke yake huzitandaza mbingu na kuyakanyaga mawimbi ya bahari.
| נטה שמים לבדו ודורך על במתי ים׃ |
9 Yeye ndiye Muumba wa nyota za Dubu, na Orioni, Kilimia, na makundi ya nyota za kusini.
| עשה עש כסיל וכימה וחדרי תמן׃ |
10 Hutenda maajabu yasiyopimika, miujiza isiyoweza kuhesabiwa.
| עשה גדלות עד אין חקר ונפלאות עד אין מספר׃ |
11 Anapopita karibu nami, siwezi kumwona; apitapo mbele yangu, simtambui.
| הן יעבר עלי ולא אראה ויחלף ולא אבין לו׃ |
12 Anapochukua kwa ghafula, ni nani awezaye kumzuia? Ni nani awezaye kumwambia, ‘Unafanya nini?’
| הן יחתף מי ישיבנו מי יאמר אליו מה תעשה׃ |
13 Mungu hataizuia hasira yake; hata jeshi kubwa la Rahabu lenye nguvu linajikunyata miguuni pake.
| אלוה לא ישיב אפו תחתו שחחו עזרי רהב׃ |
14 “Ni vipi basi mimi nitaweza kubishana naye? Nawezaje kupata maneno ya kuhojiana naye?
| אף כי אנכי אעננו אבחרה דברי עמו׃ |
15 Ingawa sikuwa na hatia, sikuweza kumjibu; ningeweza tu kumsihi Mhukumu wangu anihurumie.
| אשר אם צדקתי לא אענה למשפטי אתחנן׃ |
16 Hata kama ningemwita kwenye shauri, naye akakubali, siamini kama angenisikiliza.
| אם קראתי ויענני לא אאמין כי יאזין קולי׃ |
17 Yeye angeniangamiza kwa dhoruba na kuongeza majeraha yangu pasipo na sababu.
| אשר בשערה ישופני והרבה פצעי חנם׃ |
18 Asingeniacha nipumue bali angenifunika kabisa na huzuni kuu.
| לא יתנני השב רוחי כי ישבעני ממררים׃ |
19 Kama ni suala la nguvu, yeye ni mwenye nguvu! Kama ni suala la haki, ni nani awezaye kumwita mahakamani?
| אם לכח אמיץ הנה ואם למשפט מי יועידני׃ |
20 Hata kama sikuwa na hatia, kinywa changu kingenihukumu; kama sikuwa na kosa, kingenitangaza kuwa mwenye hatia.
| אם אצדק פי ירשיעני תם אני ויעקשני׃ |
21 “Ingawa mimi sina kosa, haileti tofauti katika nafsi yangu; nauchukia uhai wangu.
| תם אני לא אדע נפשי אמאס חיי׃ |
22 Hayo yote ni sawa; ndiyo sababu nasema, ‘Yeye huwaangamiza wasio na makosa pamoja na waovu.’
| אחת היא על כן אמרתי תם ורשע הוא מכלה׃ |
23 Wakati pigo liletapo kifo cha ghafula, yeye hudhihaki kule kukata tamaa kwa yule asiye na kosa.
| אם שוט ימית פתאם למסת נקים ילעג׃ |
24 Wakati nchi inapoangukia mikononi mwa waovu, yeye huwafunga macho mahakimu wake. Kama si yeye, basi ni nani?
| ארץ נתנה ביד רשע פני שפטיה יכסה אם לא אפוא מי הוא׃ |
25 “Siku zangu zapita mbio kuliko mkimbiaji; zinapita upesi bila kuona furaha hata kidogo.
| וימי קלו מני רץ ברחו לא ראו טובה׃ |
26 Zinapita upesi kama mashua ya mafunjo, mfano wa tai ayashukiaye mawindo kwa ghafula.
| חלפו עם אניות אבה כנשר יטוש עלי אכל׃ |
27 Kama nikisema, ‘Nitayasahau malalamiko yangu, nitabadili sura ya uso wangu na kutabasamu,’
| אם אמרי אשכחה שיחי אעזבה פני ואבליגה׃ |
28 bado ninahofia mateso yangu yote, kwa kuwa ninajua hutanihesabu kuwa sina hatia.
| יגרתי כל עצבתי ידעתי כי לא תנקני׃ |
29 Kwa kuwa nimeonekana mwenye hatia, kwa nini basi nitaabishwe bure?
| אנכי ארשע למה זה הבל איגע׃ |
30 Hata kama ningejiosha kwa sabuni na kutakasa mikono yangu kwa magadi,
| אם התרחצתי במו שלג והזכותי בבר כפי׃ |
31 wewe ungenitupa kwenye shimo la utelezi kiasi kwamba hata nguo zangu zingenichukia sana.
| אז בשחת תטבלני ותעבוני שלמותי׃ |
32 “Yeye si mwanadamu kama mimi ili niweze kumjibu, ili kwamba tuweze kushindana naye mahakamani.
| כי לא איש כמני אעננו נבוא יחדו במשפט׃ |
33 Laiti angelikuwepo mtu wa kutupatanisha kati yetu, aweke mkono wake juu yetu sote wawili,
| לא יש בינינו מוכיח ישת ידו על שנינו׃ |
34 mtu angeliiondoa fimbo ya Mungu juu yangu, ili utisho wake usiendelee kunitia hofu.
| יסר מעלי שבטו ואמתו אל תבעתני׃ |
35 Ndipo ningenena naye, bila kumwogopa, lakini kama ilivyo kwangu sasa, sitaweza.
| אדברה ולא איראנו כי לא כן אנכי עמדי׃ |
