Ayubu 33
1 “Lakini Ayubu, sasa, sikiliza maneno yangu; zingatia kila kitu nitakachosema.
| ואולם--שמע-נא איוב מלי וכל-דברי האזינה |
2 Karibu nitafungua kinywa changu; maneno yangu yapo katika ncha ya ulimi wangu.
| הנה-נא פתחתי פי דברה לשוני בחכי |
3 Maneno yangu yanatoka katika moyo mnyofu; midomo yangu hunena kwa uaminifu yale niyajuayo.
| ישר-לבי אמרי ודעת שפתי ברור מללו |
4 Roho wa Mungu ameniumba; pumzi ya Mwenyezi hunipa uhai.
| רוח-אל עשתני ונשמת שדי תחיני |
5 Unijibu basi, kama unaweza; jiandae kunikabili mimi.
| אם-תוכל השיבני ערכה לפני התיצבה |
6 Mimi ni kama wewe mbele za Mungu; mimi pia nimetolewa kwenye udongo.
| הן-אני כפיך לאל מחמר קרצתי גם-אני |
7 Huna sababu ya kuniogopa, wala mkono wangu haupaswi kukulemea.
| הנה אמתי לא תבעתך ואכפי עליך לא-יכבד |
8 “Lakini umesema nikiwa ninakusikia, nami nilisikia maneno yenyewe:
| אך אמרת באזני וקול מלין אשמע |
9 ‘Mimi ni safi na sina dhambi; mimi ni safi na sina hatia.
| זך אני בלי-פשע חף אנכי ולא עון לי |
10 Lakini bado Mungu amepata dosari kwangu, naye ananiona kama adui yake.
| הן תנואות עלי ימצא יחשבני לאויב לו |
11 Ananifunga miguu kwa pingu, tena anaziangalia njia zangu zote kwa karibu.’
| ישם בסד רגלי ישמר כל-ארחתי |
12 “Lakini mimi ninakuambia, katika jambo hili wewe una makosa, kwa maana Mungu ni mkuu kuliko mwanadamu.
| הן-זאת לא-צדקת אענך כי-ירבה אלוה מאנוש |
13 Kwa nini unamlalamikia kwamba yeye hamjibu mwanadamu?
| מדוע אליו ריבות כי כל-דבריו לא יענה |
14 Kwa kuwa Mungu husema, wakati huu kwa njia moja, au wakati mwingine kwa njia nyingine, ingawa mwanadamu anaweza asielewe.
| כי-באחת ידבר-אל ובשתים לא ישורנה |
15 Mungu husema na mwanadamu katika ndoto, katika maono ya usiku, wakati usingizi mzito uwaangukiapo wanadamu wasinziapo vitandani mwao,
| בחלום חזיון לילה--בנפל תרדמה על-אנשים בתנומות עלי משכב |
16 anaweza akasemea masikioni mwao, na kuwatia hofu kwa maonyo,
| אז יגלה אזן אנשים ובמסרם יחתם |
17 ili kumgeuza mtu kutoka kwenye kutenda mabaya na kumwepusha na kiburi,
| להסיר אדם מעשה וגוה מגבר יכסה |
18 kuiokoa nafsi yake na shimo, uhai wake usiangamizwe kwa upanga.
| יחשך נפשו מני-שחת וחיתו מעבר בשלח |
19 Mtu anaweza kutiwa adabu kwa maumivu kitandani mwake, kwa dhiki za mfululizo katika mifupa yake,
| והוכח במכאוב על-משכבו וריב (ורוב) עצמיו אתן |
20 kiasi kwamba maisha yake yenyewe yanakataa chakula nayo nafsi yake ikakichukia kabisa hata chakula kizuri.
| וזהמתו חיתו לחם ונפשו מאכל תאוה |
21 Nyama ya mwili wake huisha kwa kukonda, nayo mifupa yake ambayo mwanzoni ilikuwa imefichika, sasa inatokeza nje.
| יכל בשרו מראי ושפי (ושפו) עצמתיו לא ראו |
22 Nafsi yake inakaribia kaburi, nao uhai wake karibu na wajumbe wa kifo.
| ותקרב לשחת נפשו וחיתו לממתים |
23 “Kama bado kuna malaika upande wake kama mtetezi, mmoja miongoni mwa elfu, wa kumwambia mwanadamu lililo jema kwake,
| אם-יש עליו מלאך--מליץ אחד מני-אלף להגיד לאדם ישרו |
24 kumwonea huruma na kusema, ‘Mwokoe asije akatumbukia shimoni; nimepata ukombozi kwa ajili yake’:
| ויחננו--ויאמר פדעהו מרדת שחת מצאתי כפר |
25 ndipo nyama ya mwili wake hufanywa mpya kama ya mtoto; hurudishwa upya kama siku za ujana wake.
| רטפש בשרו מנער ישוב לימי עלומיו |
26 Humwomba Mungu, akapata kibali kwake, huuona uso wa Mungu na kushangilia kwa furaha; Mungu humrudisha katika hali yake ya uadilifu.
| יעתר אל-אלוה וירצהו וירא פניו בתרועה וישב לאנוש צדקתו |
27 Ndipo huja mbele za watu na kusema, ‘Nilitenda dhambi na kupotosha kilichokuwa haki, lakini sikuadhibiwa kama nilivyostahili.
| ישר על-אנשים ויאמר חטאתי וישר העויתי ולא-שוה לי |
28 Alinikomboa nafsi yangu nisitumbukie shimoni, nami nitaishi ili kuufurahia mwanga.’
| פדה נפשי (נפשו) מעבר בשחת וחיתי (וחיתו) באור תראה |
29 “Mungu hufanya haya yote kwa mwanadamu; mara mbili hata mara tatu,
| הן-כל-אלה יפעל-אל-- פעמים שלוש עם-גבר |
30 ili aigeuze nafsi yake toka shimoni, ili nuru ya uzima imwangazie.
| להשיב נפשו מני-שחת-- לאור באור החיים |
31 “Ayubu, zingatia, nisikilize mimi; nyamaza, nami nitanena.
| הקשב איוב שמע-לי החרש ואנכי אדבר |
32 Kama unalo lolote la kusema, unijibu; sema, kwa maana ninataka uonekane huna hatia.
| אם-יש-מלין השיבני דבר כי-חפצתי צדקך |
33 Lakini kama huna la kusema, basi nisikilize mimi; nyamaza, nami nitakufundisha hekima.”
| אם-אין אתה שמע-לי החרש ואאלפך חכמה |
