Salmos 116
1 Amo al SEÑOR, porque ha oído mi voz y mis súplicas.
Nalingaka Yawe, pamba te ayokaka mongongo mpe mabondeli na ngai.
2 Porque ha inclinado a mí su oído, le invocaré en todos mis días.
Ayokaki ngai; boye nakobelela Ye bomoi na ngai mobimba.
3 Me rodearon los dolores de la muerte, me encontraron las angustias del sepulcro; angustia y dolor había yo hallado. (Sheol h7585)
Minyololo ya kufa ezingelaki ngai, somo ya mboka ya bakufi ekangaki ngai; nakomaki moto ya pasi mpe ya mawa. (Sheol h7585)
4 Entonces invoqué el Nombre del SEÑOR, diciendo: Libra ahora, oh SEÑOR, mi alma.
Kasi nabelelaki Kombo ya Yawe: « Yawe, nabondeli Yo, bikisa ngai! »
5 Clemente es el SEÑOR y justo; sí, misericordioso es nuestro Dios.
Yawe asalaka ngolu mpe azali sembo, Nzambe na biso ayokelaka bato mawa.
6 El SEÑOR guarda a los simples; estaba debilitado, y me salvó.
Yawe abatelaka bato oyo bazangi mayele. Nalembaki nzoto, kasi abikisi ngai.
7 Vuelve, oh alma mía, a tu reposo; porque el SEÑOR te ha hecho bien.
Molimo na ngai, zongela kimia na yo, pamba te Yawe asaleli yo bolamu.
8 Porque has librado mi alma de la muerte, mis ojos de lágrimas, y mis pies de resbalar.
Solo, okangoli ngai na kufa, okawusi mpinzoli na ngai mpe obateli makolo na ngai ete ekweya te.
9 Andaré delante del SEÑOR en la tierra de los vivientes.
Nakotambola liboso ya Yawe kati na mokili ya bato ya bomoi.
10 Creí; por tanto hablé, y fui afligido en gran manera.
Solo, nazalaka na elikya, ezala soki nalobaka: « Nazali moto na pasi makasi. »
11 Y dije en mi apresuramiento: Todo hombre es mentiroso.
Kati na mitungisi na ngai, nazalaki komilobela: « Bato nyonso bazali bakosi. »
12 ¿Qué pagaré al SEÑOR por todos sus beneficios para conmigo?
Nini nakoki kozongisela Yawe mpo na bolamu na Ye nyonso epai na ngai?
13 Tomaré la copa de la salud, e invocaré el Nombre del SEÑOR.
Nakotombola kopo ya elonga mpe nakobelela Kombo ya Yawe.
14 Ahora pagaré mis votos al SEÑOR delante de todo su pueblo.
Nakokokisa bandayi na ngai epai na Yawe na miso ya bato na Ye nyonso.
15 Estimada es en los ojos del SEÑOR la muerte de sus misericordiosos.
Kufa ya bayengebene ya Yawe ezali na motuya makasi na miso na Ye.
16 Así es oh SEÑOR, porque yo soy tu siervo, yo soy tu siervo, hijo de tu sierva; tú rompiste mis prisiones.
Yawe, yoka ngai, nazali mosali na Yo. Nazali mosali na Yo, mwana mobali ya mwasi mosali na Yo. Ofungoli minyololo oyo ekangaki ngai.
17 Te ofreceré sacrificio de alabanza, e invocaré el Nombre del SEÑOR.
Nakobonzela Yo mbeka mpo na kozongisa matondi, mpe nakobelela Kombo ya Yawe.
18 Ahora pagaré mis votos al SEÑOR delante de todo su pueblo;
Nakokokisa bandayi na ngai epai na Yawe na miso ya bato na Ye nyonso,
19 en los atrios de la Casa del SEÑOR, en medio de ti, oh Jerusalén. Alelu-JAH.
kati na lopango ya Tempelo ya Yawe; kati na yo, Yelusalemi. Bokumisa Yawe!
