Proverbios 3

1 HIJO mío, no te olvides de mi ley; y tu corazón guarde mis mandamientos:

Mofavrenimoke, nagrama rempima hugamua kea kage'okanio. Hianagi kasegeni'a kagu'tumote erintegeno meno.

2 Porque largura de días, y años de vida y paz te aumentarán.

Na'ankure kaza nehanigenka, karimpa frune zaza kafuzage knare hunka maninka vugahane.

3 Misericordia y verdad no te desamparen; átalas á tu cuello, escríbelas en la tabla de tu corazón:

Atregeno vahe'ma knare kavukvama huntezamo'ene, tamage avu'avamo'a katreno ovino. Hagi knankempi nofi kintegeno me'ne'na kagu'tumote avonkrentegeno meno.

4 Y hallarás gracia y buena opinión en los ojos de Dios y de los hombres.

E'ina'ma hanankeno'a, Anumzamo'ene vahe'mo'zanena kavesinegante'za, husga hugantegahaze.

5 Fíate de Jehová de todo tu corazón, y no estribes en tu prudencia.

Anumzamofona mika kagu'areti hunka antahi'neminka, nagrani'a antahintahiretira makazana hugahue hunka osuo.

6 Reconócelo en todos tus caminos, y él enderezará tus veredas.

Hanki mikazama hanampina antahiminka agihanta nevazigeno, vanana kana azeri ante fatgo hugantegahie.

7 No seas sabio en tu opinión: teme á Jehová, y apártate del mal;

Kagraka'a antahizankura knare hu'ne hunka eri antesga osunka, Anumzamofonku koro huntenka agorga'a nemaninka, havi avu'ava zana kamefi humio.

8 Porque será medicina á tu ombligo, y tuétano á tus huesos.

E'i ana'ma hanankeno'a, kavufa kazeri neganamreno, zaferina ka'a kazeri hanavetigahie.

9 Honra á Jehová de tu sustancia, y de las primicias de todos tus frutos;

Feno zanka'anu'ene hozakafima pusama nenama hania nezanteti'ene Ra Anumzamofona aminka, agia erintesga huo.

10 Y serán llenas tus trojes con abundancia, y tus lagares rebosarán de mosto.

Ana hanankeno Anumzamo'a kaza nehina nezama ante nonka'amo'a aviteno herafi neramina, waini tintafemofona kasefa waini timo aviteno tagiramigahie.

11 No deseches, hijo mío, el castigo de Jehová; ni te fatigues de su corrección:

Mofavre'nimoka Ra Anumzamoma, kazeri fatgo hania kegura, kamefira huomige, kazeri fatgoma hunaku kazeri akorisiana karimpagna osuo.

12 Porque al que ama castiga, como el padre al hijo á quien quiere.

Na'ankure mago ne'mo'ma mofavre'ama avesima nenteno azeri fatgo nehiankna huno, Ra Anumzamo'a avesimantea vahera azeri fatgo nehie.

13 Bienaventurado el hombre que halla la sabiduría, y que obtiene la inteligencia:

Iza'o knare antahintahigu hakreno e'nerino, antahi ama'huzama erisimo'a, muse hugahie.

14 Porque su mercadería es mejor que la mercadería de la plata, y sus frutos más que el oro fino.

Na'ankure ana knare antahintahimofona mizama'amo'a, silvaretima e'neriza zagoa agateneregeno, goliretima e'neriza zagoa, mago'ane agatere'ne.

15 Más preciosa es que las piedras preciosas; y todo lo que puedes desear, no se puede comparar á ella.

Knare antahintahimo'a mizama'amo mreri'nea havea agatere'ne, mago'a zankuma nentahinka kavesi kavesima nehana zantamina ageterene.

16 Largura de días está en su mano derecha; en su izquierda riquezas y honra.

Zaza knama maninka vuzamo'a, knare antahintahimofona tmaga azampi megeno, hoga kaziga azampina fenone, agi husaga hu'za me'ne.

17 Sus caminos son caminos deleitosos, y todas sus veredas paz.

Knare antahintahimofo avu'ava'ma huzamo'a, krimpafru nehunka muse hugahane.

18 Ella es árbol de vida á los que de ella asen: y bienaventurados son los que la mantienen.

Iza'o ana knare antahintahima azerimo'a, asimu eri zafagna hu'neankino, agri avesizama azeri hampo'na hanimo'a muse hugahie.

19 Jehová con sabiduría fundó la tierra; afirmó los cielos con inteligencia.

Ra Anumzamo'a knare antahi'zama'areti, ama mopamofo tra'a erifore nehuno, antahi ama' hu antahi'zama'areti mona eri fore hu'ne.

20 Con su ciencia se partieron los abismos, y destilan el rocío los cielos.

Agra'a antahizanteti higeno timo'a mopa agu'afintira katati huno marerigeno, hampomo'a atakora nerie.

21 Hijo mío, no se aparten [estas cosas] de tus ojos; guarda la ley y el consejo;

Mofavre'nimoke atregeno knare antahintahizane, havizane knare zanema antahinka refkohu kavukva'zana kagripintira fanane osina, kegava huo.

22 Y serán vida á tu alma, y gracia á tu cuello.

Hagi ana antahizamo'a kasimu kaminigenka za'za kna nemaninankeno, asunku'zamo'a knankempi kavasese huganteaza hugahie.

23 Entonces andarás por tu camino confiadamente, y tu pie no tropezará.

Ana nehunka kama vananana, kva hugantenkenka traka osunka, knare hunka vugahane.

24 Cuando te acostares, no tendrás temor; antes te acostarás, y tu sueño será suave.

Kavu'ma masesanana kore osunka, haganentake kavu masegahane.

25 No tendrás temor de pavor repentino, ni de la ruina de los impíos cuando viniere:

Ame huno hazenkema esigenka kagra korera nosunka, kefo vahe'ma knazamo'ma azeri haviza hanigenka, korera osuo.

26 Porque Jehová será tu confianza, y él preservará tu pie de ser preso.

Na'ankure Ra Anumzamo kagrira kegava hugante'nesigeno, kagafina krifumo'a aze'origahie.

27 No detengas el bien de sus dueños, cuando tuvieres poder para hacerlo.

Kagrama azama huga kankamunte'ma mani'nesunka, atupa'ma hu'ne'naza vahera amane aza huo.

28 No digas á tu prójimo: Ve, y vuelve, y mañana [te] daré; cuando tienes contigo [qué darle].

Tva'onkare nemani'simofona amiga'ma hu'nesunka, oki ege'na kami'neno hunka osuo.

29 No intentes mal contra tu prójimo, estando él confiado de ti.

Tva'onkare nemanisaza vahera hazenke zamikea retro osuo. Na'ankure kagrikura taza hugahie hu'za antahinegamize.

30 No pleitees con alguno sin razón, si él no te ha hecho agravio.

Kegafa'a omaneno, mago kefozama huogante'nesnigenka, mago nera azerinka keaga huonto.

31 No envidies al hombre injusto, ni escojas alguno de sus caminos.

Hazenkema hanaza vahe'mokizmi zamavu'zmavakura kegasane nosunka, zamagrama hanaza zamavu'zmavara osuo.

32 Porque el perverso es abominado de Jehová: mas su secreto es con los rectos.

Na'ankure Ra Anumzamo'a akrehe krehe zamavu'zmava'ene vahekura avesra huno agote'nezmanteno, fatgo zamavu'zmava'ma nehaza vaheku avesi'nezmante.

33 La maldición de Jehová está en la casa del impío; mas él bendecirá la morada de los justos.

Kefo zamavu'zmava'ma nehaza vahe'mokizmi naga'zmimofona, Ra Anumzamo'a kazusi hunezmante. Hianagi fatgo ne'mofo nagapina asomu hunezmante.

34 Ciertamente él escarnecerá á los escarnecedores, y á los humildes dará gracia.

Vahe'mokizmima azanava kema huzmante vahe'mofona, Ra Anumzamo'a agri'enena azanava ke huntegahie. Hianagi anteramino manimofona, asunku hunente.

35 Los sabios heredarán honra: mas los necios sostendrán ignominia.

Knare antahi'zane vahe'mo'a, ra agi erigahianagi, neginagi antahi'zane vahe'mo'za, zamagazegu hugahaze.