Salmos 22

1 ¡Dios mío, Dios mío! ¿por qué me has dejado? ¿estás lejos de mi salud, de las palabras de mi gemido?

Diosko, Diosko apay a binaybay-annak? Apay nga adayuka unay manipud iti panangisalakanmo kaniak ken adayuka manipud kadagiti sasao ti panagasugko?

2 Dios mío, clamo de día, y no oyes; y de noche, y no hay para mí silencio.

O Diosko, umawagak iti tenga iti aldaw, ngem saanka a sumungbat, ken iti rabii ket saanak nga agulimek!

3 Y tú, santo, habitante, alabanzas de Israel.

Ngem nasantoanka latta, agtugawka a kas ari nga addaan panangidaydayaw ti Israel.

4 En ti esperaron nuestros padres: esperaron, y los salvaste.

Nagtalek kenka dagiti kapuonanmi; nagtalekda kenka, ken inispalmo ida.

5 Clamaron a ti, y fueron librados: esperaron en ti, y no se avergonzaron.

Immasugda kenka ket naispalda. Nagtalekda kenka ket saanda a naupay.

6 Y yo, gusano, y no varón: vergüenza de hombres y desecho del pueblo.

Ngem maysaak nga igges ket saan a tao, nakababainak iti sangkataoan ken inum-umsidak dagiti tattao.

7 Todos los que me ven, escarnecen de mí: echan de los labios, menean la cabeza.

Uy-uyawendak amin dagiti makakita kaniak; lalaisendak; iwingiwingda dagiti uloda kaniak.

8 Remíte se a Jehová, líbrele, que le quiere bien.

Kunkunada, “Agtaltalek isuna kenni Yahweh; bay-anyo nga ispalen ni Yahweh isuna. Bay-anyo nga ispalenna isuna, ta maragsakan isuna kenkuana.”

9 Empero tú eres el que me sacó del vientre: el que me haces esperar desde los pechos de mi madre.

Ta sika ti nangiyaon kaniak iti aanakan; pinagtaleknak kenka idi addaak kadagiti barukong ni inak.

10 Sobre ti estoy echado desde la matriz: desde el vientre de mi madre tú eres mi Dios.

Naipurruakak kenka manipud iti aanakan; sika ti Diosko idi pay addaak iti aanakan ti inak!

11 No te alejes de mí, porque la angustia está cerca: porque no hay quien ayude.

Saanka koma nga adayu kaniak, ta asideg ti riribuk; awan iti siasinoman a tumulong.

12 Rodeáronme muchos toros: fuertes toros de Basán me cercaron.

Adu a toro iti manglawlawlaw kaniak; dagiti napipigsa a toro ti Bashan lawlawendak.

13 Abrieron sobre mí su boca, como león que hace presa y que brama.

Ingangada iti kasta unay dagiti ngiwatda a maibusor kaniak a kasla ngumerngernger a leon a mangpirpirsay iti biktimana.

14 Como aguas me escurrí, y descoyuntáronse todos mis huesos: mi corazón fue como cera desliéndose en medio de mis entrañas.

Naibukbukak a kas iti danum ken nagkalagsi amin dagiti tultulangko. Ti pusok ket kasla iti allid, marunrunaw daytoy kadagiti kaun-gak.

15 Secóse como un tiesto mi vigor, y mi lengua se pegó a mis paladares: y en el polvo de la muerte me has puesto.

Namagaan ti pigsak a kasla iti maysa a damili; dimket ti dilak iti ngangawko. Impaiddanak iti tapuk ni patay.

16 Porque me rodearon perros: cercáronme cuadrilla de malignos: horadaron mis manos y mis pies.

Ta linawlawdak dagiti aso, linikmutdak iti bunggoy dagiti managdakdakes; tinudokda dagiti im-imak ken saksakak.

17 Contaría todos mis huesos: ellos miran, me consideran:

Mabilangko amin a tulangko. Kumitkitada ken matmatmatandak.

18 Partieron entre sí mis vestidos: y sobre mi ropa echaron suertes.

Pagbibingayanda dagiti pagan-anayko, pagbibinnunotanda dagiti kawesko.

19 Mas tú, Jehová, no te alejes: fortaleza mía, apresúrate para mi socorro.

Saanka koma nga umadayu, O Yahweh; pangngaasim ta partakam ti mangtulong kaniak, ti pigsak!

20 Escapa de la espada mi alma; de poder del perro mi única.

Ispalem toy kararuak manipud iti kampilan, toy kakaisuna a biagko manipud kadagiti kuko dagiti narungsot nga aso. Isalakannak manipud iti ngiwat ti leon;

21 Sálvame de la boca del león: y de los cuernos de los unicornios óyeme.

Ispalennak manipud kadagiti sara dagiti narungsot a baka.

22 Contaré tu nombre a mis hermanos: en medio de la congregación te alabaré.

Iwaragawagkonto ti naganmo kadagiti kakabsatko; iti tengnga ti gimong idaydayawkanto.

23 Los que teméis a Jehová, alabádle; toda la simiente de Jacob, glorificádle; y teméd de él toda la simiente de Israel.

Dakayo nga agbuteng kenni Yahweh, idaydayawyo isuna! Dakayo amin a kaputotan ni Jacob, dayawenyo isuna! Agtakderkayo a siaamak kenkuana, dakayo amin a kaputotan ti Israel!

24 Porque no menospreció, ni abominó, la aflicción del pobre, ni escondió su rostro de él: y cuando clamó a él, le oyó.

Ta saanna nga inumsi wenno kinagura ti panagsagaba ti naparigat; saan nga inlemmeng ni Yahweh ti rupana manipud kenkuana; dinengngegna idi immawag kenkuana ti naparigatan.

25 De ti será mi alabanza en la grande congregación: mis votos pagaré delante de los que le temen.

Gapu kenka ti panagdayawko idiay dakkel a gimong; tungpalekto dagiti karkarik iti sangoanan dagiti agbuteng kenkuana.

26 Comerán los pobres, y hartarse han: alabarán a Jehová los que le buscan: vivirá vuestro corazón para siempre.

Dagiti naidadanes ket mangan ken mapnekto; dagiti mangsapul kenni Yahweh ket idaydayawdanto isuna. Agbiag koma dagiti pusoyo iti agnanayon.

27 Acordarse han, y volverse han a Jehová todos los términos de la tierra; y humillarse han delante de ti todas las familias de las gentes.

Malagipto amin dagiti tattao iti daga ket agsublidanto kenni Yahweh, agruknoyto iti sangoanam dagiti amin a pamilia dagiti nasion.

28 Porque de Jehová es el reino: y él se enseñoreará de las naciones.

Ta kukua ni Yahweh ti pagarian; isuna ti mangituray kadagiti nasion.

29 Comieron, y adoraron todos los gruesos de la tierra: delante de él se arrodillaron todos los que descienden al polvo: y sus almas no vivificaron.

Amin dagiti narang-ay a tattao iti daga ket agpadaya ken agdaydayawdanto; amin dagiti agpababa iti tapuk ket agruknoydanto kenkuana, dagiti saan a makabalin a mangpataginayon kadagiti bukodda a biag.

30 La simiente le servirá: será contada a Jehová perpetuamente.

Agserbinto kenkuana ti kaputotan nga umay; ibagadanto iti sumaruno a kaputotan ti Apo.

31 Vendrán, y anunciarán al pueblo que naciere, su justicia que él hizo.

Umaydanto ken ibagada ti kinalintegna; ibagadanto kadagiti tattao a saan pay a naiyanak dagiti naaramidanna!